سرقة CX9 2013 والله يسامح كل من كذبني
10
3
إضغط هنا للإخفاء
السلام عليكم ورحمة الله وبركاته
كيفكم عساكم طيبين
بدون مقدمات
____________________
أنا نزلت موضوع عن سرقه cx9 2013 أبيض
وبعض الناس ما صدقوني
فيه اللي قال , شكلك متأثر من المسلسلات و بعضهم يقول شكلك تسوي دعايه لجهاز التتبع
بمعنى إن عندي بضاعه وابغا امشيها عليكم , او إن بأعطيكم رقم واحد عشان تشترون منه ولي عموله
يشهد علي الله , اللي خلقني وخلقكم , إني ما بغيت لكم الا كل خير , واني لاني مسوق لهالجهاز ولا عندي بضاعه وابغا امشيها عليكم
وجلعني ما اتوفق في حياتي إن كنت مسوق لهذا الجهاز او لي عموله او إني أعرف صاحبه وابغا افزع له
والله أبغاكم لكم الخير , وأنتم مثل اخواني بالهمنتدى
لكن الله يسامح كل من كذبني
على العموم , الحمد لله جبت صور للجيب قبل وبعد , عشان اللي كذبني يراجع نفسه
وجبت صوره للتاهو اللي تمت مطارده الجيب به
طبعا الجهاز على حسب كلام عمي إنه جهاز يركب بمكان ما يعرفه أحد , يمكن بالمكينه يمكن بالقير يمكن ويمكن ويمكن , ويقول عمي الصراحه نسيت بكم ركبته لكن هو عباره عن جهاز , له أشتراك كل شهر او 3 شهور او 6 شهور بملغ , ويقول الضاهر إني اشتركت سنه ب 1200 ريال , بس ماني متأكد , لاني نسيت , ومركب الجهاز في محل بالسياره محد يعرفه الا انا وصاحب المحل
وارسلي ارقامهم , تلقوها بأخر الموضوع
ويقول الطريقه , ان لهم موقع على النت , اسمه افاق او افاقنا او مثل كذا , ويسير لك يوز نيم و باسورد ( اسم مستخدم وكلمه مرور ) وتعرف السياره وين راحت ووين جت
وبإذن الله بأركبه على سيارتي الجديده لاني أفكر ابيع الدينالي , لعدة أسباب وراح أذكر لكم اياها بموضوع قريب
تقبلوا تحياتي وانتضرونا في موضوع جديد
وادعوا لعمي بأن الله يعوضه خير
اخوكم : ابو يزيد
إبلاغ
الردود
3
0
1
0
البيت مشترك بيننا وبين عمي , وهو بيت جدي الله يرحمه
اخوي شاف واحد غريب خكري عند سيارة عمي , وقال انه يعرف عمي , واخوي دخله البيت , وراح يكمل شغله مع الاسطوانه , الخكري يوم شاف اخوي دخل ورا الحوش حط رجله
عمي طلع من البيت و خلا سيارته شغاله عند مطعم وانسرقت من عند المطعم
جاء واخذ لابتوبه و شبك الكونكت وتتبع جهاز التتبع اللي بسيارته
وطلعت إنها بالخرج عن المستدوعات وكلها في اقل من 4 ساعات واستقرت عند المستودعات لفتره وعرفوا ان الحرامي خلص منها
حركوا بتاهو 2012 ( عمي وولد عمتي و زميلهم )
لقيوا السياره مكسور قزازها من الخلف و شغاله , والمكيف شغال على الحار عشان تختفي البصمات , واللوح معجنه ومعفطه
قالوا ان الحرامي خلص من السرقه ورماها والحين يمحي بصماته بتشغيله للمكيف على الحار , ومع عمي مفتاح طفا السياره وضمنها
وراحوا يجيبون دوريه من اقرب مركز
جابوا دوريه معهم الا والجيب شاطفهم
و لحقوه و حدوه وركب الرصيف وتكسرت الجنوط
ونزلوا كلهم من السياره , عمي وقف عند سيارته وولد عمتي وزميله لحقوا الحرامي لين دخل عماره
في إسكان الخرج
و لحقوه وكان بيدخل عند اهله و عكروه وطيحوا وجلدوه جلدوه جلدوه وطاح من جيبه الحشيش وقعد يصيح وطلع الشخص اللي كافله
وقال خلاص يا ولد انت وياه , اذكروا الله , وقالوا وخر إحنا من المباحث وكذا , وخرعوا , و اخذوا الولد للقسم , واللي كافله , قال ان هذا الولد لقيط , بمعنى لقيناه عند مسجد و كفلناه , الاب والام مجهولين وهو ضحيه زنا بالمختصر , و يقول من بعد ما عرف الحقيقه قال لا احد يكلمني و خليناه على كيفه , وكل يوم يجب مصيبه وش تبغاني اسوي , اجلده وهو ماهو ولدي , قلنا اجلده , قال إن نفسيته تعبانه وكذا ..
