سمعت من فلان انه يخبط _ مع زميلي واحد وما يمدحه _ ليه تفتي

السلام عليكم ورحمة الله وبركاته

كيفكم عساكم طيبين

كيف عنوان الموضوع , يدل على اني معصب صح ههههههههههههههه

لإني قبل شوي دخلت على موضوع قبل اسبوع يمكن او اقل يقول وش رايكم في المازدا سي اكس ناين ؟

ويوم شفت الردود صراحه ما قدرت اخلي الموضوع يمر كذا

لازم اقول الحق وغير الحق ما بقول بما إني مستخدم وانقلكم الكلام من واقع تجربه والسياره معي حاليا

لان الردود هذيك كلها سمعت او مع قريبي ما يجيك العلم من مستخدم

وانا حبيت اطرح لكم تجربتي واللي يبي يسأل عيوني تفداه يقولي ويبشر بالخير

المازدا معنا بسم الله عليه ما شكى من شيء بالعكس يقول اللي تبيه سوه فيني هههههههه

مكيف ثلج الثلج الثلج بسم الله عليه مع ان فلتر المكيف حق وكالته من 2010 و الباكم هذا ما قد خرب علي ابدا ولا ادري وشو اصلا

والحين قريب يوصل 170 ألف كيلو الله يحفظه , اللي غيرناه فيه ( 1_ بواجي 2_فحمات 3_خرط هوبات ) فقط فقط بسم الله عليه الباقي شد بلد حق الوكاله من 2010 ماعدا الزيت كل 50 الف نغيره حق القير ناخذه من الوكاله 4 علب ونغيره برا الوكاله

أذكر ايام المطر كانت شوارعنا فيها تصريف سيء جدا للمياه , فكانوا معي الاهل , والوضع صامت

وقلت باغير الجو , وازود السرعه على حدود 80 و قدامي مستنقع مليان مويه , وادخل فيه قسم بالله صوت المويه يوم صقعت بالسياره كانها صوت قنبله ههههههههه كانت بتنفك الرفارف يوم صقعت المويه فيها , وهالحركه اجمل حركه عندي ايام المطر هههههههههههههه كان الحي يشكي من شيء اسود يمشي بالشارع بسرعه جنونيه ويسوي نوافير ولا يعرفوا ملامح السياره هههههههههه

وشوفوا المازدا معنا بسم الله عليه ما شكى من اي شيء نهائيا الله لا يضره

وايضا اكثر من عشرين مره ركبت مطابات مجنونه , والله مجنونه على سرعات عاليه وانا ما ادري , مره حسيت صوت الحديد من تحت صقع بالارض صقعه شنيعه ورحت لحقين الزيت ونزلت تحت السياره اشوف لا يكون انكسر الكارتير والحمد لله مافيها شيء وشيكت على الصدام من تحت لكن مافيه شيء لان مساعداته قويه مع انها حقت وكالته ما تغيرت و هو اصلا مرفوع ماهو نازل مثل بعض الجيوب اللي من فئته

طلعت فيه أرصفه , حككت فيه ودقشت فيه , فرملت فيه فرامل شنيعه جدا وعطيته كم من دعسه خليته يحوس في محله من القومه هههههه , سافرنا فيه للشرقيه 3 مرات وسافرت فيه للغربيه وسافرت فيه لقطر الآن , وانا حاليا بقطر بالمزيون الله يحفظه من كل شر وبسم الله عليه وماشاء الله تبارك الله عليه

مكينته وقيره ومحركاته ماشاء الله وكاله , عضلاته بالكامل نظيفه وحقت وكالته من يوم مشا صفر , حتى الآن وصل 170 ألف واقول لازم اسوي له صيانه اذا رجعت الرياض بالسلامه انا والاهل

لكن ما ادري وش اغير له لانه ما طلب شيء ههههههه بسم الله عليه ما شاء الله تبارك الله , الله لا يضره

فنصيحه من أخ

اللي يبغا يشتري سياره , لا يسأل الا الملاك ( الحقيقين للسياره )

لا يسمع للي يقول ( كان عندي ) او ( مع ولد عمي مع قريبي مع زميلي مع جيراننا مع جدتي مع خدامتنا )

