افادة عن الشريطية

تدور ناس تبيع بضمير وتبغانا نوصفهم لك 
اجل خلك ولا تروح

من خلال تعاملي معهم اشوف ان الأغلبية نصابين الا من رحم ربي

لااااااتدخل الحراج الا معك واحد يعرف ودخل كثير انا مرة كنت بنزل وحذرني صاحبي قال لاتروح لحالك خله يوم افضي وانزل معك 

اذا رحت المعارض لا تحسن الظن بأحد أبد,, سعودي ولا غير سعودي ,, مطوع ولا لا ,,

ولا واحد يقولك أنا ماني شريطي أنا مستخدم..

ما لك الا انك تفحص السيارة زين ,, ومر على السوق كذا مره عشان عندك خلفية عن السوق والأسعار,, أو خذ معاك واحد خبير..

<< هو صدق فيه شريطية عيال حلال وأمينين,, لكن الحرامية والنصابين كثار للأسف!

غالبيتهم من حثالة الشعب وليس الكل انما الغالبيه
اما كيف تعرفهم فما تقدر الا انك تفحص السياره بالكامل وتشوف اذا فيها مشاكل
لانهم يحلفون ويقسمون بالله العظيم ان سياراتهم نظيفه وورده ومافيها شي وبالنهايه تلقاها مرشوشه بالكامل والمكينه موظبه والقير مغير ومسمكره من كل مكان وبعضهم يدعي على نفسه ان الله يحرمه من عيالهم اذا يكذب وتلقاه اكبر كذاب واكبر غشاش كل هذا عشان شويه فلوس زياده انتبه منهم وفيه اللي يخاف ربه ويعلمك بكل اللي بالسياره لكن قليل هذولا افضل شي افحص شامل و
الله يوفقك

جزاكم اللة خير وكثر الله من امثالكم والله انكم بمثابة اخواني وعزوتي

الله يكفينا شرهم
المهم خلك قلبك مفتح وعيونك مفتحات يابعد حيي
ولايردنك فلوس الفحص 150ريال

وباالتوفيق