أضف سؤال أو موضوع جديد          

خاص جدا لاصحاب مازدا ٦ والاستاندر بالذات

up 7 down 9
تواوت 533
قبل 4 سنه و 2 شهر



السلام عليكم ورحمة الله وبركاته 

تعالوا يا اصحاب المازدا ٦ ٢٠١٤ و٢٠١٥ 

بعطيكم معلومة يمكن اغلبكم يجهلها 
والشي هذا اكتشفته في سيارتي بالصدفة 

دعسة البنزين تجي كهرب حلوين كذا 
الدعسة تراها دعستين 
يعني اذا دعست اخر الدعسة تبي توقف عطها زيادة دعسة تبي تسمع صوت طقه فيها هذي هي 
وجرب اول شي على السيارة وهي طافية وراح تسمع الصوت واضح 
اما اذا جربتها وهي شغلها انتبه لا يصير قدامك شي لان السيارة تبي ترد نمر وتطير 
وراح تلاحظون ان rbm راح يكون من التغيير على ٧ والنمرة اللي بعدها تبدا من ٥ 
وراح القير يرجع نمرتين او ثلاث وراح يختلف العزم معاك بشي خيالي 
طبعا انا جربتها وكنت توي متعدي مطب واستغربت من الفزة وصوت الكفرات 

ادري يمكن نصكم ما فهم السالفة بسبب اسلوب الشرح (( ما انفع مدرس ابدا ))

دمتوم بود 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


كيف العزم ؟؟ تمام والا سئ ناس تعيب في العزم بالرغم انها 2.0لتر لكن نظام اسكاي اكتف نظام قوي


up 3 down 1
mohammed8989 244
قبل 4 سنه و 2 شهر



انا عن نفسي اشوفه حلو بالنسبة للاربعة سلندر 
وراضي ومعجبني جدا 
لاني ما شريت سيارة اسابق فيها 


up 2 down 2
تواوت 533
قبل 4 سنه و 2 شهر



صح كلامك ونفس قناعتي فيها بس فيه نقطه مهمه مجربه عند الوالد كامري بكس فلما اسافر ونحط العفش 
واجيك طالع عقبه العزم مره سئ وبالقوه تطلع في الاول والثاني طبعا قير عادي هنا قلت ماتنفع الاربعه سلندر بالرغم مكينتها2.4


up 1 down 1
mohammed8989 244
قبل 4 سنه و 2 شهر



معلوم صديق معلوم اذا ضغط الدواسه للأخير في خلف الدواسه زر حق سرعة التجاوز اذاماكفاك العزم الزر هذا اذانضغط يرجع القير يمكن 3نمر بس راح يعدم الماكينه والقير لان الاربي ام راح يطير الى 7 ماتستخدمه الاعند الضروره فقط


up 1 down 0
قودزيلا -62
قبل 4 سنه و 2 شهر



تراها 4 سلندر و 155 حصان
وش انتبه لا تطير ههههههههههه
هذي اسمها الدعسة الفجائية موجوده بكثير من السيارات مثل المرسيدس القديمة والكاديلاك و لكزس 400 من زمان


up 4 down 4
أبـو عبدالعـزيز -133
قبل 4 سنه و 2 شهر



معلومه جديد شكرا على مجهودك وطرحها للاعضاء يستفيدون منها

وهذي انا جربتها في الشبح

لو اقدر اقيم عطيتك لايك لكن يقول تعديت الحد 


up 2 down 1
لابتوب 165
قبل 4 سنه و 2 شهر



ازيد على كلامك 
لا تسويها  على سرعات عاليه
انا سويتها على ١٦٠ وردت نمره والاربي ام وصل ٦


up 0 down 1
i6rb_ 163
قبل 4 سنه و 2 شهر



بس شي حلو من شركه مازدا حطو الحركه ذي 
بس سوقها قاعد يتحسن بالحجاز والشرقيه والرياض 
بس تجي الشمال تقول بشتري مازدا يضحك عليك يحسبون  جودتها ضعيفه



up 0 down 2
i6rb_ 163
قبل 4 سنه و 2 شهر



سواء على سرعه عاليه او منخفضة لو تدعس كامل الدعسة طبيعي بيوصل ار بي ام 6 
اجل وش فايدة النمرة لو ردت وانت داعس مالها دخل السرعه

حتى لو تمشي بسرعه 40 وتدعس لها بترجع للاول وتمد معك حتى يوصل ار بي ام قريب الخط الاحمر


up 0 down 1
أبـو عبدالعـزيز -133
قبل 4 سنه و 2 شهر



هذه الحركه تعدم القير 
انصحك ماتسويها الا اذا في الحالات الطارئه


up 2 down 0
majed112345 856
قبل 4 سنه و 2 شهر



يا اخوان بكم احصل قير مازدا في تشاليح الحاير؟ < قريبا


up 1 down 4
bandara 1133
قبل 4 سنه و 2 شهر



المازدا سياره من صنعت الى الان ..

اللي جربها راح يمدحها

واللي ما جربها راح يذمها

الاغلبيه كذا

وبخصوص الدعسه هذي تستخدم في التجاوزات مثلا بتتجاوز سياره او في الحالات الطارئه لكن بخصوص تعدم القير ممكن لكن بعد الاستخدام الجاير . ومو بس المازدا أي سياره لو تكتم لها وتدعس اكيد بتعدم القير وتعدم المكينه


واشكرك يالغالي ع المعلومه واذكر اخوي كمان قالي ع هالشغله صراحه ممتازه جدا

يعطيك العافيه يابطله ^_^


up 4 down 2
abo.fasol 17
قبل 4 سنه و 2 شهر



اعلمك شغله ترد نمره عادي 

المازد 6 2007 فيها هالشيء 

بس المشكله لا قدر الله يحصل شيء بالقير 

ممكن ترجع نمرتين من الخامس للثالث و الآر بي ام ينط ل6 و هذا يعني 6000 الإنضغاط في المكينه يعني خطر 


up 0 down 2
xxxthegiantxxx 366
قبل 4 سنه و 2 شهر



لو الحركة فيها خطر .. ماكان الشركة حطت الميزة هذي في السيارات.

فكونا من الافتاءات


up 0 down 0
mr.alaa1988 1
قبل 3 سنه و 2 شهر



لو الحركة فيها خطر .. ماكان الشركة حطت الميزة هذي في السيارات.

فكونا من الافتاءات


up 0 down 0
mr.alaa1988 1
قبل 3 سنه و 2 شهر