أضف سؤال أو موضوع جديد          

عدة استفسارات - تحملونا شوي - تفضل حياك

up 11 down 5
ابو يزيد 000 8712
قبل 7 سنه و 10 شهر



السلام عليكم ورحمة الله وبركاته

كيفكم عساكم بخير

الأولـــــئ مساكم الله بالخيـــــر
والثانيـــہ جيتكم على حسن نيّــہ

والثالثہ سامحوني أذا حصل تقصيـر
والرابعــــہ عسى حياتگم هنيــــہ

والخامسـہ غلاگم يفرق عن الغير
والسادسـہ ما أنسى جمايلگم فيہ

والسابعــہ طيبـگم يفوق التعابيـر
والثامنـــہ فيگم الكرم والحميــــہ

والتاسعہ بالقلب لگم كل تقديــــر
والعاشره لگم مني أجمل تحيــــہ

طبعا هذي القصيده >> تمهيد للموضوع :)

عندي استفسارات كثيره واعذورني :)

اول استفسار : تكفون انا طالبكم , اللي يعرف اي محل يبيع قطع غيار مازدا يقولي عنه انا افدا راسه , اي محل شافه يبيع قطع غيار مازدا يقولي عن اسمه واذا عنده رقم المحل اكون له شاكر ومقدر , طبعا ماهو عشان الوكاله غاليه , لا لا عندي مخطط ناوي اسويه في سيارة الوالد هههههههههه وناوي اعدله 2014 ورحت سألت عن قيمة التعديل وطلعت القطع بتكلف ما لا يقل عن 10 الاف ريال /: , طبعا اغلى شيء فيها الشمعات الاماميه ب ألفين ريال وخمس للشمعه الوحده ولا الباقي سعره معقول , يعني الشمعات لحالها بتطلع علي ب 5 الاف من غير تركيب , والقطع الاخرى من غير رش يعني يتكلفني , وانا ودي بمحل يبيع قطع غيار مازدا ولو بالطلب وتكون نوعيه جيده وسعرها رخيص نوعا ما , عشان اعدلها واوريكم التعديل وتشاركونا ارائكم :) , وانا حصلت واحد يقول للبيع شمعات مازدا 6 موديل 2009 تايوانيه وسألته من وين شاريها ويقول جت مع السياره !! المهم طنشته , اللي ما يبغا يساعد الناس والله ما يلقى بالمستقبل احد يساعده

ثاني استفسار : سيارة الوالد مشت الآن 152 ألف كيلو , ولله الحمد لا تعاني من اي مشاكل , وهي سي اكس ناين 2010 , والوالد غير فيها بواجي قبل شهر وفحمات قبل 6 شهور , غيرها ما غير , فوش الصيانه المطلوبه بعد ما يعدي 150 الف كيلو !! هل يوجد اشياء لها عمر محدد بالممشى , يعني فيه قطعه لازم تتغير بعد ما تكمل 50 الف او 100 الف او 150 الف !!

ثالث استفسار : ريموت السياره غيرت له الحجار يمكن 10 مرات !! وما يكمل اسبوع او اسبوعين الا وهو خربان !! ورحت للوكاله واخذت حجار من عندهم , وما كمل اسبوعين الا وهو خربان :( , وش السبب , مع انه يوجد جهازين جاء مع السياره , وكلها ما تكمل اسبوع الا وهو خربان ما يشتغل , لازم افتحه بالمفتاح :( والريموت بس زينه !!

رابع استفسار : الجلنط ما قصر اخوي لعن والديه في سيارتي وسيارة الوالد هههههه , فسار ما يمسك بسيارتي ويمسك على خفيف بسياره الوالد , وانا بالالتيما ما عاد يمسك فما اسحبه بس اعشق القير وانزل من السياره , فهل هذا مضر !! اني ما اسحب الجلنط بس اعشق القير وانزل من السياره !! ووش تتوقعون سببه يعني بس يبغاله شد ولا تغير شيء معين !!

خامسا : اللي يعرف تشليح للمازدا ايضا يقولي عنه الله لا يهينه واعرف انه باقي ماراح جيب مازدا 2013 او 2014 للتشليح , يعني ما بأحصل قطع جيب المازدا 2013 و 2014 فالتشليح , فعشان كذا قلت لكم ابغا رقم اي محل يبيع قطع مازدا عشان اكلمه واشوف , حتى لو اطلبها من عنده مافيه مشكله , بس ابغا رقم تشليح عشان اساله عن جنوط مقاس 20 لان جنوط الوالد مقاس 18 :)

وآسف والله على كثرة الاستفسارات , وطبعا لا تجاوب على كل الاستفسارات , جاوب على اللي تعرفه , يعني تعرف حل للمشكله الثالثه , قولها وكثر الله خيرك وما قصرت

وما راح انساكم من الدعاء

وبخصوص امطار الرياض , فيارب لك الحمد والشكر , وان شاء الله انها امطار خير وبركه :) وعندي استفسار على الطاير ههههههه , انا امشي بالمويه بسرعه شوي عاليه فيطلع من على الرفارف مويه قويه واسمعها , يعني تكون فيه حفره او مياه متجمعه وانا ادخل فيها بدون ما اهدي وتصقع في بطانه الرفرف , فهل هذا مضر على السياره وماهي الاضرار

وبس

هذا اخر استفسار قسم بالله هههه :)

ملاحظه : الصوره ماهي لسيارة الوالد بس شفتها وقلت انزلها واعتذر لصاحبها

تحياتي للجميع








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


قالي شق اذا حقت ٢٠١٣ تشبه حقت ٢٠١٤ تعال و ندبرها إن شاء الله 


up 1 down 0
أبو داحم الدربي 256
قبل 7 سنه و 10 شهر



ايه هي نفسها 2013 هي نفسها 2014 , الشكل واحد

ما بي اكلف عليك ياخوك , اذا عندك ارقامهم عطني اياها وانا بكملهم واشوف , واكرر شكري لك , وبيض الله وجهك يا الغالي ويشهد الله انك ما قصرت


up 0 down 0
ابو يزيد 000 8712
قبل 7 سنه و 10 شهر