أضف سؤال أو موضوع جديد          

التماس في السلندر وصوت تكتكه منه؟

up 2 down 0
رايق السيارات 590
قبل 6 سنه و 8 شهر



السلام عليكم ورحمه الله وبركاته

ياخوان عندي زوم 6مديلها 2003طبعا ببيع السياره قريب بعد تقريبا 11سنه من الكرف الزحف ايام كانه فله بصراحه المهم طبعا السياره انا
ماسوليها صيانه دوريه ولا اهتم فيها كرف كرف دايم الحين ببيعها يبغالها شويه قطع استهلاكيه وكمبروسر مكيف وتزيت عكوس اهم شي انها تودي وتجيب فحصتها طلع عندي التماس في سلندر 1وصوت تكتته منه
اذا كانت بارده تشغلها عادي وتمشي فيها عادي لكن شويه شويه يبدا الاناره حقت الساعه وحقت المكيف والطبلون تضعف وخصوصا الساعه شاشه المعلومات تحس لمن انها تضعف كل شوي لكن لمن تدعس بنزين تقوى شوي وترجع تضعف وبعديا يبدا علامه انخفاض ضغط الزيت والعزم يضعف ناس قالوا لي من البواجي والي قال من السير والدينمو واسلاك البواجي واصابع الكهرباء وانا تاكدت انها من الكهرباء ايش سويت شغلت السياره وفصلت احد اسلاك البواجي وسويتها معهم كلهم بعضها تطفي على طول وبعضها تضعف وبعضها ماتاثر شي مدري ايش هاذي يعني المهم فصلت وركبت الاسلاك الا تحسنت السياره والكهرباء حقتها لكن بدات تطلع صوت من عند جهه السلندر رقم 1زي التكتك الخفيف
قبل ماكان فيها ويوم كذا تضعف الكهرباء ويوم تطلع تكتها من سلندر 1والعزم يضعف انا شكيت في السير لانه كانه دورته ضعيفه لكن مدري بالظبط وين الخراب طبعا اول 1من السواقه مافيها شي لكن بعدين يجي ياصوت تكته او تشوف الكهرباء داخل السياره تضعف حتى بعديت شاشه المعلومات تختفي انا ودي اصلحها قبل مابيعها علشان تجيب لي سعر كويس وتنجح في الفحص لانه الاشياء الباقيه موب ضروريه

تكفون مساعدتكم الله يوفقكم ان شاء الله







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اولا تاكد من اصابع البطارية مشدودة ولايوجد صداء اوكربون وبعدين شيك على اسلاك البواجي من ناحية قطع اوتلف اوملامسة للاقزوز وبعدين تاكد من سلك الدينمو  مشبوك تمام @


up 1 down 0
buick83 234
قبل 6 سنه و 8 شهر



اخوي رايق كيف التماس بالسلندر انت قصدك التماس بضفيرة الفيش اللي راكبه بالكويل 
متي طلع معاك الالتماس انصحك توقف السياره ولا تستعملها لان الالتماس راح يحرق ضفيرة
الكويلات وبعدها يحرق الكمبيوتر نصيحه صلح الالتماس وثاني شي يمكن الوكيل رقم وأحد طافي
او محترق انت عليك تبدل الكويل رقم واحد مع البوجي لان البوجي رقم واحد راح تفكه تلقاه لونه اسود
ومحترق وكله بنزين انت ركب واحد جديد مع كويل الأخير بادلهم ببعض وافحص كمبيوتر اذا قالك الالتماس
بالكويل الأخير يعني عندك الكويل هو تعبان ومحترق واذا قالك اللتماس للحين بسلندر رقم واحد يعني الله يعينك
الالتماس بالضفيره .
ونصيحة اخوي لك لوجه الله لا تحرك او تشغل السياره لا تعدم الكمبيوتر عندك وباقي الضفيره لباقي السلندرات 
والله يوفقك 
وتحياتي 


up 2 down 0
foxzx 1594
قبل 6 سنه و 8 شهر



ونسيت لأقول ان التكتكه هذي طبيعيه لان السلندر طافي ما يعمل بالصوره المطلوبة ولو شغال السلندر
بصوره طبيعيه تختفي التكتكه 
تحياتي


up 1 down 0
foxzx 1594
قبل 6 سنه و 8 شهر



اهلا


انا عندي نفس مشكلتك 

تاهو 2004 فيه تكتكة

 وفحصت كمبيوتر قال لي عندك سلندر 3 ما يوصله كهرباء

من 4 شهور او اكثر الى اليوم ما صلحتها ﻷني مفلس !

