مازدا 3 ايجار مكينتها مخبطة .... ايش احسن حل للتخلص منها ؟

وليه خطبت !! خبطت من نفسها يعني ولا خويك ما يبغا يعترف انه لعنها !!

على العموم مكينة جيب المازدا 2014 ب 19 الف 6 سلندر

يعني اتوقع مكينة الزوم 3 موديل 2012 ب 10 الاف ريال

مستحيل خبطت بسبب عيب مصنعي السبب سوء استخدام 

ياجماعة
بغض النظر سوء استخدام او عيب مثنعي
هو الحين يفكر ايش انسب حل له

بالنسبة لسعر مكينة جيب المازدا تأكد من السعر مستحيل يكون سعر المكينة كذا
يمكن سعر نص المكينة 19 الف معقولة

أحد أقاربي مغير نص مكينة للكامري 2007 مع شغل اليد وتغيير بعض القطع الاستهلاكية للمكينة كلفت 16 الف

طيب ابراهيم بخصوص ممشاه 170 الف في سنتين ونصف هل راح يحسبون عليه مبالغ زيادة في حال ركب مكينة تشليح ورجعها
لهم

الراجحي يقولك تجيب ورقه من الوكاله ان المحركات سليمه..


لما سألت الموظف كذا قالي... و قلت له طيب البدي مسمكر و فيها رش.. قال اهم شي المحركات ..

لو انها تالفه بسبب خلل او عيب مصنعي .. راح تتخارج.. اما اذا سوء استخدام ... صلحها  و وضبها شغل مشي حالك و سلمها

سلطان 

عمي انسرق جيبه المازدا 2013 وطاردو الحرامي وركب بها ارصفه وتأثر كرتير المكينه ونزل الزيت من المكينه ومشو عليها و خبطت المكينه

وراح للوكاله وقال ابغا مكينه بكم ؟ قالوا ب 19 ألف ريال وطبعا المكينه 6 سلندر بقوه 3700 سي سي , وبعدها فكر و قالوا ترا فيه نص مكينه ب 9500 ريال وقال خلاص عطوني اياها وكان فيها البساتم وكذا وركبها برا الوكاله و لها 6 شهور يمسك فيها خطوط ولله الحمد ما اشتكى منها نهائيا

ونعم سعر المكينه كامله ب 19 الف ريال

وخالي غرفت عليه كامري 2013 ايام المطر قبل 3 شهور ولا عادت اشتغلت وراح لمن الورشه وقالوا توضيب مكينه يا صديقي

راح للوكاله وقال بكم المكينه قالوا 17 الف , طبعا 4 سلندر بقوه 2500 سي سي

وقال طيب يمكن البلا مو من المكينه وراح غير بواجي وما اشتغلت وراح للوكاله قال ابفحص المكينه عندكم

وقالوا ب 3 الاف فحص بدون ترجيع المكينه , مع الترجيع تكلف 5 الاف !!!!!!!

قال لابوكم لابو الزرف حقكم

وراح لورشه و قال عندك شداد مساعد او اسم مثل كذا , يقول هي عددها 4 , واحد منها خربان , وراح شراه , وركبها واشتغلت السياره وما كلفته 2000 ريال كامل ولها 3 شهور لاعن جدفها وما شاء الله ماشيه تمام التمام

وياليت اللي يسب المازدا يشوف ردي ويعرف بكم قيمة مكينه جيب المازدا ويشوف سعر مكينه الكامري ومكينه الافالون ومكينه التورس و مكينه الاندكروزر ومكينه الجمس

وراح يلقى المازدا هي اقلها

فعلا تستحق المدح , عشان كذا لا تلومني اذا مدحتها :)

وللعلم الدفاع المدني عوض خالي ب 13 الف ريال وقال المكينه خربانه , وقال خالي المكينه بالوكاله ب 17 الف ليه تعطوني 13 !! وقالو احمد ربك ههههههه

ولكن الكامري ما شاء الله مو من السهوله تخرب ومعروفه ما شاء الله

فطلع الخراب من كرسي مساعد مدري شداد مساعد وتنظيف ثلاجه وتغير بواجي وبس 

والحين ما شاء الله مثل الحصان

ابو يزيد انت مندوب ل ماززدا 
 

 امزززح امزززح / دوعابه

ماشاء الله تبارك الله شكله رجله حارة

خويك قدامه احد ثلاث:

اما يتنازل عنها من غير ما يصلحها
او يصلحها ويتنازل عنها
او يصلحها ويستخدمها

راح يدخل بمشاكل ووجع راس معهم
لانها ماشيه كثير وبنفس الوقت مكينه

افضل حل يوضب مكينه ويستخدم
فيه ناس كثير ماخذين التخبيط هو نهاية السياره وانها الطامه الكبرى لا
ترا عادي فكها وركب غيرها من التشليح وانتهت الحفله !