mazda CX9

مرحبا بك

والله أنا مثلك وأنا أخوك في خاطري هالجيب وودي اشتريه وأخذت معلومات كامله عنه

بصراحه الموتر ماشاء الله تبارك الله مايعيبه شي أبداً
وأجمل مافيه أن سعره منافس جداً الفل كامل بـ 125.000 ريال
والفئة الثانية بـ 100.000 ريال

مقارنة مع منافسيه هو الأرخص ولايقل عنهم اداء وقوة

اللي متردد فيه

مدري متى بينزل موديل 2016 ؟

لأن اتوقع فيه اختلاف وخصوصاً من الداخل

ياليت أحد يأكد لنا هالمعلومة

وبرضوه رمضان قريب ودنا نعرف هل فيه عروض أم لا ؟

وجزاكم الله خير

السعر ما أتوقع برمضان اقل بحكم انه نازل مخفض على الاخير ومافيه ارخص منه بالسوق حالياً 


الاستنادر دفع امامي ما ينفع للبر 

الفل دفع رباعي لكن بدون دبل يعني اذا هدفك سيارة بر ما راح يوفي الغرض 

اما استخدام عائلي ممتاز ويتحمل كرف

اشوف عيبه الوحيد انه قاسي مثل باقي الجيوب اليابانية يعني مهو زي راحة الأمريكي 

والله عندي اخو صاحبي طلعو من سنة ونص
فل الا جلد وكشافات ب٩٩ الف اقساط ويمدحها. وكذا واحد اسمعو يمدحها 
وكمان كان عندي خويي بالجامعة يداوم من جدة لمكة 
موديل ٢٠١١ في ٢٠١٣ اتذكر العداد ٩٣ الف ماشالله
ومايشتكي. عندي خويي معاه ٢٠١٤ ماشية ٦٥ تقريبا
والله يمدحها. صراحة انا مرا داخلة مزاجي
لكن حط قاعدة. جربها انت افضل 
سواقتك ورايك بالرساوة وقطع الغيار والصيانة والرساوة
والعزل تختلف عن رأيي وعن كل مستخدم 
لكن بالاجمال اشوفها عملية

عيبها الوحيد عدم توفر مكيف خلفي وهذا مشكله خصوصا الصف  الثالث

أنا من الملاك السابقين 

وانصحك به وبشده

جربت سيارات 

لكن مثل تحمله .. ومثل سواقته يارجل ما شفت .. كانك راكب سياره فخمه .. تحسه قطعه وحده .. تلعب فيه لعب

ومزيته تكرفه ما يطلب .. مشا معي الى 170 ألف ما طلب شيء ابدا .. بس غيرت له زيت قير كل 50 الف وفحمات و بواجي وبنزين

بطنه بالكامل وكاله ونظيف .. محركات جدا نظيفه ما فيها اي خلل ولا طلع لي اي خلل

طبعا اللي معي استاندر اللي سعره ب 99 ألف بالوكاله والان الاستاندر سار فيه 

فتحه سقف وشاشه نفقيشن مع كاميرا خلفيه وجنوط 18 ومثبت سرعه 

والمكيف بارد جدا .. هو فيه مكيف امامي ومكيف خلفي بالتكايه .. لكن من برودته اللي بالمقعد الثالث يوصل له ولا يحتر

وانت ضلل امريكي ب 250 ريال زيرو 2 .. اولا حفاظا على السياره و عشان تبرد السياره بسرعه

انصحك تاخذ الاستاندر .. وفيه ميزه انه ما يفصل مثل الفل كامل على 160 

وايضا يستحمل اكثر من الفل كامل وهالكلام من مجرب .. ماهو من سمعت وقالوا

وقد كتبت موضوع عنه وهذا الرابط 

http://mazda.montada.haraj.com.sa/43838

ملاحظه .. قطع غياره رخيصه .واسال الوكاله ... وما راح تحتاجها الا كل سنه مرتين بالكثير .. عشان فحمات او بواجي او زيت قير بإذن الله

موفق

الشكل بيتغير السنه الجايه اصبر لاتستعجل

الشكل راح يتغير في 2017 اما 2016 نفس شكل 2015 وهذا كلام موظفين الوكاله