----------------------

وعليكم السلام أنا ما أبغى أقول إنه نصاب

يمكن المرور صدق محددها

بس ليش هاللعانه أقرب مشوار بالسطحه أذكر فرينا الدنيا علشان نودي سياره من البيت الى الصناعيه

أقل واحد حصلناه 300 ريال

كيف يقول هذا 100 ريال حسبي الله على المرور إن كان صادق

وإن كان كاذب الله ياخذه

وأنتبه لا يكون ناوي يلهط 1100 ريال ويعطيك بس 100 إذا كان بتستلم التعويض من عندهم

لاني والله ماعرف لنظامهم

وإن شاء الله تجد من يجاوبك على سؤالك

والله مدري عنهم ياخوي 

يكلمك من طرف خشمه كنك جاي تشحد منه 

ونستنى رد الاخوان 

نظام التأمين معرووووف

السطحة لكل نقله 250 حد اقصى

100 ريال للسيارات الي تمشي اما المصدوم 250 لايلعب عليك

ركز 250 لكل نقله ،،،،، مو الاجمالي


فيه واحد برمضان بغيت افطر عليه واتفل بوجهه قال لنا تكلفة نقل من العليا الى شيخ المعارض وبعدها للصناعية 700 ريال ويقول اتحداك تلقى اقل بعد له وجه

وبعدين كلمت واحد واخذناه ب 350 نفسسس المسافة ويوم حسينا انه تعب زودناه 50 لانه ياخوي تعرررق مرره والسطحة بدون مكيف بالسرا وكسر خاطر صاحب السيارة بس وش رايك ما اخذناها من التأمين لان التكلفة كانت اكثر من المطلوب بزيااادة وقلنا مالنا وجه نحط فاتورة السطحه رغم انها حق لنا

صحيح اخوي السطحه ماتتعدى ٣٠٠ ﷼ لكن حسبك على راعي السطحه. 

فيه فرق اذا الحادث داخل مدينه او خارج مدينه

يعني على خط سفر مثلا
اقرب مدينه لك الرياض تبعد 200 او 250 كيلو

هذي لها حسبه ثانيه 

ولكن تاكد من الاوراق و النظام في حالتك وظروف ووقت
وموقع الحادث

التامين مكتوب عندك في العقد
قيمه نقل السياره اعلى حدد كم محددها
اذا التعاونيه الحد اﻻعلى500 ريال

اهم شي يكون معك نسخ من كل اﻻوراق
احتياطا علشان مايقولون ضاعت او شي 

حصل معاي نفس الموضوع 
قيمه الحد الاقصي للسطحه 250 ريال 
و الباقي انت تتحمله .. لأن السطحه تسوي التقديرات و شيخ المعارض .. بباقي المبلغ .. لكن نقل السياره من موقع الحادث الي اي مكان لا يزيد عن 250 ريال اذا كنت في نفس المحافظه