وقال الولد الخكري إنه مو هو اللي سرقها , يقول واحد سوداني سرقها وعطاني اياها , والحمد لله تم القبض على السوداني يوم الاحد الساعه 11 بعد ما علمهم الولد مكان السوداني
والحين هم بالتحقيق والولد أعترف وقال إنه شاف السياره شغاله وسرقها , وانا حرامي شوارع يعني إذا شفت سياره شغاله اسرقها
ووهم ما دروا إن أخوي شاف الولد الخكري عند البيت يراقب السياره , وقلنا لهم تراه فكاش , شفناها عند بيتنا يشوف سيارتك , ودخل البيت وحط رجله يوم اخوي راح ورا الحوش يشبك الاسطوانه
, و الولد يعرف اسمك , يعني واحد مرسله عليك , يعني ماهو حرامي شوارع وشاف السياره وسرقها
يعرفوك , ويعرفوا بيتك واسمك , فتح عيونك , وليش من جد جاء يشوف السياره قبل لا يسرقها ؟ وش كان بيحط فيها ؟ مدام معه حشيش , فيمكن يحط بالسياره مخدرات ويورط عمي , وكلها من اللي دافه على عمي
لكن الولد خلاص قال كذا والكل صدقه , والقضيه اكبر من كذا , لكن هم ما سمعوا لنا
وفي نفس الوقت اللي شاف اخوي فيه الولد الخكري اللي سرق السياره
كان عندي عمي ولد زميله عمره مثل الولد الخكري
ويحسبون ان اخوي شاف ولد زميل عمي ويحسبه الحرامي
وولد زميل عمي كدش واللي سرق السياره واحد ناعم وشعره على عيونه وماعنده لا لحيه ولا شنب
وقلت لهم الحرامي خكري وشعره على عيونه وقالوا ايه
طيب هو اللي شافه اخوي يراقب عند البيت
المهم يحسبونه حرامي شوراع , اذا شاف له سياره سرقها , وهذي غلطت عمي لانه خلا السياره شغاله
وقالوا لنا شكل اخوك مشبه و القضيه الضاهر تسكرت خلاص ..
والحين هم بالسجن مدري وش بقا لهم
الضاهر بيطلعونهم , وهم سارقين سياره وما ندري وش مسوي فيها حسبي الله على من دفهم
وعمي مسامحهم , لان الولد لقيط , واللي كافله على قد حاله , ويقول ما قدرت على اولادي عشان اقدر عليه , ويقول إني خليته على راحته بعد ما عرف إنه ضحيه زنا , الله يستر عليه
تعديل بعض النقاط *******
1
0
1
0
وفي نظري لازم اركب في سيارتي مستقبلا ان شاء الله
آآآه ياماركيزي لو انها عايشه كان ركبت فيها واحد ههههههه
6
3
انا احب الفورد
هيا ازعل الحين
كبر عقله ياخي
4
1
وياهتلر تكفى , واللي يرحم والديك , ما ابغا مشاكل في موضوعي .. والله يعوضك ب 50 الف نقطه .. ان كنت مضلوم فما فيه شيء يضيع عند ربك ....
