أضف سؤال أو موضوع جديد          

X قصتي مع الحظ العاثر في اواخر رمضان _ استفسار بسيط X

up 54 down 16
ابو يزيد 000 8688
قبل 3 سنه و 4 شهر



السلام عليكم ورحمة الله وبركاته

كيفكم عساكم طيبين ان شاء الله :)

موضوعنا اليوم عن قصة خفيفه حصلت لي بأواخر رمضان

ندخل بالموضوع مباشره

يوم الاحد اتفقوا الشباب نطلع طلعة من بعد المغرب ونرجع على الساعه 10 و لا 11

على العموم مريت على زميل لي وطلعنا بسيارتي

وذاك اليوم كنت تقريبا مواصل لمدة 24 ساعه وكان راسي فيه مثل السكاكين

ويوم تعشينا وجت الساعه 11 اعتذرت و قلت يالله عاد نشوفكم على خير انا مواصل وابي انام

وزميلي بعد قال ايه والله حتى انا ابغا انام

ومشينا وطويل العمر نام بسيارتي ووصلنا بيته وعيا يصحى وانا ماني فاضي لام امه الصراحه

اللي فيني مكفيني والمشكله نومه ثقيل جدا لو تصب عليه مويه ما يقوم هههههه

على العموم يوم شفت انه ماهو بقايم وعيا يصحا قلت خلني بطلع على شارع وسيع وبأدعس فيه واضرب فرامل

بس بأخلي جبهته تدخل في الطبلون بس >> كم أنا شرير ههههههه

واطلع على شارع وسيع عند بيتهم واول مره اجي افيه , وامشي فيه ويوم قاربت السرعه على 60 قلت بضرب فرامل الحين

واتفاجيء بجبل شنيع جدا قدامي ( مطب ) واصايح في السياره واسب واشد وجههي واغمض عيوني ههههههه واركبه وكنت باطلع من التنده ههههههههههههههه

الا وخويي قام يقول هيه ياغشيم خلنا نعرف ننام هههههههههه >> توي طلعت من على جبل واتكسرت سيارتي عشانك يالكلب وتقول خلنا ننام

انزل لعنبوا شكلك انزل , قال وين انزل , قلت دبر نفسك يابوي مالي شغل , انزل لا انزلك بنفسي >>> ههههههه والله عصبت وقتها لاني اكلت ذاك المطب ونفض السياره نفض

ونزلته والله وخليته يطقها كعابي لبيتهم :)

واول ما وصلت البيت وقعدت اصلح الشماسيه اسمع جوالي يدق

طلعته الا وهي الوالده الله يحفظها , وتقول تبي تروح السوق

وقلت لها والله اني متكسر ومواصل وابغا انام وقالت وش اسوي فالصبح تقول صايم وفي الليل تقول ابي انام

وقلت امرنا لله سبحانه يالله انزلوا ولا تتأخروا , ترا راسي مصدع وابسط شيء يعصبني :(

نزلوا ووديتهم السوق ويوم وقفت عند السوق فتحوا اهلي الابواب وجاء راعي ونيت طاير وكان بيشيل الابواب علي

ويبي يدخل غصب والموقف ما يشيل يارس و هو بيدخل بالونيت حقه والابواب حقت سيارتي مفتوحه

هي بالله وش رايكم !!!!

قسم بالله كنت بانزل امردغه لكن الوالده هدتني ههههههه >> وش هالهياط يابويزيد هههههه

وتعوذت من ابليس ونزلت قلت له استنى ياخي خلهم ينزلوا وبعدين ادخل

الدنيا ترا ما بتطير

وكان وقتها زحمه ومافيه موافق والناس يدخلون باي موقف وهمج الله لا يوريك بس

على العموم دق ريوس و نزلوا اهلي وبعدها دخل بالموقف ولحم فيني تلحيم مانقول الا الله يهديه

وشوي الا ودججججججججججججج >> باب الونيت صقع بسيارتي وانا شوي واعض الدركسون من القهر

