أضف سؤال أو موضوع جديد          

كيف العزل والعزل الارضي في مازدا 6 2014

up 3 down 0
fahadlfc 314
قبل 8 سنه و شهر



السلام عليكم ورحمة الله وبركاته

مساكم الله بالخير 

كما هو موضح للمجربين فقط مابي كلام فلاسفة هههههه 


جزيتم خيرا







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وش رأيك لو تستاجرها يوم وتجرب بنفسك الي تبي تعرف عنها من ناحيو العزل والقوة والرساوة .

انا صراحة الموتر دخل مزاجي يكفي انه ياباني وعسا الله يرزقنا واطق لي واحد فل وسعرها معقول ماوصل 100 الف ... موفق .


up 4 down 2
أبو ميان . 154
قبل 8 سنه و شهر



مستوى العزل صدقني نسبي من شخص الى اخر يعني واحد طول عمره يسوق مرسيدس وتركبه سوناتا وش تتخيل يبي يقول لك 


لكن اخوي ابو ميان عطاك العلم الاكيد جربها استأجرها اذكر برمضان حسبو علي اليوم ب 180 تقريباً 


وجرب بنفسك عشان ماتشتري الا وانت على قناعه ان الموتر يستاهل او لا 


up 4 down 0
bin 6i 85
قبل 8 سنه و شهر



ابو ميان جيت اعطيك لايك ومارضى وقلت بعطيك دس لايك واعدلها وقال لايمكن تقيم العضو مرتين

فالعذر والسموحه

وكلامكم جميل ^^


up 1 down 0
ابو يزيد 000 8712
قبل 8 سنه و شهر



شف ياخوي فهد

عندي افالون ٢٠٠٨
وكيا سيراتو ٢٠١٢

جربت المازدا مع أحد الزملاء
سقتها لمسافة  حوالي ٤٠ كيلو في طرق ناعمة وخشنة ومطبات وفي طرق جبلية مسفلتة

العزل مقارنة بالأفالون اعطيه 8 من 10
العزل الأرضي في الطرق الخشنة + عيون القطط 8,5 من 10 (الكفرات لها دور في العزل)
الرساوة 9 من 10

بالنسبة لعزم السيارة في المرتفعات (ماشاء الله) تغير نمرة من الاولى للثاني في الطلعة 

أما مقارنة بالسيراتو
المازدا أفضل بكثير

يوجد عيب بسيط في عزل الهواء
وهو انك تسمع صوت تنسيم بسيط بعد سرعة 100 جهة باب السائق
بالنسبة لي ما أشوفه مزعج ولو المسجل شغال ما تسمعه

وتبقى التجربة خير برهان

موفق إن شاء الله


up 1 down 0
أبو العنود 564
قبل 8 سنه و شهر



مشكووووورين م قصرتوا 

م حصلت لفيت محلات الاجار م لقيت بعنيزة رحت لبريدة حصلت لكن قالي 
مر علينا بعدين عموما السيارة م بقى شيء وتاصل ان شاء الله 






up 0 down 0
fahadlfc 314
قبل 8 سنه و شهر



السلام عليكم    اخوي فهد انا من بريدة وأبي اسالك عن السيارة .. الموتر يستاهل الشراء ؟


up 0 down 0
majednasser 60
قبل 7 سنه و 8 شهر



وعليكم السلام ورحمة الله وبركاته ي هلا .. 

نعم يستاهل على سعره وموديل 2015 عدلوا عصى القير وسمعت حلو 

مشكله العزل بعد 100 .. 

السيارة بشكل عام منظر ملفت بصمة وجنوط وتبرونيك جميل مكيف قطب شمالي 

رساوه جدا عاليه على 180 .. فرامل جيد جدا بل ممتاز .. حلو الموتر صراحه .. 


لكن عزل الصوت سيء .. قربعه بالطبلون احيانا بالشوارع الخشنه .. تصميم 

سيء المقصورة ولون اسود كئيب .. افكر احط تلبيسه .. الجودة نوعا ما 

مفتقده في المقصورة .. 

لكن بشكل عام جيده جدآ .. وان شاء الله بمر الوكاله بالاجازة اشرحلهم العزل لعل وعسى 

لكن ليكن في بالك جميع السيارات عزلها سيء في فئاتها لكن المازدا انزل شوي .. 

شف تقريري عنها وانصح فيها إذا ميزانيك تحت 75 الف .. فوقها شف ماليبو او التيما افضل 


up 0 down 0
fahadlfc 314
قبل 7 سنه و 8 شهر



لا تتس ذكر الله  .. م شاء الله تبارك وتعالى الله .. 

كلامي بحت وبكل امانه .. 

* عدلوا عصى القير بمعنى اعادوا تصميمه ليكون اجمل فقط .. 


up 0 down 0
fahadlfc 314
قبل 7 سنه و 8 شهر