هل صحيح أن شركة مازدا أوقفت البيع بنظام الـتأجير؟؟

ابعد عن مازدا مازدا فاسده من اسمها 

غير صحيح

أنا توني بفضل الله وبحمده مطلع من عندهم جيب
وشفت واحد ماخذ منهم تقسيط

والمازدا 6 عليها طلب بالهبل , تحجز الحين تجيك بعد شهر ونص كحد ادنى

التأخير  شهر ونص دليل فشل 

هذي الاكسنت والكورولا في كل مكان ولا صار عليها طلبات تتاخر الا وكيل زباله

ياخي يا كثر الي يفتي من راسه
قال فاسدة
تقليد كلام الشياب وتعصب بدون فهم ودراية

بندر 99 هذا دليل فشل الوكيل وانه مايجيب الا على الطلب عشان ماتطيح في تسبده اسمح لي

احترم انك تمتلك مازدا لكن سؤال شهر ونص ، شهرين وش تسوي كل هالوقت السيارة


هذا دليل انها مابعد وصلت ولا طلبت ، لأن لو انها في الميناء ولا بتجي من منطقة ثانية اذا كان مافيه اللون اللي انت تبيه كأقصى حد 5 ايام اسبوع انت مستلم


اما شهرين نلعب على بعض

وبعدين على كثر ما تمدحونها في هالمنتدى منيب اشوفها في الشوارع

وش فيكم معصبين يا شباب ههههههه

أنا من ضمن ملاك المازدا ومايمنع أقول ان الوكيل ظالمها ظلم شديد
ولو وكيلها المجدوعي أو العيسى أو تويوتا

والله أن يشترونها الناس لو ب 120000 ريال

لكن العتب على الوكيل اللي ماقدر يوفر حاجات الناس بأقرب وقت ممكن

لاحظت في الردود بعض الخلط بين الشركه والوكيل 

الي يبيع عليك السياره هو الوكيل الحاج حسين علي رضا وليست شركة مازدا بشكل مباشر 

ايضاً أخ بندر 99 وكيل تويوتا هو عبداللطيف جميل مثله مثل المجدوعي والعيسى 

-------------
بخصوص التأخر في إحضار السياره الشركه لم تتوقع هذا الطلب على السياره بالنسبه للكميات الي كانت ناويه تستوردها

نفس موضوعها يوم جات الجيلي كنت تنتظر من شهرين إلى 3 شهور لكن الآن صارت موجوده على طول 

وكلها نفس الوكيل الحاج حسين علي رضا 

السيارة جداً ممتازه بس عيبها بعد شهرين توصل وراغب راح ينتظر شهرين 

ياجماعه الموضوع بعيد عن كل الاراء اللي طرحتوها 
الزحمه كلها بموديلات 2016 
ومافي شركة نزلت هالموديل الا مازدا وكم شركة ثانيه فقط 
تويوتا بينزل الموديل في برمضان 
مازدا فيها سيارات 3 وجيوب وكل شي بس كلها موديلات 2015
الزحام بسبب موديلات 2016 اعتبرها طبيعيه الشركة مو موفره العدد الكافي لكل الدول 
او بمعنى اصح اعتبر الوكيل جابلك موديل قبل كل الشركات ومن الطبيعي يصير زحمه وطلب والكميات مو متوفرة بكثرة

سبحان الله يا ابديت للتسويق والتطوير


يوم حكينا في شركة مازدا قلت بعض الشباب عندهم خلط بين الوكيل والشركة


ولما كانوا يجيبون طاري الكوري تقول هونداي تسوي وتفعل ، ماقلتا الوعلان والمجدوعي


انا ماني ضد مازدا بالعكس لما نزلت بمكينة 2500cc الآن كبرت في عيني لأنها صارت مثل مثيلاتها في السوق

لكن هذا مايعطيني الحق اني امدح وبس اوكي قل السيارة ممتازة بس الوكيل سيء

مافيه كلمة ماتوقعوا كل هالطلب يعني كم جاب من سيارة او كم وفر ؟؟؟ 100 اذا حنا مانشوفها موقفة في معرض ولا نشوفها تمشي في الشوارع كثير اجل من يبيعها عليه


خلونا نتكلم بجدية شوي انتوا تعتقدون ان لما احد يخالفكم الراي انه يكره الشركة الفلانية ومتعصب لاياحبيبي حنا نقول الحق


كل وكيل فيه حقه

ومازدا لو تطلع من يد ذا ويجيها وكيل يعزها ارتفعت قيمتها لكن الناس نستها الحين حياتهم تويوتا وهونداي وامريكا بعض السيارات حتى نيسان باعتبار انها طلعت من المنافسة في السعودية اتكلم

اتمنى وضحت الفكرة

العيال يعطوني دس لايك 
يحسبوني الوكيل هههههههههههههه

عصبو حقين المازدا مايبون احد ينتقد لا اي سبب هههههههههههههههه

اللي يقول انتظهار شهرين عشان الوكيل تفاجئ بالطلب عليها !!!
لو كلامك صحيح جبلنا اثبات من نفس الوكيل 
وحتى لو كان هذا سبب التاخير

فاعتقد ان الوكيل بيوفر الدفعه الثانيه بطلب اكبر خصوصا انه المكينه كبرت وفيها مثبت سرعه
فاكيد بيطلب كميه كبيره لان عليها طلب من المره الاولى

لكن هذا اكبر دليل ان الوكيل فاشل فعلا
وانا اعتقد انه مخليها بالطلب عشان يضمن انه يبيع كل الكميات

لانه لو جاب كميه كبيره اكيد بيزيد لو وحده ويجلس يعرض فيها لين ماتباع
لكن قال خلني اجيب عالطلب عشان اضمن ان كل الكميه تباع 

اما اني انتظر سياره شهرين  !!! 