ياخي على الاقل دفه بشويش لا تصقعه كذا

لكن قعدت اتعوذ من ابليس لا انزل وارتكب فيه جريمه خخخخخخخخخخخخ

وكل ما غفت عيني الا وصوت طاااااااااااااااااااااااااط طاط ططط ط طط طططططططط طااااااااااط طا طاططططط طالخسعتىم >> بوري خربان :)

وانا اهدي نفسي لاني لا نزلت راح اتمردغ هههههه قصدي بأمردغهم كلهم :)

المهم طولت وانا انتضر اهلي , الساعه شوي وتجي 2 وانا خلاص شوي واقوم اسدح المراتب وانام

فمسكت الجوال واكتب في الاسامي ( امي ) وما طلع لي رقم الوالده !!

وقلت الحين مو كفاية المطب اللي اكلته و راعي الونيت اللي كنت بسوي فيه جريمه والتأخير و الصداع والبواري حسبنا الله ونعم الوكيل

تجي انت يالجوال وتخرف , وش هالحظ الخايس

وقلت خلني بأكتب الوالدة نجرب يمكن اني غيرته ولا شيء ولا احد اخواني غيره

وفعلا طلع لي وعلى طول ادق

ودقيت اول مره محد يرد ودقيت مرتين وثلاث واربع

إنا لله وإنا اليه لراجعون وش السالفه ناقصين احنا عساه خير بس !!

ويمكن بعد 5 مرات انرد علي واسمع صوت رجال

ياولد وش السالفه الوو الوووو

ويقفل في وجههي

انا وقتها خرعت وسقط قلبي

عاد تعرفون هالاحساس قلت لا يكون سار لاهلي شيء

وازيد ادق الا والجوال مغلق

ويوقف شعر راسي

وانزل من السياره واتجهه على السوق

قلت اكيد ان الجوال انسرق من الوالده ولا سار لهم شيء

نزلت وعيوني يبان فيها الشرر

وطبعا تعرفون مواصل ونفسيتي خايسه وواصله حد خشمي وابيها مضاربه ابيها الدم للركب ههههههههههه

وبديت احلل في راسي اكيد نسيت الشنطه وقام احد سرقها

ولا يمكن احد , لا قدر الله ولا لا

وازيد امسك الجوال وانا داخل على السوق وابي اكرر الاتصال

وهنا كانت الفاجعه الكبرى

الجوال جوال زميلي

هههههههههههههههههههههههههههههههههههههههههههههههههههههههههههههههههههههههههههههه

واضحك مثل المجنون عند مدخل السوق

والله كاني مجنون وقتها , كنت فاصل لو تقول كيف حالك يمكن اموت من الضحك

حاله هستريه تجيني الله لا يوريكم اياها هههههههههههههه

والله تجيني هالحاله بكثرة اذا واصلت

المهم واسترجع وعيي

وارجع للسياره والناس تطالع والسواقين يطالعون فيني

وافتح السياره الا وما تفتح

ياولد وش فيها

واطالع للي يطالعوني واضحك كذا وانا ادخل المفتاح والف يمين وشمال واحركه على فوق وتحت

واقول في نفسي والله مو وقتك خلني ادخل الناس تطالعني بأستغراب وانا انحرجت

الا والسياره مره ما تتجاوب معي

ودرت عليها وافتح الباب هذا والثاني قلت يمكن احد الابواب مفتوحه والناس تطالعني :(

الا ومقفله كلها

وادور عليها مره ثانيه والقا الصدام الخلفي محكوك حكه قويه جدا جدا

طالعه البويه وطلع الصدام من الكلبسات حقته

واشوف ان الموقف اللي جنبي محد فيه واتذكر راعي الونيت

قلت حسبي الله عليه ونعم الوكيل

الله ينتقم منه الله ...... الله ....... وهاتك دعاوي عليه ههههههههههه

وازيد ادور على جنب السياره قلت لا يكون مشخ الجنب بعد

الا ومقابض الابواب نيكل !!!!!!!!!!!!

