وش رايكم بالماززدا زوم 6

سيارة جميلة وشكل جميل منافسة بقوة في فئتها مواصفات حلوة وعليها طلب 
لو تروح الوكاله يقولك انتظر شهر على ماتجي الدفعه لأن عليها واجد وسعرها 
حلو 66الف ومنافس بقوة 
اشوف عيوبها ان مافي زي اول محرك سته سلندر ومواصفاتها مافي الا ستاندر 
ولا فل كامل المفروض يحطون نص فل بحيث تكون ثلاث فئات وبامكانك تتخير لأن الفل كامل 
سعرة حول 97الف صحيح مواصفاتها روعه في الفل كامل وتحلم تلقى في فئتها 
النقطه العمياء والرادار وتنبيه الخروج من المسارة وعدسه متحركه للأنوار وغيرها الكثير 
اذا لك نية في السيارة احسه اختيار جميل وموفق

وضح الموديل عشان نفيدك وكلها 4 سلندر 

سيارة جميله القطع لا لو ما له ومن ت محتاج شيء اذا السيارة جديدة 

واسعارهم معقوله ومتوسطه ..  

سبب عدم الانتشار ان مازدا مصنع ياباني صغير .. والوكيل م يوفرها تجي العيوبا 

وتنتظر .. انا معي مازدا 6 2014 .. سيارة طيبه جميله راسيه ومكيف بارد والخ .. 

العيوب . بدون مثبت سرعه للستاندر .. عزل الصوت بعد 100 مش طيب .. 

تصميم المقصوره سيء نوعا ما .. الباقي تمام وم شاء الله تبارك وتعالى الله 

شف تقريري عنها .. وانصح بها اذا ميزانيتك تحت 70 الف وتبي موتر وكاله 

صبور وطيب .. ارخص من كورولا والنترا ! 

بنسبه للمازا اعرف شخص جنسيه مصريه شاري له وحده 2014 يوم سالته قال موتر بخليه معي 4 الى 3 سنوات عارف انه بيتحمل لن مازدا وهواندي عندنا تكرف من سنين بمصر 

المازدا هذي سياره عجب اكثر الناس تمدحها ولو تقول له اشتريها ما شراها

اهلين اخوي
-(لا تنسى صلاه الاستخاره)
-(راح اجاوب على الاسئله الي طرحتها وراح افيدك في تجربتي)
سوالك. هل هي سياره سيئه لاسمح الله ؟ او غير عمليه...؟
-(غير سيئه نهائي بلعكس سيارهـ عمليه واقتصاديه بمعنه الكلمه)
سوالك.مثلا قطعها نار او مالها صيانه معروفه مثلا ...؟
-(قطعها في الوكاله ارخص من المحلات بكثير وللامانه كنت قبل ما اشتري اشوف سعر القطعه في الوكاله وبعدين اروح المحلات واشتري الارخص واكثر شي الاقي الوكاله ارخص بأضعاف من المحلات)
-(وبنسبه للصيانه جدا سهله ذي اي سياره تسوليها صيانه)
سوالك.كيف وضع السياره هل هي حق استخدام وكرف وامورها طيبه ولا لا...؟
-(سياره حق استخدام يومي وكرف وسفريات وامورها طيبه 100%100 واقرب دليل اكثر مناديب الشركات تحصل معاهم مازدا)
سوالك.هل قطع غيارها متوفره في محلات قطع الغيار ولا بس في الوكاله ( وكيف الاسعار )...؟
-(قطع غيارها متوفره في الوكاله وفي قطع الغيار واسعارها جدا ممتازه)
سوالك.بنسبه لزوم 6 هل تجي 4 و 6 سلندر ولا فقط 4 مثلا...؟
-(مازدا 6 تيجي ثلاثه انواع من المحركات و4 سلندر...(2.0)-(2.3) طبعا انا بتكلم من موديل 2003 الي 2009)
-(مازدا 6 المحرك 6 سلندر تيجي...(2.7)نادر لمن تحصل-(3.8) متوفر وطبعا انا بتكلم من موديل 2003 الي 2009)
......................
-(قصــــــــــــــــــــــــــــــــــــــتي مع المازدا)
(تجربتني لسياره مازدا و لشركه مازدا...(اقسم بالله من احلى السيارات الي سقتها وهي مازدا 3 2006 ومازدا 6 2003 وقويه وكريفه وراسيه وفخمه ورخص القطع من الوكيل وللعلم يا اخوي الكل يقول غاليه قطع الغيار بلعكس اول اشتريت طقم بواجي لمازدا 3 من الوكاله بي 14 ريال و مكينه قزاز 123 ريال من الوكاله تخيل وللعلم يا اخوي ( احيانا وكيل مازدا يسوي خصم جبار للقطع الي عندو ويبع بتراب الفلوس واحسن واضمن من المحلات وارخص بكثير)
وبتوفيق والله يباركلك
والله يعطيك العافيه وشكرااا لك

