ايش افضل مازدا 6 ستاندر او النترا فل كامل ؟

ماتقارن سيارتين كل وحدة ف فئة غير المازدا تقارنها بالسوناتا او الكامري وزي كذا

بخصوص التحديثات اللي سووها ف 2015 ادخل وشوف

http://www.alimtyaz.com/post/6081

وع البركة مقدما،،

عندك بدائل اضافيه بنفس ميزانيتك مثل الالتيما ستاندر والاوبتيما ستاندر وكلهم تحت سعر 65 الف 

طبعا الاولى مكينتها 2.5 والثانيه 2.4 وتعتبر نفس السوناتا كـ قير ومكينه وباقي القطع والفرق بس بالشكل الخارجي والديكورات

المازدا 6 الاستاندر يعيبها الداخليه السوداء بالاضافه الى صغر حجم المكينه 2.0 فقط نفس مكينه الالنترا ؟ لكن يميزها البصمه والايرباقات 

أنا شريت اوبتيما 2014 من معرض مكينه 2400 ومثبت سرعه  وريموت وجنوط سياره جدا ممتازه كشكل وفخامه بالنسبه للاستخدام ما ادري توها ماشيه 170 كيلو  أخذتها ب 59 الف منقوله جاهزه 

طيب وش رايكم ف ماليبو 2014 ستاندر ؟ 

ارشح لك المازدا اوسع وفئة اعلى ومواصفات الستاندر ماعليه كلام بنسبة للالنترا
وتتميز بايرباقات جانبية وامامية و اي بي اس والابتيما مافيها وايرباق واحد بس ..
وترى الان عليها عرض بس مايشمل الشرقية اذا انت من الشرقية ممكن تاخذها من الرياض وتجيبها على سطحة او خط الى يريحك

الالنترا سوقها افضل بكثييييير وقطعها ارخص ومواصفاتها افضل لانها فل كامل


لكن انتبه لا تاخذها تجميع اردني

اذا تبغا موتر اعتمادي يكفيك ان المازدا ياباني ياباني الاستاندر جنوط بصمه ليد مدري وش والكوري معروف منتشر صحيح لكن من تجربه الكوري يقارن بالصيني الصراحه لاعزل لا انسيابيه لا ثبات لاامان بعد الله سبحانه

^ هههههههههههههههه اخونا يكلمك عن موديل 99 ما يدري ان الكوري الجديد صار يتقارن مع الاوروبي

اجل مافيها عزل ولا انسيابيه انا جربت سيارات يابانيه وامريكيه كثير لكن مالقيت افضل من الكوري

وبالنسبه للامان هاذي مشكلة وكلاءنا موب الشركه

الاكسنت الامريكي 6 ايرباقات وكل انظمة الامان فيه

بينما وكلاءنا يسترخصون في انظمة السلامه

جرب مازدا 3 نص فل مكبنة 2.0 اصغر حجم من مازدا 6 

والله افضل الالنترا لاني عارفها ماشاءالله وشكلها جدا جميل خصوصا الفل كامل 2015 ولا جاك لونه ازرق غامق الجديد ما شاء الله ابداع لحد الجنون

لو قلت مازدا فل كامل كان رشحت لك المازدا , لكن المواصفات احيانا تفرق :)

اخوي معالم التقنيه انا جربت الكوري قطع بظهري مافيه راحه انا معي سوناتا قعدت معي سنتين ضربت المكينه وانا والله محافظ جدا قطها رخيصه ايه ومنتشرة وكلن يصلحها اقولك ايه لكن بديها تعبان الموتر عمرة قصير مافيها راحه امسك خط والله ان ظهري يصلب موتري موديله 2011 ماشي حاليان 157 وكسور

^^^ 

سلم لي على مكينه موترك السوناتا دامك تستخدم زيت كاسترول ؟؟؟ انت الحين تستخدم اسؤا زيت بالسوق وتستغرب المكينه ليش تخبط ؟ 

البلاء مب بالسوناتا البلاء بذا الزيت اللي خبط مكاين سيارات كثيره مثل الكامري وغيره .. نصيحتي لاتطلع عن زيوت موتر كرافت وشل هيلكس 10w30 او بترومين A1 5w30

ابو هيثم انا زيت المكينه من طلعتها من الوكاله وتغير الزيت عند محلات بترومين وكذا السيفون من عندهم 

الكوري سيء جدا خاصة في الامان 3 اعرفهم توفوا كلهم يملكون كوري ,,

مستر فيون انا مااقول انك تكذب ؟ لا حشاك بس بسألك كم سوال

1/ انت وقفت على روسهم وتأكدت انهم يغيرون لك زيت بترومين ( حتى لو كانو مركز معتمد ) ؟ والا انت من النوع اللي يوقف الموتر ويمشي 

