تلبيس ارضيه السيارة بلاستيك ..

اليوم الجمعه طللعت الصبح رحت اشتري تميس وعدس وفول وحيتها بمرتبه الراكب  وراجع البيت مسرع 
وانا ماشي جاني مطب فهديت بقوة   طاح العدس عند  اسفل وانكب على الفرش والدعاسات   
قهر واجيك بالفاين امسح ولا ما تمسح  ما راح  وريحة  العدس فاقعه السيارة 
نصيحة ركب التلبيسه اظن سعرها  خمس ميه ريال انا بركبها والله 
اهم شي تتركب عند واحد فاهم خاصه اذا كانت المقاعد كهربائيه وياليت حد يفيدنا بالرياض وين يركبونها
بالنسبة للمقاعد لبسها قماش  عادي لا تسوي لها تنجيد  وارخص ويحمي المقاعد مظبوط 

يعطيك العافية .. اتمنى الافادة من البقيه .. 

ممتازه وتحمي سيارتك لكن ...
اذا تبي تركبها مع الوقت سنه سنتين ثلاث سنين راح يتغير لونها إلى اصفر مثل الاسطب الامامي مو تشوف بعضها رايح اصفر
يعني تغيرها مره ثانيه 

http://hyundai-arabic.com/wp-content/themes/x.php?src=http://hyundai-arabic.com/wp-content/uploads/2013/08/13768526975.png&w=500&h=300&q=99
مثل ذي ينقلب لونها

. التلبيس ب200 ريال وتركيب ارضيه جديدة ب200 ريال

برايي اذا انعدمت غيرها ب200 ريال افضل لك والدعاسات سوي لهم تلبيس ب50 ريال..
التلبيس عيبه بعد فترة راح يتغير لونها اصفر وتضطر تفكه وتركب من جديد..

اخوي اعرف محل بالغرابي يسوي الأرضية تقريبا 250 ريال 5 ملم على حد قولة

انا مسويها على الالتيما حقتي ب 90 ريال تلبيس ارضيه كامله مع الدعاسات الاماميه , طبعا درت على كل المحلات وكانت اسعارهم 150 وحصلت ب 130 ودرت ودرت لين حصلت 100 ريال وخفظلي الى 90 ريال

وسويتها على اليوكن الدينالي ب 180 , وهو ارخص محل , كانت الاسعار مابين 220 الى 250 ريال وتوصل 300 , طبعا بس تلبيس الارضيه بدون ما البس الدعاسات الزايده

طبعا النوعيه ماهي صيني , الصيني الكل ما ينصح فيه لانه يطلع ريحه قويه , انا سويت الضاهر تايواني المهم ماهو صيني

طبعا بالغرابي مسويها  , والله انها ممتازه ولا فيها شيء , ولد عمتي مسويها عند شركة 3M الضاهر ب 500 او حولها , والله نفسها , بس عشانها شركه مشهوره

وبالنسبه لتلبيس السياره مخمل , ما بين 250 الى 450 تنجيد جاهز , او تفصيل ما بين 350 الى 500 سواء سياره صغيره او عائليه


اتمنى افدتك

الله يعطيكم العافيه 

ابو يزيد تلبيس ارضيه كامله معىفط مراتب ب 90 بلاش 

والله بالرياض عندكم كل شيء م شاء الله 

بالقصيم فريت المحلات اتفقت مع محل تلبيس ارضيه تايوان مع عازل صوت وحراره 

ب 550 .. الباقين 600 وطالع .. وببريدة نفس الشيء 

الفرشه وكاله وحاب احافظ عليها وماهي مشكلة اجددها كل سنتين .. 

ولا اجدد الفرشه .  جاري موتره وكاله 30 ابف كيلو مشى عليهاى

الفرشه متحببه ومنعدمة هي والمراتب يقول تحسفت لني م لبستها 

الدعسات وانتك بالكرامة ملبسها بس تلعب تزلق ههههههههه والقاها مفتره 

واسبوعيا اكنس السيارة بمكنسة الوالده الله يخليها لي :) 

في جده بـ 200 تلبيس الارضيه

سئلت محﻻت بكيلو 2 التركيب مع الدعاسات ب100 الى 120 انت وشطارتك 

ي إخوان اتكلم عن فك المراتب وتلبس الارضيه كامله نايلون 

ومن ثم ارجاع المراتب معقوله ب 100 
! 

فريت ديرتي ارخص شيء بالمكاسر 350 

اهلين اخوي
انا مسوي ارضيه الفورد كامله مع الدعسات اكرمك الله بي 200 ريال والشغل 100%100 وصرلها راكبه تقريبا سنتين ماشاء الله ولسه باقي راكبه لا تقطيع بس في صفار 40%100
...........
سوالك.وهل تنصحوني فيه...؟
-(نعم انصحك ترتاح في التظيف وتخلي الارضيه شد بلد وغير.
سوالك. مراتب سيارتي مخمل وحاب البسها تلبيسه قماش لحمايتها ...؟
-(نعم انصحك)
سوالك. تقريباً كم اسعار تلبيس الارضيه والمراتب...؟
-(على حسب نوع التلبيسه الارضيه والشغل ونوع السياره)
-(وبنسبه لتلبيسه المراتب في انواع يجيك بشنطه واستخدمو بسعر 70 ريال كامل السياره والتركيب 40 ريال لانو فك الكراسي وركب وطبعا من نفس المحل الي اشتريت من التلبيسه ركب وطبعا جلس عندي سنه وماشاء الله مشي معايه لمن بعت السياره وهوا فيه والاسعار من 70 وفوق والتركيب على حسب شطارتك
والله يعطيك العافيه وشكرااا لك

الشكر لك اخوي بيض الله وجهك م قصرت تصدق عندنا بعنيزة اقل 

محل يللس الارضيه ب 350 !! والتلبيسات من 150 وطالع 

ان شاء الله عندي سفرة الرياض بتقضى فيه :) 

اشكر الجميع على الاراء 

على رغم قدم الموضوع الا استفدت منكم جميعا بارك الله فيكم