السؤال اللي يسدح   نفسه الحين 

هل السيارة تمسك سعرها؟؟  مثل الاكورد مثلا

يعني. صعبة الواحد يشتري سيارة جديدة او شبه جديدة 

ويستخدمها استخدام بسيط ويبيعها بربع القيمة!!  

مو ناقصنا خساير

والله يعين الجميع 

السلام عليكم 
الاخوان ماقصرو 
محرك 4 سلندر SKYACTIVE-G بسعة 2.0 لتر وبقوة 148 حصان وعزم 155 رطل-قدم ب 66.666 الف ريال
محرك 4 سلندر SKYACTIVE-G بسعة 2.5 وبقوة 189 حصان وعزم 189 رطل-قدم.97 الف ريال
السيارة ماتمسك سعرها ولا يشتريها الا الي رغبان فيها وفاهم بالسيارة 
اذا كنت تفكر بالسعر بعد البيع فهي سيارة غير مناسبة لك 
المازدا سيارة لشخص كييف سيارات ومايفكر بالبيع والاستبدال بعد كم سنه 
السيارة سعرها 66 الف ريال
استخدام 5 سنوات 
66 على 5 سنوات تطلع 13200 ريال في السنة 
يعني تكلفة 1100 ريال في السشهر 
احسبها انك مأجرها ب1100 ريال في الشهر وبعد 5 سنوات السيارة تعتبر طلعت قيمتها واي مبلغ تباع فيه السيارة بعد هذي المدة
يعتبر مكسب
هذي هي الطريقة للي يشتري سيارات ماتسك سعرها ويريح راسه
في الختام انصحك بالاستخارة 
بالتوفيق




إقرأ الخبر كاملاً في سعودي شفت: إطلاق مازدا 6 الجديدة رسمياً في السعودية إبتداءاً من 66,666 ريال

عدم انتشارها بكثره
لان المصنع صغير مقارنه بهوندا وتويوتا وانتاجه قليل
لكن كل الطلبات الي تجي للوكيل تباع فورا بسبب اعتمادية السياره والوكيل ماهو رافع السعر
لكن الي يستخدموها يمدحونها ومستانسين عليها

السعر عند البيع ماهو مثل الاكورد 
لكن مع القصات الجديده وتخفيض سعر قطع الغيار ما اعرف شلون وضعها

سياره جيده وشكلها كانها هواندي سوناتا


عيوبها بسيطه

السياره ثقيله وعزلها سيئ لدرجه انك تعتقد ان الزجاج مفتوح

تنقص زيت قطعها غاليه جدا

ولا يهمك المطبلين لو انها جيده كان انتشرت حتى في البلدان العربيه مثل مصر غير مرغوبه

لاكن هي افضل من الابيكا والمتسوبيشي

لاكن لا تقارن في الخدمه بتويوتا او هوندا أو هونداي او كيا

وبالاخير صل ركعتين واستخر اذا عاجبتك توكل على الله

وانس انك تبيع او تنازل لانها غير مرغوبه

السياره ماشاءالله عمليه وجميله ومواصفات حلوه والفل كامل مواصفات مجنونه والسعر بينهم فرررق كبيير
وهالايام منتشره كثير ٢٠١٤ صاير اشوفها كثير

ناس تقلك عمليه وحق كرف ومامشيت 20 الف كيلو 
السياره تحكم بعد 100الف كيلو