هام جدا زيت القير للمازدا CX9

15 4

لايمكنك التصويت حتى الحصول على 20 نقطة على الأقل
إضغط هنا للإخفاء

sultan135 37
قبل 8 سنه و شهر

لسلام عليكم 
للفائدة حبيت اشارككم بقصتي مع القير ووجع الراس الي واجهته لحد ماحليت المشكله ولله الحمد 




بدأت المشكله عند غيار زيت القير لأول مره عند الوكالة وطبعا استخدموا زيت موتوركرافت مع العلم اني غيرته والسياره مامشت الا 70 الف 
طلعت طقه بالقير عند التعشيق D وبعد فترة تغيرت التعشيقات وصار ت تطلع نفظه بالموتر اذا سقته لمسافات طويله 
قلت يمكن المشكله لانها اول تغيير لزيت القير قلت اغيره مره ثانيه وللاسف نفس المشكله .
رحت ابحث في العديد من المواقع العربيه ماحصلت الي يعطيني العلم الاكيد صرت ابحث في المواقع الانجليزية ولقيت زبدة الموضوع 
الا وهي ان زيت الموتور كرافت هذا مو خاص للمازدا ولا هو مطابق مئه بالمئه مع مواصفات الزيت الي مكتوب بالكاتلوج
الي هو JWS3309 وزيت موتور كرافت اخف عشان كذا كانت تطلع الطقه.
الغريب اني بعد البحث حصلت ان اقرب زيت مطابق لهذه المواصفات هو زيت تويوتا T - IV  وا غلب ملاك cx9 عندهم يستخدمون هذا الزيت وهذا تحصله في اغلب محلات قطع الغيار والبناشر
 وفيه زيت من الوكالة نفسها لكن مو موجود بالسعوديه بس تقدر تطلبه من الامازون متوفر وهذا الرابط للي يبغى يطلب 
www.amazon.com/dp/B00BNVJY52/ref=cm_sw_r_awd_tcX4wbAK3RAHG




المهم مالكم بالطويله رحت غيرت زيت القير وحطيت زيت تويوتا T - IV والحمدلله راحت الطقه والتعشيقات ضبطت والامور رجعت تمام 




للمعلوميه فيه ناس غيروا عند الوكالة موتور كرافت ولا صار عندهم اي مشاكل لذلك الي عنده مشاكل مثل الي صارت عندي يجرب يغير زيت القير وانشالله تضبط الامور لانك لو رحت للوكالة بيقلون لك القير فيه مشكله ولازم يتغير كالعاده .

إبلاغ

الردود