وش رأيكم بالمازدا cx9 أو البرادو؟؟؟

المازدا افضل من البرادو 

البرادو مشكلته صوت المكينة فيه عالي وخاصة ابو 4 سلندر احس إنو يالله يشيل نفسه لاكن ابو 6 سلندر جيد ومشكلته سعرة غالي والله معطينه فوق حقة بالنسبة لقيادة المازدا اريح اكيد .. إثنين من جيراننا كانت معاهم برادو 4 سلندر باعوها واحد اخذ جمس جديد فل كامل والثاني جيب مازدا الجديد لاكن إنت إذا تفكر تبيع بدون ماتسأل خذ برادو

الله يعطيكم العافية
واتمنى اشوف تجارب اكثر

كلها ممتازة ، البرادو 4 سلندر ابعد عنه ، المازدا حلو بس قطع غياره غالية ، بس ياباني ياباني ـ استخر والله يوفقك

اهم شي لاتاخذ مهربد يتعبك بقطع الغيار الغاليه

Mazda CX-9 افضل طبعاً لانو 6 سلندر دفع رباعي مستمر ارتفاعه متوسط يخلي السياره تكون ارسى واكثر ثباتاً على الخط اما البرادو ال 4 سلندر ماكينته ضعيفه والسته سلندر  غالي  

اذا انت راعي طعوس اكيد برادو لانه تخصصه اذا كشتاتك خفيف مازدا وانت مغمض ومسئلة ان التايوتا يمسك سعرها هاذي تهاويل وراحت روح شف المستعمل وش الجديد من الجيوب اقل شي 20الف الى30 يطيح فيها وهي2011
سلام

المازدا طبعا 

سياره في قمة الروووعه و راسيه وثابته و حجمها صغير ووسيعه  3 صفوف مراتب و 6 سلندر وفخمه  وسعرها معقول ويثبت عند البيع

ياعمي رااحت السيارات

اللي تنزل جلد واحجار وحصى على سرعات عاليه الدعوه كلها فيابر في فيابر
وديكورات كبس من امريكي الى ياباني الى كوري 
وانا والله معجبني cx-9

والطعوس انعم واهداء من الزفلت حتى  

مايبيلها الا موتر عزم

والموتر من شركة جبارة لكن الخوف من اسعار القطع + الرغبه عند البيع

اذا ناويه استخدام طويل الامد

شف اقرب وكيل لقطع مازدا وسعر اغلب القطع 

وبرضوا سعر قطع البرادو

وقارن بين الاسعار


بكذا تكون شريت ونت محكم عقلك وقلبك
وسلامتك

الله يجز أكم خير 
واحد واحد...

لازال البحث عن مميزات المازدا....

والله يكتب الخير ومافيه

المازدا اكيد فخامة موب البرادوتسمع صوت القربعة ونوعية المواد السيئة جدا
المازدا كبير وسيع رياضي مريح فخم خفيف راسي بر قوي

يا جماعة ترا المازدا قطع غياره ارخص بكثير من التويوتا، اساسا التويوتا قطع غياره بالنسبة للجيوب غااااالي نار ، يعني جيوب الفورد والمازدا والشيروكي والجموس والشفر كلها قطعها ارخص من جيوب التويوتا لكن الناس تفتي بناء على السمعة بس.

المازدا رائعة بكل المقاييس ... انا معي وحدة موديل 2008
في الطريق اسد وراسية وشكلها رائع ...المشكلة الوحيدة اللي اشوفها في المازدا انا قاسية شوي في الطريق عكس الامريكي مثلا .... غير كذا .... توكل على الله وخذها .........والله يعطيك خيرها ويكفيك شرها مقدما

الله يجزاكم خير... ولا يرحمكم الأجر 

بإذن الله اليوم أبروح للمعرض...


بس عندي سؤال 

البنزين ٩٥ولا٩١؟

عطوني آرائكم من تجاربكم


ومشكورين

95 وانت مغمض ادا عبيت 91 بتشوف صرفية البنزين ماتقعد 4 ايام برياض انا عني لي اسبو عبيت 95 وللان مانتها اما 91 على طول ينتهي

اكيد المازدا افضل اذا تبي الراحه لك و لعائلتك .. يكفي انها 6 سرندل سيارة سفر للاماكن البعيده..






اذا الواحد بيشتري سيارة هل لاجل الراحه؟ او لاجل تمسك السعر؟؟اذا لاجل الراحه فهذا هو المطلوب . وإذا لاجل السعرعمرها مامسكت سعرها بس ابي شي مريحه و خدماته حلوه .. وبعدين اللي يقول التويوتا ماسك سهره انا اقول السوق عرض و طلب وبنفس الوقت شطارة.. وكل سيارة عمرها الافتراضي المضمون هو خمسة سنوات..

ما شاء الله البرادو 6 سلندر معايا 10 سنين ما طلب شيء غير بنزين وزيت