لمستخدمين المازدا ارجوا الدخول

جلست 3 سنين مشاويري بـ سياره مازدا 6 2003 
ما شفت فيها اي عيووووب  
بس ممكن لاني انا محافظ كنت اغير زيت المكينه بانتظام  
وباقي الزيوت  كلها كل 3 اشهر 
ولله الحمد ماشكيت من شي لين جا صاحبها من بعثته

فـ اذا انت محافظ توكل على الله 
اذا انت بتعاملها زي الكامري انصحك لا تاخذها  

تبغى الحقيقه ...

الناس كلهم ينصحون بمازدا الجديده 

ولكن تجي تدور احد امتلكها او جربها 
فلا تحصل 

ياخي ابغى افهم 
ليه اللي ينصح بها مايشتريها

انا اخوي توظف ونصحته بالمازدا والحمد لله اشتري واحدة ستاندر 

السيارة شكله الداخلي والخارجي جميل والرساوة طيبة 

والتكييف ماشاء الله بعز الظهر بارد 

والسيارة يوجد به 4 ارباق  

ومانع انغﻻق الفرامل abs  ومانع انزﻻق 

والعزم ﻻبأس فيه على مكينة 2 لتر 

بالنسبة لقطع الغيار لاعرف الا سعر فلتر الزيت ب 25 ريال 

انت مر الوكالة واطلب اسعار قطع الغيار 

ونسيت اقولك ترى مقاعد السيارة شوي قاسية


وبالتوفيق ان شاء الله 

بعدين انت ﻻتعطى اذنك ﻻحد ﻻنك لو بشتري مثﻻ سيارة صينيه بيقول لك صيني خايس خذ كوري 

تجي تشتري كوري يقول لك كوري ابو كلب خذ ياباني تجي تشتري ياباني يقول لك ﻻتشتري ياباني 

صار كله تجميع استرالي ووو.....  خذ امريكي تجي تشتري امريكي  يقول لك ﻻتشتري امريكي 

حق ورش وترتفع الحرارة  خذ الماني تجي تشتري الماني يقول لك ﻻتشتري الماني قطع الغيار غالية 

وصيانة غالية 

وقيس نفس الكﻻم على كل السيارات 

السيارة اذا اعجبتك روح اسال عن قطع غياره ومر صيانة الوكالة اسال اصحابه

وبعده توكل على الله 

الله يعطيكم العافيه ونتظر اراء الاخرين

مازدا ما يحتاج مواتر مضمونه ان شاء الله ياباني جودة كويسه عن تجربه اخوي 
يمدح الموتر كثيييير طبعاً cx9 جيب 

بس اشوف ناس كثير تبيعه ؟

ايش السبب 

كل ما قيل لك صحيح ( قطعها ماهي متوفره وقطعها نار وما فيه احد يعرف يصلحها واللي يقولك سعرها بعد البيع يطيح)

بالاضافه الي عزمها تهبان وغير مريحه والعزل سيئ.  واشاعه ياباني كثر منها.  القديمه فقط هي الياباني. الجديده.  لا ثم لا

وكل الي ينصح بها هنا تشبيح فقط. والدليل. انه ينصح ولا يشتري.  

والله انا ماجربتها ولاعرف عنها شي

بس سعرها معقول للستاندر والمواصفات لابأس بها 

لكن ابنصحك انك ماتغتر بسالفة ياباني وامريكي وبنقالي ومدري وش

جودة السيارات حاليا متقاربه من جميع الشركات 

دور على اللي منتشر بين الناس ومرغوب بحيث لو بغيت تبيع او تدور قطع تحصل بدون طلبية وانتظار وقلق

والله كلام فاضي 

انا اخوي قال بشتري مازدا عام 2009 الناس ازعجوه انت من جدك تشتري يباني وسعر القطع الغيار غالية نار 

وكثيرة خرابات ومدري وش 

وسحب سيفون وراح اشتراها شوف لها ماشاء الله 5 سنوات والله يغير قطع استهلاكية بس والقطع والله رخيصه مافرقت عن تايوتا بواجد

فانا اقولك لاتاخذ كلام الناس روح استاجر وحده وجربها بس خذ نظيف مو رايحه فيها وتقول ماعجبتني 

انا معاي مازدا 6 2015 ستاندر 
السياره جميله شكلا من الخارج وكلاسيكيه من الداخل 
المكيف ماشاء الله بارد وممتاز
التوازن في الخط مميز وفي المنعطفات جيد خصوصا ان كان معاي كراون فيكتوريا وهو سيء في المنعطفات جدا
صرف البنزين قليل جدا 
الفرامل مميزه وفيها نظام توزيع الضغط على الفرامل والي عنده مازدا 6 يشوف الجهاز الي راكب قريب من قربة المساحات وداخل فيه مجموعه من الانابيب
العزم لك عليه حيث انها 2 لتر 
بالنسبه للصيانه 
قطع الغيار حسب ما شفت في المنتديات معقوله وحول الكامري 
المشكله في شيئين 
اولها : ان محركها gdi اي حقن مباشر وهذا النوع من المحركات حديث فراح تتعب تلاقي احد يفهم فيه 
على فكره هالسياره فيها مضخة شفط سلبي اي vacuum pump وهي قليلة في محركات البنزين وفيها طرمبتين بنزين مثل سيارات الديزل ت
واحده في التانكي والثانيه بجانب المكينه لكي تضغط البنزين حقن مباشره بضغط عالي 
البخاخات فكها صعب للغايه اما البواجي سهل جدا تشيل الغطاء وتفك الكويل وتخرج البواجي 
عموما محركات الحقن المباشر مثل المازدا عمره الافتراضي اقل من المحركات العاديه واحتمال حدوث مشكله بها وارد 
شخصيا اشتريتها جدا مقتنع وحاب السياره جدا , لكن اذا ما تقدر تصرف عليها لو عطلت او تفكر في سعر البيع اشوف تشوف لك كامري او سوناتا 

انا معي مازدا 6 2014 وبقولك كل شيء 

موتر رخيص يعني 70 الف ريال فقط جوده يابانية اعتماديه . 

موتر راسي راسي م شاء الله . / الفرامل ممتاز 10/10 ./ التكيف من اول نمره 

بارد وياليت فيه اقل م شاء الله تبارك وتعالى الله . 6 ايرباج وجميع 

مواصفات الامان . مع بصمه وتبرونيك وجنوط 17 روووعه . لا اله الا الله 



يعيبها :- عدم وجود مثبت سرعه ( عن نفسي طالب جامعي م يحتاج ) . 

- العزم متوسط الى جيد ..  ( ماني راعي مقاومات ) . 

- العزل بعد 80 وخصوصاً بعد 100 . مزعج للاسف وبراجع الوكاله بشوف حل . 

- الاناره متوسطه ( تمنيت وجود الكشافات والان طالبها وان شاء الله يطلع النور فل الفل ) . 

الباقي م شاء الله ممتاز وتوكل على الله واستخر . 

مشكورين على الردود نشوف اراء الباقي

وياريت احد يعطينا رأيه في العزم , ودي اجربها بس لسسه ما حصلت مكتب يأجرها...محتار بينها وبين الاكورد 2012

وش يحس فيه الي يحط ديسلايك؟؟ إيش جوهم ؟