رأيكم بـ مراكز بترومين

اذا الكاتالوج موجود شوف وش ينصح فيه من ناحية اللزوجة
حسب علمي انه لزوجة المازدا 3 لزوجة خفيفة 

مراكز بترومين انا أغير عندهم 
تمام بس لاتنساق معهم اذا قالوا لك تنظيف مكينة وبخاخات ومدري ايش 

كلامي من كلام الاخ سلطان٤٠٤٠ ، غير زيت عندهم وانتبه من الفلاتر اللي يقول
لك امريكي !! الفلتر لونه اسود ومكتوب عليه بترومين ،، غير كذا لاتنظف سواء مكينه او الخرابيط اللي عندهم

وفقك الله

تبي رايي كذلك كرتون زيت وسيفون من الوكاله وغيره في اقرب بنشر بة١٠ ريال توفر ونفس الوقت تطمان من غش الزيت والسيفون

المشكله مو موجود الكتيب ودورت عليه في النت مالقيت نهائي

ابووو حاتم اختصر لك الموووضوووع 
شف لك بنشر شغله مزبوط واقرب موزع زيوت وخذ كم فلتر من الشركه وتكون ضربت عصفورين بحجر وفرت مبلغ واخذت فلتر اصلي بدال المقلد اللي يبيعونه البناشر

بترومين يحطو الزيت من برميل ما تدري عن لزوجته 

لزوجة زيت بترومين مجربهم 20 /50

لاكن تبي نصيحتي بترومين نصابين يغيرلي زيت للاكسنت ب117

اروح طال عمرك محلات قطع غيار معروفه زي البسامي

واخذ لي زيت كاسترول زي حق وكالة هونداي 10 /30

وسيفون ب10

وتطلع علي العلبه ب14 ريال 4 علب 48 وسيفون 10 ريال كل الشغلات اللي جبتها اصلي

تكلف علي 58

وشغل يد بنشري من 15 الى 20 ريال وصكر الكبوت وصلى الله وبارك

يعني كل شغل اليد 78 ريال وفرت الباقي بالجيب حق البنزين

اسمع نصيحتي روح لوكالة مازدا وشوف وش النوع اللي يحطونه لنفس موترك ادخل واسئل وطقطق على موظفهم

وش نوع اللزوجه وودي ادخل موتري جرجره بمعلومات الزيت

ثمن روح محل قطع غيار واشتر كل شيء ارخص لك وتفتك من زحمة الوكاله وشغلهم السلحفاة ولا بدون نفس كمان

هلين اخوي
-(الله يعطيك خيرها ويكفيك شرها قول ...(امين)
اولا انصحك نصيحه لوجه لله تعالى (انك تبعد عن وكاله بترومين) لعدت اسباب
1-اقسم بالله العظيم زيت بترومين خبط مكينه اخويه سيارتو الماجنا وكانت ماشيه 80 الف واستخدام اخويه (بيت شغل شغل بيت) فكو معيار الزيت زيت مويه مو زيت
2- وانا كنت استخدم زيتهم وكان كل شويه ينقص عليا كان عندي مازدا شكيت في المكينه وبعد ما قلت لاخويه قلي الي صار معاه وعلى طول غيرت الزيت (رحت الوكاله اشتريت الزيت وسيفون من عندهم)ورحت بنشري قريب من بيتي وغيرتو والحمدلله من بعدها مافي نقص
الفايده...
1-بعد ما عرفت الزيت الي تحطو الوكاله رحت سوق الجمله واشتريت كرتون...(زيت مكينه + سيفون) وماشي على كده (ارخص من الوكاله + راحه لي + واضمن من البناشر)
.....................
والله يعطيكم العافيه وشكرااا لكم

شكراً لكم جميعاً اخذت بشوركم 
رحت الوكالة واخذت ٤ علب العلبه ب ١٧ ريال
موبيل ١٠/٣٠ 
والسيفون ١٧ ريال
وبروح لبنشري يركبها وبقولكم بكم ركبها

معليش الزيت بـ ١٤ ريال مو ١٧ ريال
غيرت الزيت وركبت الفلتر ب ٢٠ ريال

ومشيت من الرياض للطائف والحمدلله مانقص الزيت ماشاءالله