وطلعت بها مشوارين للكويت على 140 وحده يوصل 170





up 1 down 0
عمر الزمان 670
قبل 6 سنه و 8 شهر



شاكر لكم جميعا لايك للكل

اخي فوكزس مكتوب عندي التماس في السلندر رقم واحد يعني ممكن يقصد الظفيره او السلندر لكن كيف اعرف ان الكويل خربان او التماس هل في اعراض او شي يدل على ذلك انا اشوف ان سير السياره بطي شوي مدري هو كذا عادي اوفيه شي


اخي عمر الزمان

ممكن لان التاهو 8سلندر ماياثر عليه سلندر واحد فقط لاكن انا 4سلندر اكيد ياثر علي سلندر


up 0 down 0
رايق السيارات 590
قبل 6 سنه و 8 شهر



اكيد فيه أعراض وانا اخوك انت ركز بكلامي بالرد الاول 
اذا ما تعرف تفحص بنفسك رح لكهربائي خله يفك لك الفيش 
من الكويل اذا حسيت ما فيه تغير نفس صوت التكتكه يعني الكويل 
وخله يفحص الفيشه بلمبة الفحص اللي يفحصون فيها الفيوزات اذا 
فيها كهرباء يعني ما فيها الالتماس والعيب من الكويل يا اخي خله يفك 
لك الكويل وشم ريحته اذا فيه ريحت كهرباء محترقه يعني الكويل عطاك عمره
وعلامة الجك انجن اللي رسمة الماكينه طالعه عندك صح ولا لا 


up 0 down 0
foxzx 1594
قبل 6 سنه و 8 شهر



بواجي السلندر رقم واحد او الكويل او سلك البواجي ما تطلع المشكله عن هذي ان شاء الله


up 1 down 0
asalami 2176
قبل 6 سنه و 8 شهر



ايه نعم علامه شك انجن مولعه في الطبلون وذا فضيت بوديها لكهربائي يفحصها زي ماقلت شكرا لك


up 1 down 0
رايق السيارات 590
قبل 6 سنه و 8 شهر



واذا سويت المشكله لا تبخل علينا رد  وخلنا نستفيد^_^


up 1 down 0
sehly11 648
قبل 6 سنه و 8 شهر



ايه افا عليك اخوي شيلي 11


up 1 down 0
رايق السيارات 590
قبل 6 سنه و 8 شهر



اخوي رايق انا اقولك الكويل محترق انت رح لكهربائي خله يفكه
لك وشم ريحته في ريحة حرق كهرباء وبأذن الله ان الضفيره 
ما فيها شي البوجي اذا محترق ما تولع علامة الجك انجن 
لان الكويل يوصل الشراره للبوجي ولكن قوة الإشعال بالسلندر
ضعيفه يعني الكويل أدي وظيفته ونفذ امر الكمبيوتر وبكذا ما تولع
علامة الجك أنجن .
انت فك الكويل وشم ريحته اذا فيه ريحة حرق افتح راس الكويل وشف
الحرق والماده العازلة في الكويل ذايبه والنحاسات داخل الكويل ملامسه بعض 
وبكذا تطلع بفحص الكمبيوتر ان فيه التماس بالكويل لان الماده العازله ذابت عن
النحاس الموصل للكهرباء وصارت تلامس بعض وبكذا يطلع ريحة الحرق انت بدل الكويل
والله يوفقك 
تحياتي


up 1 down 0
foxzx 1594
قبل 6 سنه و 8 شهر



وش صار معاك يا اخوي رايق 
يا ليت تبلغنا وش يصير معاك 
الله يوفقك 


up 1 down 0
foxzx 1594
قبل 6 سنه و 8 شهر



المشكله انه انتظر المكافاه مانزلت يعني ماعندي فلوس جالس انتظر المكافاه المفروض تنزل قبل اسبوع وكل شوي يقولون بتنزل اي لحظه ماقدر اودي السياره الان لكن اذا نزلت يصير

خير الله يعافيك اخي فوكزس ماقصرت معي


up 0 down 0
رايق السيارات 590
قبل 6 سنه و 8 شهر



الله يعينك ويرزقك من واسع فضله 
ولا تقول ما قصرت وانا اخوك احنا اخوان ونفيد بعض 
والله لو عندي نفس موترك لانزع الكويل من سيارتي واجربه
علي سيارتك وافحصها بس المشكلة ان عندي صني والانترا 
وكويلاتها ما تركب علي المازدا .
وتحياتي لك 


up 0 down 0
foxzx 1594
قبل 6 سنه و 8 شهر