وانا سيارتي لون مقابضها بلون السياره اسود

ويرجع عقلي في راسي واطالع لوحة السياره وتطلع ماهي سيارتي خخخخخخخخخخخخخخخخخخخخخ

طبعا كان وجههي وقتها ما اقدر اوصف لكم اياه كنت منحرج واضحك ومعصب وكلش ههههههه

وازيد اطلع على الشارع ولقيت الونيت هههههههههههههه ومن جنبه سيارتي

وارجع لها حبيبة قلبي واندس فيها من الناس

والله شكوا فيني ذاك الوقت لكن ما ينلامون هههههههههههه

والحمد لله عدا ذاك اليوم على خير

وكان من افضل الايام اللي مرت علي برمضان

ونسيت ... اليوم الثاني اتصل علي زميلي وقالي جوالي عندك

وقلت ههههههههههه ايه عندي والله يا انك افلمت فيني امس

الناس شكوا فيني قالوا لا يكون هذا اتعاطى شيء قبل لا يجي السوق

لكن والله من امتع الايام اللي مرت علي

وقال اصه شكلك ما تدري على الشايب

قام ونط في بطني وانا نايم امس هههههههههههههههههههه

يقول وراك ازعجتنا كل شوي تتصل علينا وانت معنا بالبيت ما خليتنا ننام ادخلوا من راسك وعليّ اسم الله

طلع ابوه هو اللي رد علي بعد ما ازعجتهم وشكلهم كانوا نايمين هههههههه

لكن بسيطه بسيطه اهم شيء سعة الصدر

وبس

هذي قصتي وعسا ان شاء الله تعجبكم

وانا لي فترة قاطع عنكم واكيد سار اشياء كثيره وانا ما ادري عنها

لكن ابغا ابين لكم شخصيتي او مواضيعي

مواضيعي الله يسعدكم , تكون لها علاقة بالسيارات ولكن خارجة عن النطاق المعتاد مثل مشاكل او اسعار او استفسار او مقارنه

وغالبا ما تكون قصص او مواقف حصلت لي شخصيا او حصلت لاحد اعرفه

وقبل الختام , ابي اخذ رآيكم , وش رايكم أرش جنوط المازدا أسود لمعه أو رصاصي غامق مثل جيب اللكزس او الاكسبدشن ؟

في النهاية تقبلوا تحياتي جميعا

أخوكم : ابو يزيد







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يسعدكك صراحههه ضحكتني وششكرا على الموضوع الجميل (:


up 1 down 0
حتوم22 3
قبل 3 سنه و 3 شهر



موضوعك ذكرني بموقف لي 
مره من المراريت كنت سهران وتعبان رجعت البيت ونمت اول ما بديت استغرق في النوم وتقومني الوالده الله يحفظها قالت عندي موعد مستشفى واقوم بصراحه حاله مدري كيف اوصلها لو اني مواصل احسن المهم طلعنا كانت الوقت ضحى والدعوه صيف يعني الشمس في نص الجبهه والوضع مو خوش نهائياً احس بالظبط كاني مريض الله لا يبلانا ويشفي كل مسلم وحنا في الطريق حدني واحد عند الاشاره 
بعا كسرت البوري والف عنه الا يتكلم ويفتح الدريشه يعني بيهاوش طبعا انا شخص مسالم  ولله الحمد لكن الله لا يوريكم وش الي صار مجرد ما تكلم الا اعصار انطلق مدري وش الي قلت بالظب
 لكن طلع فيني صوت مدري كيف جا هذا الي يقولون له من قمة راسي الرجال كان ناوي شر لكن بعدها هنق انصدم در فعل غير متوقع شي غير طبيعي نهايئا شكله يحسب فيني حاله ارتاع من جد والله تبون الصدق انا ارتعت من نفسي طبعا الحمد لله ربك ستر ورجعت للبيت بس وش نفسية زفت ما انصح اي شخص يضغط عمره باي حال من الاحوال ما حد الله 


up 0 down 0
بدراني الرياض 46
قبل 3 سنه و 2 شهر