2/ اذا انت فعلا مستخدم لزيوت بترومين وش نوع اللزوجه اللي كنت تستخدمها ؟ اذا كانت لزوجه ثقيله 20w50 عز الله ماألوم موترك لو خبط لانه مخصص للسيارات القديمه موديلات 2005 وتحت 

3/ كثير منكم تقولون ان استخدامكم نظيف ومحافظ واحسن استخدام لكن المكينه خبطت ؟ طيب فهمني يعني  كنت تمشي بطريق سريع ومثبت السرعه على 120 ومرتاح ؟ ويوم شافتك المكينه مرتاح قالت خلاص خلني انكد عليه  واخبط الحين هههههههههههههههه 

4/ مكينه السوناتا هي نفسها من عام 2009 وحتى الان ؟ تغيرت 6 موديلات و 3 اشكال ومازالت المكينه وحده .. صعبه يارجل ان فيه شركه مثل هونداي تعتبر عملائها هم راس المال وتشوف شكاويهم 6 سنوات وماتعطيهم وجه ؟ وش قالو لك وكاله ابو جميل  

5/ يكون بعلمك ان الشركة الام اجبرو الوكيل الوعلان على تغيير كفرات هانكوك الى كومهو عام 2012 بعد مااشتكو العملاء من كثره التحبيل ؟ شف استجابو لعملائهم بمشكله بسيطه زي الكفرات فما بالك بشي يخص المكينه 

6/ اكثر موتر يشتكي اهله من المكينه هي الهايلوكس ؟ ومع هذا مازالت اكثر السيارات مبيعا في السعوديه ومحافظة على المركز الاول لـ 3 سنوات متتاليه 

7/ انا شخصيا 3 من عايلتي معهم هيلوكسات وكلهم اشتكو من المكاين ؟ الاول عمي شايب عمره فوق 60 واستخدامه نظيف وماوصلت السياره 220 الف الا وهو موظب المكينه .. الثاني زوج اختي وجيمت عليه ؟ مب تخبيط لا تجييم يعني طلع العمود ولازم تجدع المكينه ماينفع لها توظيب ولا غيره .. الثالث اخوي الصغير كان مطلع الموتر وكاله ويسمع بالبر ولايطلعله ههههههههههه لكن وهقوه اخوياه وركب فلتر وخبطت المكينه وهي ماشيه 105 الاف بالضبط ؟ الاخير اعتبره سوء استخدام لكن الباقين وش ذنبهم  

شوف يا اخوي ..
أنا كنت محتار مثلك تماااماً : مازدا 6 ستاندر .. أو النترا فل كامل ؟!!

لكني رشحت شيء مهم وقوي لصالح المازدا : وهو وجود وسائل الأمان وأخص "مانع الانزلاق" أو ما يسمى "مانع الانحراف أو التراكشن أو نظام الثبات الالتكروني" ESP إلخ
هذا من أهم وسائل السلامة في عالم السيارات .. شوف هذا الرابط ورح تعرف :(يوجد موسيقى )
http://www.youtube.com/watch?v=GXnqXBAD3yE

هذا غير الحجم الأكبر واكثر رساوة على الخط والمنعطفات .. وغير ال6 ايرباقات والدركسون الي يثقل معك على السرعات العالية إلخ

وهذا رابط فيه شرح مفصل عن المازدا الاستاندر من تصويري :
http://www.youtube.com/watch?v=KUBHgYamd1A

خذ بالحسبان أن المازدا بينزل عليها فيس فلت ممكن ينزل لنا منتصف 2015 أو عام 2016 .. تعدلت الداخلية بشكل كبييييير جداً .. شوف الرابط ( إذا عندك صبر وميزانية أكبر فانتظر  أما لو ما تقدر فالموجودة تكفي وتوفي اللهم جماليات) :
http://www.assayyarat.com/forums/t284521.html


ملاحظة : أنا ما أعيب الالنترا وأقول انها سيئة ، بالعكس من أفضل السيارات في السوق .. لكن لو قارنا هنا فالمازدا أفضل ( خاصة في جانب الأمان ) 

والمازدا 6 لو بتشتريها ركب لها شاشة خاصة بها وكشافات إلخ وبإمكانك تدخل على عضويتي هنا وتشوف تجاربي عنها ..


أتمنى أكون أفدتك من شخص مجرب :)

وفقك الله لما هو خير لك ^_^