أضف سؤال أو موضوع جديد          

حل مشكلة ارتفاع الحرارة وثقل الدركسون

up 3 down 3
رايق السيارات 590
قبل 5 سنه و 7 شهر



السلام عليكم



كيف حالكم عساكم بخير

انا عندي مشكلة في سيارتي مازدا 6موديل 2004والمشكلة هي بعد ماتشي ساعة او اكثر تبدا الحرارة ترتفع والدركسون يصير ثقيل والكهرباء من اول هي ضعيفة لكن البطارية في الطبلون غير مولعة ويدتها ورش الي قال سير والي قال بكرات والي قال دينمو والي قال بطارية والي قال اسلاك وانا احترت وش اصلح ابغى اتاكد من الخراب من اي قطعه بالتحديد خصوصا ان الدركسون يصير ثقيل جدا ماتقدر تلفه يميمن ويسار الي بصعوبة بالغة كانك تلف حديدة ثقيلة والحرراة ترتفع شوي الين ماتوصل اتش وبعض المرات واظن الدينمو شحنه ضعيف مدري منه او من البكرات حقته امن السيور

الله يجزاكم خير الي يعرف الحل او المشكلة او صار له نفس الخراب وصلحه مايبخل علينا

وشكر لكم وسلامتكم








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اعتقد والله اعلم السير 
اذا كان فعلا الطاره تثقل والحراره 
شيك ع السير 
والبكرات انت بنفسك شوفها اذا تهتز من مكانها او لها صرير 
ولاتغير البكره كامله فقط الرمان وترا رخيص مو غالي 


كهرباء ضعيفه ثقل الطاره ارتفاع حراره تسعين بالميه من السير 


up 3 down 0
سياحه 3955 165
قبل 5 سنه و 7 شهر



صارت لي 3 مرات ..

مـره بسبب الدينمو - لكن الدركسون كان خفيف ..
مره بسبب بطارية - لكن الدركسون كان خفيف ..
مره بسبب السير - والدركسون كان حديد يارجل مايتحرك الا بقووه ..


up 2 down 1
برينسيزو 542
قبل 5 سنه و 7 شهر



يمكن الرديتر ؟ والدركسون شيك على زيت الدركسون


up 1 down 1
عاششق الافلانش -2
قبل 5 سنه و 7 شهر



شكرا لكم لكن كيف اتاكد من السير او البكرات واي بكرة بالتحديد

شكرا لكم تكفون يااخوان عطو الموضوع لايك علشان يشوفونها اعضاء ويدخلون يشاركون والكل لايك


up 1 down 2
رايق السيارات 590
قبل 5 سنه و 7 شهر



اخوي اذكر وااحد نزل موضوع على  حرارة سيارته   وداها كم مكانيكي وقالو له راس المكينة ووضبها اكثر من 3700 الف ريال
 وبالنهاية نفسس اول ترتفع رجع للمكانيكي   ودخل راسه طلع الرديتر  خربان ينسم وترتفع الحرارة المكينة ما بها شيء و
غير بس الرديتر 


up 1 down 1
صوت العزاوي 525
قبل 5 سنه و 7 شهر



شيك على الرديتر يمكن يكون مسدد
اما الدركسون اعتقد من الكهرباء مثل ماقال ابراهيم
عندي انا في سيارتي الكهرباء ضعيفه والدركسون فيه ثقل بسبب الكهرباء الدينمو


up 1 down 0
خالد2001 922
قبل 5 سنه و 7 شهر



انا توني جربت السيارة في البيت والحرارة ارتفعت بالظبط مع الوقت الي صار فيه الدركسون ثقيل جدا والمراوح مااشتغلت مع العلم كانت تشتغل قبل ربع ساعة والحين مااشتغلت والبطاريه النور صار اسود قبل شوي كان اخضر شكل الكهرباء ضعيفة تتوقوعون من الدينمو او البكرات حقت الدينمو


up 0 down 2
رايق السيارات 590
قبل 5 سنه و 7 شهر



شيك على الدينمو خل السيارة شغالة وافصل اصبع البطارية اذا ضعفت الكهرباء هذا يدل ان الدينمو فيه ضعف
واذا ماضعفت الكهرباء بتكون من البطارية ولله اعلم


up 1 down 0
خالد2001 922
قبل 5 سنه و 7 شهر



من الخبر انا مغير البطارية قبل 3شهور ولحد الحين على الضمان يعني زي الجديدة لو ماتحسنت البطارية اخذها لي سبير هههههههههههههه امزح معاك تسلم ياخوي


up 1 down 1
رايق السيارات 590
قبل 5 سنه و 7 شهر



يالغالي أنا كنت اشتكي من الحراره 

طلع حساس حراره 

المازدا أغلبها كومبيوتر 

فالحل تكشف على كهرباء السياره و تشوف وش يطلع لك :) 

تدفع 100 و تتاكد من المشاكل الكهربيه ...




up 1 down 0
xxxthegiantxxx 366
قبل 5 سنه و 7 شهر



شكرا جميع لردوكم ولايك

اليوم وديتها فحص كمبيوتر وطلع اشياء استهلاكية لكن وجدت ثلاث اشياء مهمة وهي
1-السير (راح اغيره الي عنده معلومة عن اسعاره السير لسيارتي )
2-تهريب اهواز مبرد الجير (راح اصلح التهريب وكم اسعار الاهواز ووودي اركب مبرد قير خارجي اضافي زيادة على الوكالة ووكم ممكن اسعاره وهل يصير اركبه زيادة على حق الوكالة وكيف)
3-نهريب من علبة الباور واتوقع علشان كذا الدركسون ثقيل مع السير (وراح اصلحها لكن كم ممكن اسعار تصليحها )


وسلامتكم


up 0 down 2
رايق السيارات 590
قبل 5 سنه و 7 شهر



اخوي السير سعرو ١٥٢ ريال بالوكالة


up 1 down 0
hashem142 4
قبل 4 سنه و 6 شهر