او يقول سمعت والله من فلان انه كذا وكذا طبعا اقصد اللي يذم بالسياره

المازدا بالاساس سياره يابانيه , فالاساس المدح لها , لكن اللي يذم فيها , تأكد من معلوماته ان كانت سمعت او كان مع جدتي وخبط هههههه قوله الله يستر عليك

أعجبني شاقح , مره قرر يشتري , مازدا , ويقول سالت ناس كثيره وجاء يسالني ويقول كيفه بالله معك

وانا جوابته بكل صراحه

طبعا مافيه سياره كامله , لان الكمال لله سبحانه , أكيد كل سياره فيها عيوب , العيوب اللي واجهتني

مكينه القزاز , لباب السايق وباب المعاون { المعزز :( } خربت , وهذا عيب مصنعي ,وشريت حقت السواق من الوكاله ب 275 ريال و حقت المعاون ب 315 ريال !! زياده 40 ريال وهي هي المكينه نفسها وهذي من سلبيات الوكاله لانه فيه تلاعب بالاسعار خفيف :(

طبعا خربت بأوقات مختلفه , اول شيء حقت السائق لانها اكثر استعمال , بعدها بشهرين , خربت حقت المعاون

وايضا من العيوب اللي واجهتني

باب الشنطه يطلع اصوات , والسبب طبعا انا اكتشتفه بنفسي , وهو نفس القفل اللي بالشنطه يلعب , يعني يروح ويجي ويطلع اصوات في باب الشنطه , جربت وفتحت الشنطه وجيت على الحديده اللي يدخل فيها قفل باب الشنطه اذا تسكرت

وحطيت ( ريال ) حطيته على الحديده , وقفلت الشنطه والقفل اللي باب الشنطه شق الريال لانه لازم يخترق ويمسك الحديد ويقفل عليه عشان تقفل الشنطه :)

طبعا حركت الشنطه بعدها ودفيتها ومشيت عليها واختفى الصوت بنسبة 65% تقريبا :) طبعا الله لا يهينكم تحولون لي 20 موبايلي عشاني علمتكم طريقه تحل اكثر من نصف المشكله وتكلفتها ريال فقط ههههههههههههههههه

هذي المشاكل الاساسيه , بالاظافه الى مشكلة بسيطه وانا اعتبرها ماهي مشكله لكن ما ادري اذا هي مشكله او لا , وهي اذا مشيت على خط مو مزفلت زين او عيون القطط يطلع اصوات خفيفه من ديكورات الابواب لكن اذا تمشي بخط عادي نظيف مافيه اي اصوات نهائيا واتوقع تحتاج الى تربيط داخلي وخاصة ديكورات الابواب بس ما ادري هل فيه تربيط للابواب وشد ولا لا ولا اعرف الطريقه

طبعا نسيت اقولكم

اللي معنا أستاندر او نصف فل ماهو الفل كامل يعني جنوطه اصغر من الفل كامل >> اخف وانعم

وبدون دبل >> دفع امامي مفتوح السرعه الى 200 عادي

طبعا لا احد ياخذ كلامي ويخليه مثل خوينا اس اس 2007 هههههههههههههههههههههههه

اللي قلب جيب المازدا حقه شاص ما شاء الله وزين انه قعد معه 6 سنوات بدون ما يخبط بس خرب القير وسار اخر سرعه 120

وهذا اعلانه http://haraj.com.sa/114866754

أنا كلامي بس عشان اثبت انه يتحمل للناس اللي تقول ما تتحمل ابدا وما تنصح فيه

وفي الاخير باحط صور للناس اللي ذمت السياره وحطيت صور تبين تحمل السياره ورد اخوي إس إس 2007 راعي جيب المازدا 2009 اللي معرض كفراته ومرفعه ومخليه حق بر وله اعلان مميز رابطه فوق ^^

وبس

وقبل الختام تكفون دعواتكم نوصل بالسلامه احنا والاهل لاني بقطر وراجع للرياض بكره ان شاء الله إذا الله كتب

هذا علمي وسلامتكم / اخوكم ابو يزيد