مشكلة مع الحاج حسين

المفروض يعطونك سياره اقل شي فيما يخلصوا 
لكن الافضل انك تروح بنفسك وما تكتفي بالاتصال 

 لاتعتمد على كلامهم روح  لسياره وشفها وناظر شف يشتغلون فيها ولا تاركينها بغبارها  انشب بحلوقهم اسال موظفين سياره وش يبي لها وش مايبي لها 

 انشب لممدير قله ياخي انتم تقولن اسبوع وانا لي اسبوعين وش ذا تعامل   حنا مهددين شركه صيانه لكزس انا وخويي  لو وماتخلص سياره بتجي علوم قالو  تعالو  نسلم لكم سياره ومعنا دوريات هههههههههههه 

ياعزيزي رح لمهم وعطهم العين الحمراء وقل لهم انا الأن متعطل وانتم سبب العطل والمشاكل الي انا فيها الأن

واطلب المدير وخلك هواااش بالكلام .. وبكذا رااح تااخذ حقك ورااح يحترمووك ..☺

طيب مواعيدهم في رمضان متى؟ انا اليوم اتصلت عليهم 9.30 و ردوا. ان شاء الله بكرة انا عندهم و نوريهم العين الحمرا.

ي غالي توه نازل تعميم جديد من وزارة التجارة بخصوص الصيانه والضمان  دق عليهم وخذ حقك  اكتب موقع وزارة التجارة بتلاقي الي تبي 

وهذا الرابط نسخه ولصقه فوق المتصفح

http://www.mci.gov.sa/MediaCenter/News/Pages/23-06-14-03.aspx

شيك على موضوعي توي منزلة أمس عن قرار وزير التجارة الجديد

مشكورين جزاكم الله خير. لكن هل قرار وزارة التجارة يشمل السيارة اللي انتهى ضمانها؟ سيارتي انتهى ضمانها من فترة طويلة و فيها مشكلة كهرباء. يعني مو بعيب صناعي او صيانة دورية. هل قرار التجارة يشملني؟؟ ان شاء الله من الصباح انا عندهم.

وزير التجاره الربيعه غرد ف تويتر إن اللي يدخل سيارته الوكاله ومايوفرون له سياره بديله لأي سبب كان حتى لو القطعه غير متوفره المهم ان سيارتك عندهم فإن الشركه ملزمه بدفع قيمة إيجار سياره والقيمه اللي تدفع لك حسب تغريدته هي قيمة السياره قسمة 400 شوف كم قيمة سيارتك الله يحفظك واقسمها على 400 يطلع المبلغ اللي الشركه ملزمين يدفعونها لك لين تستلم سيارتك ...... روحلهم الوكاله وادخل عالمدير وخليه يشوف تغريدة وزير التجاره الربيعه وقلهم والله لاشتكيكم لوزارة التجاره لو ماعوضتوني عالأيام اللي راحت ولو ماأعطيتوني حق الأيام الجايه وقلهم النظام واضح وصريح لايقلك والله ماجانا تعميم من وزارة التجاره والله ماجانا خطاب لايصرفونك انتبه 

هذا العلم وسلامتك ....... وشهرك مبارك 

لااله الا الله محمد سول الله
سبحان الله وبحمده سبحان الله العظيم
استغفر الله العظيم واتوب اليه

الفرع هذا حق مازدا انا تاقابست مع مدير الصيانه وقتها كان مصري وراسه شبه اصلع مدري هو باقي ولا مشى

دخلت عندهم زوم 3 كان فيه صوت حنه فالدفرنس
ولعطوني اسبوعين كل اسبوع يوقولن اللي بعده 

بعدها جابو الدفرنس وغيروه ونفس المشكله
رجعو مره ثانيه فكوه وغيره بواحد ثاني

المهم دارت الايام وبعدها رجعت المازدا للشركه

وبالصدفه قابلت مدير الصيانه في سوق التميمي وقلي بالله عليك فيه احد ياخذ مزدا دلوقتي !!!
قلتله هي اول واخر مره افكر فيها

والله ان الحاج حسين سيئ جداً جداً جداً 

انصح كل واحد بيشتري سيارة من عندة لايشتري من الحاج خلها تصدي 

احسب حساب اذا شريت سيارة من الحاج اعرف انك بتسحب عليه

لانه حرامي ونصاب وماراح تقدر تسوي الصيانة عندة 

يا شباب لازم تركزوا فى كلام الرجال

سيارته قديمة ومنتهى ضمانها ومدخلها حتى تصلحها الوكالة - يعنى مو مجبرين يعوضوه عن توقفها عندهم التعويض فقط فى حالة اذا كانت السيارة على الضمان او بها عيب مصنعى وهم يصلحونها

اما هذا اصلاح مدفوع القيمة حتى الجال لم يأخذ قرار الاصلاح بعد - هو عايز يعرف فين المشكلة وتسعيرة اصلاحها فقط

اخواني الاعزاء. رحت للشركة امس و قابلت موظف قمة في الاحترام . بصراحة محترم و مؤدب جدا و راقي جدا. المهم قال السيارة تحت الفحص الان و بعد التراويح يكون التقرير جاهز. اليوم تواصلت مع الموظف بس بصراحة انصدمت من المبلغ المطلوب. طبعا المبلغ يشمل قطع الغيار و الصيانة و البرمجة. طبعا المشكلة عندي اني فصلت الفيوزات عشان اغير فلتر المكيف و لما شبكتها مرة ثانية المكيف صار ما يبرد ابدا و السنترلوك ما يشتغل. تخيلوا كم طالبين للاصلاح و القطع. طلبوا 12658 ريال . حسبننا الله و نعم الوكيل. طبعا الموظف قال تعال ممكن نحذف بعض الامور تخفف المبلغ. و بروحلهم اليوم في الليل ان شاء الله.

السيارة مازدا3 موديل 2005 والله كانت ممتازة قبل الاعطال الاخيرة بس الحمدلله على كل حال. غالبا بصلحها برة الوكالة او ابيعها..