أضف سؤال أو موضوع جديد          

استفسار عن جيب مازدا2014 CX9

up 4 down 1
tootee 131
قبل 7 سنه و 11 شهر



                                            السلام عليكم و رحمة الله و بركاتة
اسعد الله اوقاتكم يالغالين ,,,

صراحه حاب استفسر عن جيب مازدا 2014 CX9  لمن جربه و استخدمه عن عدة نقاط :- 

1- هل السيارة مريحة في السفر و الخط الطويل 

2- هل تكييف السيارة في عز الحر مثلا في جدة او غيرها ممتاز او متوسط لحد ماء 

3- هل فيها دبل واذا وجد هل هوه عملي طبعا لا أتكلم عن الطعوس و التغاريز الكبيرة في الصحراء

4- كيف تقييم رساوة السيارة في المنعطفات مثلا طريق الجنوب وفي المرتفعات

5- هل يوجد تكييف للمقاعد الخلفية في الخلف 

6- هل السيارة بشكل عام عملية و تخدم 

آسف على الإطالة ولكن حتى استفيد و يستفيد كل من يرغب في تملك هذي السيارة شاكر لكم جميعا 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


انا معجب فيها لكن الى رادني عنها موضوع ان السيارة تفصل على 160
صحيح ماراح اسرع بس ممكن احتاج ادعس وهذا شي محبط




up 1 down 1
سلطـانـ 214
قبل 7 سنه و 11 شهر



مازدا بدات تفرض نفسها في السوووووووق



up 2 down 1
ابو فرح مازدا 538
قبل 7 سنه و 11 شهر



السلام عليكم ورحمة الله وبركاته   اسمع  يابعد  ي   في واحد باليوتيوب اسمه حسن كتبي عند ه تجارب عن كثير من السيار ات ومن هاذي السيارات مازدا سي اكس 9  بيعطيك موجز مفصل عن السياره


up 3 down 2
كنق السيرا 51
قبل 7 سنه و 11 شهر



انا دخلت اليوتويب وشفت مقاطعه بس في بعض النقاط ماتكلم عنها مثل الراحة في السفر الطويل - الرساوة في المنعطفات و الطلوع في المرتفعات - استخدام الدبل - التكييف


up 2 down 1
tootee 131
قبل 7 سنه و 11 شهر



الرساوة حلوة لكن للدفع الرباعي مهو الاستاندر لانه دفع أمامي

العملية نعم جدا وقطعها متوفوة واسعارها معقولة جدا 

الراحة اقل من الأمريكي بطبيعة الحال لكن معقولة

افضل تدور لها ايجار وجربها يوم كامل


up 2 down 2
albroker99 743
قبل 7 سنه و 11 شهر



اخوي معه واحد 

( الراحه )
الموتر مريح لاكن قاسي شوي يعني رياضي 

( التكييف )
ما شاء الله بعز الحر يفي بل غرض وزياده تثلج وانت بالضهر 

( الدبل )
طبعاً الموتر بل بر جيد جداً الدبل يشتغل تماتيك بالرمال افصل التراكشن 
وراح تتفاجئ بقوه السياره ما شاء الله 

( الرساوه )
الموتر راسي ما شاء الله وثابت وانت تسوقه وحس انه سياره صغيره والموتر جيب 

( تكييف المقاعد الخلفيه )
نضام المكيف نفس نضام السيرات الصغيره فيه فتحتين بالدرج الوسطي ولهن مكيف 
مستقل ودفعهن قوي جداً ما شاء الله،،، مقاعد الصف الثالث ما لهم فتحات تكييف بس 
توزيع الهوى في السياره ممتاز يعني ما راح يحسون بحر 

( العمليه والخدمه ) 
الموتر عملي ويصبر ويخدم ولا يصرف بنزيم بس حافض على الصيانه عشان يعيش معك 
اكثر 

الموتر مازدا ياباني 100% مهب جيلي 
يعني لاتخاف من اي ناحيه طبعاً الموتر يعجبن لاكن يمكن مايعجبك بس انا متأكد انه 
راح يعجبك كثييير لا يعلى عليه صراحه 
وسعره ممتاز وشكله رهيب وشبابي 
مشكلته الفصله على 160 بس اذا اخذت بدون دبل ما يفصل لان فصله 160 تحافض
على الدبل لان الموتر دفع رباعي مستمر 
ترا 160 بركه السرعه الزايده ماله داعي 
الله يوفقك ولا تنسى صلاة الاستخاره اتمنى اني افدتك 


up 4 down 2
ابو عبيد 14 61
قبل 7 سنه و 11 شهر



الله يجزاكم خير و تم توزيع لايكات ع الجميع وان شاء الله يستفيد الجميع من هذه المعلومات الطيبة ولو في اي معلومات 

اضافيه زيادة من الاعضاء يكون افضل و احسن


up 0 down 1
tootee 131
قبل 7 سنه و 11 شهر



السلام عليكم ما قصرت يا اخ ابو عبيد 

كل اللي تكلم عنه صح انا من ملاك هذه السياره

وما اشتكيك منها بالعكس كل يوم يزيد إعجابي فيها 

فيها راحة و رساوه وعزل ممتاز وبروده ممتازة 

الأجمل قيادتها من جد تحس انك ممتلك سياره عليها القيمة 

(( بس اللي يقول قاسه شويا في المطبات عاير ضغط الهواء في الكفرات مع الجدول الموجود في باب السائق وراح تشوف الفرق ))



up 1 down 0
haisoni 40
قبل 7 سنه و 11 شهر