أضف سؤال أو موضوع جديد          

تقرير تركيب شاشة S100 على مازدا 6 2014

up 7 down 2
hyper knuckles 728
قبل 7 سنه و 7 شهر



بسم الله الرحمن الرحيم

السلام عليكم ورحمة الله وبركاته

لرؤية أفضل للموضوع تفضل هنا :
http://www.adslgate.com/dsl/showthread.php?t=1969726

------------------------------------------------------------------------------------------
بحمد الله ركبت شاشة S100 على سيارتي مازدا 6 2014 بغرض استفيد من الكاميرا الخلفية لأن الريوس صعب شوي في التلبيق تحسب انك قريب لكن يبقى وراك ممكن متر !! هههههه
فقررت أركب الشاشة S100 
طبعاً شريتها من موقع حراج من واحد اسمه مروان .. تحصلون له اعلانات كثيرة في الموقع وشاشات متنوعة منها رودروفر وغيرها لكن وقع اختياري على S100 احسها أفضل في المواصفات والتصميم البسيط


الصناعة : صيني
الضمان : سنة واحدة
السعر : 2000 ريال مع الكاميرا والتركيب في المحل




أما بالنسبة لضمان السيارة ..
رحت الوكالة وسألت مدير الصيانة وقال : دام أن الشاشة تركب بدون أي تجريح للأسلاك وكان التركيب صحيح بحيث لا يضر السيارة فالوضع عادي ولا يتأثر ضمان السيارة أبداً ..


نأتي للمواصفات :
شاشة لمس عالية الدقة (تدعم الفل اتش دي حسب كلام الشركة المصنعة لها )
امكانية نسخ 6 سي دي ( لم أجرب )
نظام ملاحة باللغة العربية مع امكانية سماع الراديو أثناء تشغيل الملاحة igo
بلوتوث ( اتصال و مقاطع صوتية )
راديو 
دعم الكاميرا الخلفية مع بقاء الصوت شغال ( الكاميرا الخلفية غير مرفقة تشتريها لحالها ) وأيضاً ( خطوط المسافة في الشاشة لا تتحرك مع حركة الدركسون )
ريموت كنترول
دعم أزرار المقود
الي في التكايةUSB و AUX دعم الـ
منفذ آيفون وآيبود إضافي
منفذ يو اس بي إضافي
مشغل دي في دي
تطابق لون الاضاءة مع اللون الأصلي للسيارة ما عدى زر الصوت إمكانية تغييره إلى 3 ألوان
لاتحتاج إلى قص أسلاك أو تغيير الديكور
دقة شاشة اللمس وسرعة الاستجابة ( لكن ليست مثل الجوالات )
دعم مضخم الصوت في حال كانت السيارة تحتوي عليه
تشغيل صيغة MB3-MB4-DVD
امكانية تركيب كونكت للانترنت ( غير مرفق مع الشاشة )
امكانية تصفح الانترنت من الشاشة ( يلزم وجود الكونكت ولا أدري هل سيعمل هنا ولا لا )
دعم كاميرا المراقبة الأمامية "دي في آر" (غير مرفقة)
دعم البث التلفازي ( لاقط الموجة غير مرفق)
امكانية تقسيم الشاشة إلى 3 أقسام (تعدد المهام)
إمكانية تحديد شعار السيارة عند التشغيل "اللوقو" من شركات كثيرة
إمكانية التخزين على نفس الشاشة أو إضافة كرت ذاكرة ( أعتقد نانو حسب كلام البائع قال : 4 قيقا أو أكثر "مو متأكد" )

العيوب :
1-الشاشة ما تطفأ مباشرة بعد اطفاء السيارة وكذلك التشغيل بطيء خاصة لو كان آخر شيء كنت مشغله قبل إطفاء السيارة هو النافيقيشن (الخرائط)
2-اللمس ليس مثل الجوالات الحديثة ، تحتاج للضغط بدقة
3-جودة الصوت أحسها أقل من الوكالة مع ان البائع يقول 160 watt و ومسجل الوكالة 100 watt 
وبرضه مسجل الوكالة قوة الصوت حتى 60 و السماعة 40 فهذا يخلي فيه فرق في قوة الصوت بين رقم ورقم ، عكس الوكالة تحس الزيادة تدريجية
4- تعكس الشمس في النهار في حال كانت الشمس "مسلطة" عليها 

