النتعه بين الاول و الثاني وش سببها

تاكد من كراسي القيربكس افتح غطاء المحرك خلي شخص يعشق السيارة  وانظر لحركة القير مع التعشيق وتاكد من عدم وجود فضاوة بالكراسي ولاتنسى تكون فرملة اليد مربوطة  ي 

يعني الأن الكرسي السبب ...؟

مع اني مغير الكرسي قبل اسبوع 

يعني الأن الكرسي السبب ...؟

مع اني مغير الكرسي قبل اسبوع 

السلام عليكم ورحمة الله وبركاته
أخوي إذا المشكله طلعت معك بعد ماغيرت كرسي القير فيمكن اللي ركبه ماطبقه مضبوط ..إرجع له
أما إذا كانت المشكله من قبل مابقى إلا بودي البلف حق القير (المخ) قد تكون المشكله منه وترى يتغير لحاله يعني مو (توضيب)

تحياتي

اخوي شيك على الجربكس لايكون الكتروني ويحتاج برمجه لانه في داخل القير داخل الجربكس من تحت تحصل شئ اسمه مخ القير اسال الميكانيكي عنه

لما غيرت الفلتر نزلت الحفره مع الميكانيكي بشوف كل شيء يسويه لقيت حساس صغير بس مدري هو السبب في الشيء ذا أو لا .؟


رحت الوكاله قالوا غير الفلتر و غيرته طبعاً و النتعه خفت شوي بس أبي افتك منها 

في شي اسمه اعادة تعليم القير

يعني يرجع يتعلم القير كيف ينقل بين النمر لازم تسويه




لو ما عملته القير لوحده يرجع يتعلم التنقيل و لكن ياخذ وقت طويل

جرب انك تروح طريق فاضي و تسوق السيارة لين تنقل للغيار الثاني بعدين ارفع رجلك عن البزين وخلي السيارة توقف لوحدها بدون فرامل

كرر العملية عشر مرات وانشاء الله بيزبط معك

هي مجنونه تمشي لوحدها لو بترك الفرامل 

لأن نقلة الثاني عندي عداد الهواء ما يوصل 2 و تنقل اوتوماتيك 
لكن حجرب في الشركه الشركة فاضيه ع طول 

ركز معايا وإن شاء الله تستفيد .. كانت عندي نفس حركتك النتعة بين الأول والثاني وخفت لايكون الجربوكس لاسمح الله .. المهم وديتها الوكالة طلع معايا المهندس وجربها وقالي السيارة تحتاج تنظيف البوابة الإلكترونية الثرول وعملتها برة الوكالة بتكلفة 68 ريال .. 15 ريال بخاخ تنظيف الثرول مع علبة مناديل 3 ريال و 50 ريال شغل يد طبعا ظهرلي اوساخ أدت إلى عدم إغلاق البوابة كاملة مما تسبب النتعة القوية
بعد التنظيف جربت السيارة برضة نفس الكلام لازالت النتعة موجودة قالي السيارة تحتاج برمجة قلتله سيارتي تتبرمج تلقائيا بمجرد فصل البطارية والسويتش على ON يعني تكون لمبات الطبلون شغالة تسحب المفتاح من السوتش بعد 10 دقائق اشبك البطارية ثم سمي بالله وشغل السيارة راح تتبرمج معاك ويتبرمج الثرول على الفتح والغلق بالكامل وبإذن الله تحس بإختلاف شاسع عن السابق المطلوب دعواتك ليا أخوك جهاد

جهاد حبيبي أنا مره فصلت البطاريه و عشر دقايق و شغلتها و رحت وطي السياره تطفي و تبهذلت ..... 
أما الثروتل فنظفتها 
و حرجع انظف و يا رب تروح معي :) 

الله يعيك العافيه 

والله عندي نفس المشكله بالفورد وزياده على اللي عندك ان الفورد عند سرعة ال 100 ينتع بقوة كان في احد يصدمني من ورا

شباب انا عندي نفس المشكلة 1-2 تنتع وهي بارده وحاره

ومن 3-4 تنتع بقوه كانه احد صادمني من الخلف علما بان النتعه 

من3-4 ماتطلع الا والموتر حرارته طبيعيه بعد مشوار نص ساعه 

ناس قالوا توضيب وناس قالت يمكن حساسات ومدري وش الحل افيدوني 

السياره مازدا6-2007 اتومتيك 

السلام عليكم ورحمة الله وبركاته
 يا إخواني أول ما تشغلوا السيارة وهي باردة خلوها تحمى لمدة 20 دقيقة أو أكثر لابد 20 دقيقة و بعدها حرك
السيارة بإذن الله ما تنتع معك 


دعواتكم ......

النتعه مشكلتها من الجربوكس اكيد مخ القير فيه فضاوه بين النمره الي تنتع فيها