محتار مازدا 9 او سنتافي

ميولي اكثر للمازدا لكن حاس انه راح يتغير كلياً الموديل الجاي انصحه يصبر شوي ،،

راح يتغيير السنة الجاية بالتحديد بشهر مارس ينزل المازدا 
وهو افضل لو باخذ اخذته هو 
ولا راح التفت للكوري ابدا 
واضف cx5 الجديد توه نزل من اسبوعين ٨٨ الف سعره

المازدا اكيد ياباني ما اقارنها بالكوري لا من ناحية الجوده ولا الاعتماديه ,,

المازدا اكيد .. اكثر سياره ندمت على بيعها هي المازدا .. كان كفو ولا طلب من شيء ..تخيل 4 سنين ماطلب الا فحمات وزيت قير .. وعيب مصنعي في دنمو القزازات .. خرب 2 علي .. واحج ب 275 وواحد ب315 

كانه سياره فخمه في سواقته .. خفيفه وبنفس الوقت راسيه .. 

ادخل على اعلانات 2008 و 2009 .. شف كم ماشيات .. طاقه 300 ألف بالراحه وفيها اكثر من نص عمر

وبدون لا اجيب طاري الهونداي ولا اعيب فيه لاني ما جربته وانا انقلك هالكلام مم مجرب

وانصحك بالاستاندر ان كانك تكرف لانه يتحمل اكثر من الفل..لين وجنوطه اصغر وبدون دفع رباعي..تحسه ناعم ويتحمل الحفر

موفق

يا خوي اتق الله في نفسك تقارن ياباني بكوري

المازدا راح تتغير السنه الجايه وراح تنزل كل الفئات بتقنية سكاي اكتف لكن بالحالتين المازدا افضل خذها وماراح تندم ان شاءالله للان مشاءالله ماشفت احد اشتكى منها السياره تصنع وتجمع في اليابان فقط

والله على تجربة احد الاخوان يقول السنتافي افضل من المازدا بالسواقه والشكل...
ولكن الله اعلم هذي على تجربته...

بارك الله فيكم جميعا كفيتوا ووفيتوا
وماخاب من استشار

السنتافي افضل بتوفر قطع الغيار بس خذ جراند دبل فل يجي كلام

هالي ما يحب الكوري. .. ياااا صديق.  صحصح. الكوري غزا السوق…   وصاز يحسبلة 1000 حساب

السانتا في شكله جديد من 2013
و محرك جديد اقوى و اقل صرفيه
و بينزل تحديث بالشكل 2016 الدفعه الثانيه

اما المازدا CX9 مع احترامي له شكله واحد من 2007
مجرد تغييرات شكليه و المكينه اكثر صرفيه و لا في تكييف خلفي
لكن لانه اول كروس اوفر ياباني 100% اشغلونا بهالعبارة
و لسعره المناسب انتشر فقط لا غير

^^
الاعتمادية بالجودة مو بالشكل
وش يفيد الشكل دام الجودة زبالة

^^^^^^^
الله يصلح بينك و بين الكوري
للحين على حالتك
أنا كانت معي  التيمت CVT طق قرها على ممشى 220 الف
ما قعدت ادخل كل موضوع لنيسان اسب فيها و في جودتها
تجربتك لا تعممها على كل الكوري
كل شي يصير بتوفيق الله و تقدير من عنده

^^
وشلون تبيني ما أعمم
الجودة هي نفسها في كل سيارات هيونداي
يعني بي تقنعني ان السيارة ألي كانت معي
مصنعه من بلاستك رديئ وباقي سيارات هيونداي 
مصنعه من بلاستك ممتاز ياحبيبي الجودة زيها ما تختلف ابد
وبعدين كلامي هذا مو عشان سيارتي وبس اقربائي معاهم هيونداي
وكلهم يشتكون من ضعف جودة التصنيع ومشاكل كل سيارة تختلف عن الثانيه 
مثل
الإلنترا 2013 و2014 مشاكلها في الجودة والقير
السوناتا 2013 الجودة و مشاكل في البانوراما والمكينة
سوناتا 2014 الجودة و مشاكل البانوراما والقير
يعني تبي تقنعني ان الهيونداي الي معي ومع اقارببي غير
عن باقي الناس وبعدين ترى كلهم يشكون من تفكك الديكور وردائته
والورشة الي عندنا مليانها سيارا مكاينها

^^
الورشه الي عندنا مليانها سيارات هيونداي
مكاينها مخبطه وممشاها فوق ال 100 ألف بشوي
ومعنى هايلكس 2005 ممشاها فوق 500 ألف
ومع عمي كامري 2003 مشاها فوق ال 600 ألف
ولا صار فيها شي يعني لو تقارن التحمل والكرف 
الكوري ما راح يصل نصف تحمل الياباني مهما كان