اخ a.ibrahem  

اتوقع انه عندك خلط في ردي على الموضوع انت ايضاً 

انا تكلمت عن التسميات التوضيحيه فقط يعني واحد يقول لو مسكتها تويوتا !! كيف تويوتا تمسكها الأصح إنه يقول 
لو مسكها عبداللطيف جميل 

أما عن موضوع شركة مازدا فهي ايضاً مقصره لأنها ما نزلت وشافت السوق السعودي بنفسها وكمية الطلب لأنها تقدر
تضغط ع الوكيل ويجيب كميات كبيره لكن وكيلها انسان جداً متحفظ ودايماً يخاف السيارات عنده تزيد فما يجيب دفعات
كبيره بعكس عبداللطيف جميل الي يغرق السوق وجريء بشكل كبير 

اخ شويخ هذا كلام احد كبار الموظفين في الحاج حسين علي رضا انا قابلته شخصياً وقال انه الشركه تخاف من الزياده
في العدد فهم دايماً يختبرون السوق قبل كل شي جيلي يوم وفروها بكميات كبيره زادت كم حبه من عام 2014 سوو
عليها عروض واصحاب الشركه لا يرغبون في هذا الآمر لأنها تربكهم قليلاً 

الحاج حسين يبغى يتوسع لكن انسان مخاطرته صفر دايماً يحب يكوم محتاط انه ما يكون فيه شي زايد

لدرجة انه فروع الصيانه حقته لا وسعها ولا طورها حتى الآن واصبحت مزدحمه بشكل مزعج انا كنت ماشي عندهم
في الصيانه ومبسوط معاهم لكن قبل شهرين الوكاله صارت مزدحمه بشكل لا يحتمل فسحبت عليهم وصرت اغير 
زيت في الورش الي برا 

والمدير في الشركه قال لي انه عارفين سبب الزحمه ونخطط نفتح مراكز صيانه اضافيه لكن الشركه جداً حذره 
يعني ما تبغى المركز يكون فاضي وتبغى تشتغل على طول 

شويخ مافيه اي طلب نهائيا 

السيارة نازله من 2014 بنفس السعر 

وعندك السوناتا من 2015 دفعة ثانيه ومنتشرة اكثر منها

الوكيل يبغى يكسب سمعة من العرض 

وماهو خسران شي،، السيارة تجي بالطلب مافيه مستودعات وقروشه

يعني ماتكلف ابدا.. لو يشتغل زي هونداي وغيره اتحداه يبيعها باقل من 75 الف

قالك من كثرة الطلب..  مافيه الا كم سيارة ينعدون بالاصابع

مكتب استيراد ذا مب وكيل 

انا ما ادافع عن مازدا بس انا اقولها لكم والله لو يمسكها وكيل غير الحاج ما تشيلها بنفس سعرها هذا 
كفايه ان السعر واحد من بدايه 2014 الى 2016
كلها سعر واحد ما تغير شي بالعكس المواصفات زادت بالسيارة وسعرها ثابت 
لو يمسكها وكيل غيره الاستاندر راح يصير اغلى من الكامري سوح تقول ليه الرد جاهز = السيارة يابانيه 
خلونا مستفيدين كعملاء وناس بسيطه بالسعر حتى لو زحمه وانتظار اقلها موتر مواصفاته = قيمته
مع احترامي لتويوتا شوفوا الكرولا واليارس كم وصلت!!!!!
اتمنى ان تكون وجهة نظري وصلتكم 
الهدف هو العميل او المواطن بالاخير مانبي وكيل يمغطنا كل سنه موديل اعلى من اللي قبله اقل شي 10 الاف ريال

اوفق راي العريني فكلامه 

لانه ممكن حركة اغراء من الوكيل عشان يحسس الناس بالطلب على المازدا

ويا ابديت للتسويق هذا كلام الموظف لك (( قال انه الشركه تخاف من الزياده
في العدد ))

نفس كلامي اللي ذكرته لك سابقا
الشركه ماتبغى تجيب كميه كبيره وماتقدر تصرفها
فقالت خلني اجيب حسب الطلب وخلاص

ليه يجيبون كميه كبيره وممكن تتكدس عندهم مديلات 2015 ويدخلون في 2016 ويضطرون يخفضون على مديلات 2015

مثل باقي الشركات مثلا فورد مسويه عروض على اكسبدشن 2014 ونزل سعره كثير
فمازدا ماتبي تسوي مثل باقي الشركات تجيب كميات وتنتظهرا تخلص

وهذا دليل ان الوكيل خايف من عدم تصريف الكميات بدون مايسوي عليها عروض

فالبيع حسب الطلب
يحفظ قيمة السياره 
ويضمن انه مايدخل في السنه الجديده وتبقى عنده كميات لم تباع فيضطر ينقص من سعرها يمشيها

ولو انه واثق انها راح تمشي كل الكميات كان جاب وباع ولا خلى الزبائين تنلطع شهرين
وحسب علمي
انه محد ينتظر شهرين الا اذا كان طالب مواصفات خاصه
مثل الفولفو وبعض السيارات الاوروبيه
تطلب المواصفات اللي انت تبيها وتنتظرها تجيك

وش بلاكم شبيتو في الوكيل ،، البلا من المصنع ما يوفر كميات كبيرة .

مريت وكاله مازدا فرع الكعكيه في مكه ماحصلت عندهم مازدا 6 ويقول الحجز موقف الين يستلمون الي حاجزين والنظام التاجير موقف على المازدا 6 فقط اما الفئات الاخرى موجود نظام تاجير

مصنع مازدا اللي فاليابان صغير جدا مايقدر يوفر كمية كبيرة اصلا لجميع دول العالم !!