طريقة التركيب :
التركيب للي حاب يستفيد للي يبغى يركب بنفسه أو يفهم العامل الطريقة - وانصح بشدة تكون عند واحد فاهم بالشاشات وان كان سبق له التعامل مع مازدا فيا حبذا - :
1- تفك التخشيبة تدخل مفك من اليمين وتطلعها << مركبة عن طريق كلبسات وقوية شوي ..
2- تفك الاطار حق المسجل تسحبه من مكانه طبعاً كلبسات
3- تفك 3 مسامير للمسجل منها مسمار واحد في الأسفل يحتاج مفك طويل غير مسنن << طبعاً مع الفك طيحتها ورى ازرار المكيف هههههه << لكن لا تخاف لو ضاعت عليك اطار الشاشة قوي ويمسك الشاشة
4- الحين تبدأ تفك الاسلاك من المسجل 
5- يأتي مع الشاشة أفياش مرفقة عشان تقدر تركب فيه أسلاك الوكالة .. وقطع كثيرة منها : مقوي GPS وهذا ركبه لي راعي المحل فوق الباب فكفك الديكور وركبه ، مايك ركبه ورى الدركسون ، وصلة ipod ، وصلة USB اضافي ، أسلاك الظاهر للسماعات الاضافية والكاميرا الـDVR ان وجدت ، وصلة لمنفذ الكونكت إلخ
وكما قلت يبغالها واحد فاهم .. بمعنى : حاول تشوف لك محل يعرف يركبها أو جرب يركب على السيارة تبعك
6- الكاميرا سوى تمديد من خلف الديكور السفلي من جهة الباب ومع الشنطة إلى المكان المحدد ثم سوى تخريم بدريل خاص وقام بتركيب الكاميرا ووزنها
7- أزرار الطارة يبغالها برمجة من نفس الشاشة سهلة جداً - بس سيارتي تعقد فيها كثير مدري وش صار - البرمجة عبر المسار التالي في الشاشة :
Settings > General > Steer Wheel (Setup)
8- الـGPS يكون مع الشاشة ذاكرة فيها الخرائط تدخلها في مكانها المخصص في الشاشة عند كلمة map .. ويبغالك تسوي لها تثبيت من نفس الشاشة وتشتغل زي اللوز عبر المسار التالي :
Settings > GPS Path > ثم تضغط على ملف الـ EXE وسيتم تنصيب الخرائط من الذاكرة





حبيت أفيد الي يبغى يركب والله يكتب لكم الي فيه الخير .. 
وهذه صور للشاشة بعد التركيب :













إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


دام فيها دعم من ازرار المقود فهي 10 على 10 
موفق 


up 4 down 0
al_orainy 56
قبل 7 سنه و 7 شهر



ماشاء الله تبارك الله

شاشه جدا جميله

ولي فتره طويله افكر اركب شاشه بس الحي اللي انا فيه مايساعد اركب شيء ولاعندي باب سياره

يعني لو بركب بيسرقونها عيال الحرام

لاكن ودي تعطيني رابط ابو مروان على العام او الخاص

وتكسرها بالعافيه الشاشه

وموفق يالغالي


up 2 down 2
amear 1347
قبل 7 سنه و 7 شهر



الله يعطيك خيرها ويكفيك شرها 
اعتقد ان سعرها غالي لو كانت ب الف ريال بيكون سعرها ممتاز 
اما بالنسبة للبائع مروان فبضاعته لازم يزود فيها 100 او 200 ريال عن سعر السوق 
يعني لو تأخذ اسم الشاشة وتدورها بالسوق بتحصلها ب 1700 ريال .


up 3 down 2
t-m-d 443
قبل 7 سنه و 7 شهر



ما شاء الله تبارك الله جايه جميلة مع الديكور اهم شي انتبه في المغاسل تمسح الشاشة بشي خشن 
+1


up 1 down 1
ابوخلوودي1 5070
قبل 7 سنه و 7 شهر



s100 اتوقع تقدر تقلبها اندرويد عن طريق الشركة وتكون مثل الجوال


up 0 down 1
mahdi sa 32
قبل 7 سنه و 7 شهر



الله يهنيك فيها .. لا شريتها بعد 15 ذو القعدة يشملك ضمان سنتين وفوق ارجع لهم واذا مابغو اشتك عليهم عند 
وزارة التجارة 1900


up 0 down 2
a.r.f 19
قبل 7 سنه و 7 شهر



ماشاء الله مبرروك شكلها زي شاشت الوكاله. 


up 1 down 1
مراجل2 95
قبل 7 سنه و 7 شهر



انا اقصد شكلها موب نضامها


up 1 down 1
مراجل2 95
قبل 7 سنه و 7 شهر



طيب انا سيارتي فل كامل والي بي إس مايلقط اشاره والراديو مايجي موجات تكفون وش افضل حل وغير مكلف سيارتي 2014 فل


up 0 down 0
ابراهيم3333
قبل 3 سنه و 11 شهر