0
0
0
0
وصدقني لو انك قاعد معهم ب مجلس ما قالو ذا الكلام
وبالنسبة لي مصدقك انا وما يحتاج تثبت ودليل تجيب
وفيه بس المزعجين صدقني محد سلم منهم وتعود عليهم ومجبور
والله يسر لك امرك ويعوض عمك واذكر اسباب بيع الدينالي بعدين والوالد ناوي له على سيارة كبيرة
0
0
بالله بس شوية لايكات
2
0
0
0
لكن الله يعوض عمك خير ويبعد عنا وجميع المسلمين عيال الحرام
بالتوفيق عزيزي
1
0
0
0
وش وضع عمك ^_^
الله يعوض عليه
0
0
البيت مشترك بيننا وبين عمي , وهو بيت جدي الله يرحمه
اخوي شاف واحد غريب عند سيارة عمي , وقال انه يعرف عمي , واخوي دخله البيت , وراح يكمل شغله مع الاسطوانه , الخكري يوم شاف اخوي دخل ورا الحوش حط رجله
وعمي خلا سيارته شغاله عند مطعم وانسرقت من عند المطعم
جاء واخذ لابتوبه و شبك الكونكت وتتبع جهاز التتبع اللي بسيارته
وطلعت إنها بالخرج عن المستدوعات وكلها في اقل من 4 ساعات واستقرت عند المستودعات لفتره وعرفوا ان الحرامي خلص منها
حركوا بتاهو 2012 ( عمي وولد عمتي و زميلهم )
لقيوا السياره مكسور قزازها من الخلف و شغاله , والمكيف شغال على الحار عشان تختفي البصمات , واللوح معجنه ومعفطه
قالوا ان الحرامي خلص من السرقه ورماها والحين يمحي بصماته بتشغيله للمكيف على الحار , ومع عمي مفتاح طفا السياره وضمنها
وراحوا يجيبون دوريه من اقرب مركز
جابوا دوريه معهم الا والجيب شاطفهم
و لحقوه و حدوه وركب الرصيف وتسكرت الجنوط
ونزلوا كلهم , عمي وقف عند السياره وولد عمتي وزميله لحقوا الحرامي لين دخل عماره
في إسكان الخرج
و لحقوه وكان بيدخل عند اهله و عكروه وطيحوا وجلدوه جلدوه جلدوه وطاح من جيبه الحشيش وقعد يصيح وطلع الشخص اللي كافله
وقال خلاص يا ولد انت وياه , اذكروا الله , وقالوا وخر إحنا من المباحث وكذا , وخرعوا , و اخذوا الولد للقسم , واللي كافله , قال ان هذا الولد لقيط , بمعنى لقيناه عند مسجد و كفلناه , الاب والام مجهولين وهو ضحيه زنا بالمختصر , و يقول من بعد ما عرف الحقيقه قال لا احد يكلمني و خليناه على كيفه , وكل يوم يجب مصيبه وش تبغاني اسوي , اجلده وهو ماهو ولدي , قلنا اجلده , قال إن نفسيته تعبانه وكذا ..
وقال الولد إنه مو هو اللي سرقها , يقول واحد سوداني سرقها وعطاني اياها , والحمد لله تم القبض على السوداني يوم الاحد الساعه 11 بعد ما علمهم الولد مكان السوداني
والحين هم بالتحقيق والولد أعترف وقال إنه شاف السياره شغاله وسرقها , وانا حرامي شوارع يعني إذا شفت سياره شغاله اسرقها
وهم ما دروا إننا شفناها عند البيت يراقب السياره , وقلنا لهم تراه فكاش , شفناها عند بيتنا يشوف سيارتك , ودخل البيت وحط رجله يوم اخوي راح ورا الحوش , و الولد يعرف اسمك , يعني واحد مرسله عليك , يعني ماهو حرامي شوارع وشاف السياره وسرقها , لا , يعرفوك , ويعرفوا بيتك واسمك , فتح عيونك , وليش من جد جاء يشوف السياره قبل لا يسرقها ؟ وش كان بيحط فيها ؟ مدام معه حشيش , فيمكن يحط بالسياره مخدرات ويورط عمي , وكلها من اللي دافه على عمي
لكن الولد خلاص قال كذا والكل صدقه , والقضيه اكبر من كذا , لكن هم ما سمعوا لنا
وفي نفس الوقت اللي شاف اخوي فيه الولد الخكري اللي سرق السياره
كان عندي عمي ولد زميله عمره مثل الولد الخكري
ويحسبون ان اخوي شاف ولد زميل عمي ويحسبه الحرامي
وولد زميل عمي كدش واللي سرق السياره واحد ناعم وشعره على عيونه وماعنده لا لحيه ولا شنب
قالوا شكله مشبه و القضيه الضاهر تسكرت خلاص ..
والحين هم بالسجن مدري وش بقا لهم
الضاهر بيطلعونهم , وهم سارقين سياره وما ندري وش مسوي فيها حسبي الله على من دفهم
وعمي مسامحهم , لان الولد لقيط , واللي كافله على قد حاله , ويقول ما قدرت على اولادي عشان اقدر عليه , ويقول إني خليته على راحته بعد ما عرف إنه ضحيه زنا , الله يستر عليه
هذا الاختصار
قبل 10 سنه و 7 شهر