أضف سؤال أو موضوع جديد          

تغيير زيت القير

up 7 down 2
moathyaseen 1384
قبل 3 سنه و 6 شهر



السلام عليكم ورحمة الله وبركاته
تغيير زيت القير
طبعا السيارة مازدا 3 2007
اول شي رحت الوكالة وقلتلهم ابي اعرف نوع زيت القير
قلي الزيت موتركرافت ميكرون وسعره ب 28 ريال والسيارة عند تغيير الزيت مع الفلتر يبيلك 4 علب
طيب والفلتر قالولي على ما اذكر ب150 ريال
المهم واروح الصناعية وادور فيها اسأل عن الزيت الي قالولي عليه الشركة
وطلع فعلا موجود وطابقته بنفس صورة الزيت حقة الوكالة وطلع نفسه
طيب وكم السعر قالولي 19 ريال العلبة ، واشتري 4علب
ورحت عند حقين قطع غيار المازدا وقلتله عن فلتر القير
وقلي موجود وسعره ب 110 ريال وكالة
وكنت مصور صورة السيريال حق فلتر الوكالة وطابقتهم مع بعض وطلع فعلا وكالة
بعدها رحت عالصناعية وفريت عند اكثر من واحد
وارخص واحد حصلته يركبها ب 100 ريال
وانا اشتري علب الزيت حق المكينة جملة واشتري الفلتر من الوكالة
وقلت للي بركبلي فلتر زيت القير موافق على 100 ريال بس بشرط تغيرلي زيت المكينة ووافق
وانا اغير زيت المكينة من عند حقين الزيت ب20 ريال
المهم سالفة تركيب فلتر زيت المكينة طلع علي ب 80 ريال
طيب لو نحسب الشغل كامل طلع علي ب (19*4)+(110)+(80)=266 ريال
لو اني مشتري الاغراض من الوكالة (28*4)+(150)+(80) = 342 ريال
يعني فرقت معي مبلغ 76 ريال – وعلى فكرة معظم الناس قالولي ناخذ على تركيبه 150 ريال
يعني لو مركبه ب 150 ريال كان المبلغ صار 342+(150-80) =412 ريال
يعني مبلغ التوفير 146 ريال
يعني الواحد يتعب شوي ، انا اولى من اللهندي والوكالة بالمبلغ الي رح اوفره
طبعا وقت التركيب الي استغربت من شي
بعد ما فتح سرة الزيت طبعا طلع 4 لتر
قلي فيه جوة القير حاليا 4لتر
بس ما يطلع ابدا الا اذا فكينا القير بالكامل
قلتله طيب ما فيه طريقة ثانية
قلي بعض السيارات فيه مسمار عند القير ينزل كامل الزيت
والطريقة الوحيدة انك تشتري علب كثيرة وتغيرهم بين كل فترة وفترة
المهم سحبت عالموضوع لا بشتري زيت ولا بغير
كل 40 ألف بغير الزيت وبعد 40 الف ثانية بغير فلتر مع زيت
ان شاء الله تكونو استفدتم من الموضوع
وطبعا صورت الزيت والفلتر والفرق بين حق الوكالة والي شريته من المحل


طبعا اخر صورة هي صورة لفلتر حق الوكالة
والي انا شريته















إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


عشان ما احد يقلي الفلتر امريكي
فلتر الوكالة وحتى بعض القطع من وكالة مازدا تيجي امريكية
لانه عندهم مصنع بامريكا والصين هذا كلام الوكالة


up 1 down 0
moathyaseen 1384
قبل 3 سنه و 6 شهر



ماشاء الله تبارك الله 
موضوع مفيد من زمان عن ذا المواضيع 



up 1 down 0
تواوت 531
قبل 3 سنه و 6 شهر



مب شرط القطع يابانيه
ممكن تلقى شركات امريكيه تصنع لك قطع بنفس جودة الياباني

بخصوص الزيت كثيرين يستخدمونه على سيارات ثانيه 
خصوصا اصحاب صيانة فورد تلقى عندهم هالزيت ويركبونه على كل المديلات ولو انه حق مديلات قديم

ارجع للكتلوج وشوف وش نوع الزيت
اما كلام الوكاله ان هالزيت مخصص لمازدا فهو غير صحيح 
لكن مايمنع انك تستخدمه اذا اثبت كفائته فاي سياره ثاني

على فكره ترى العلبه اقل لتر 
فلو السياره تحتاج مثلا 4 لتر لازم تحط 4 علب وربع او اقل من الربع شوي


up 2 down 3
شويخ من أرض مكناس 2814
قبل 3 سنه و 6 شهر



فورد كانت تمتلك نسبه من شركه مازدا وعام 2008 شركة مازدا اشترت الحصه من فورد واصبحت يبانيه وعادت لجذورها

بعد ان كانت تصنع بعض سياراتها في امريكا وتباع للشعب الامريكي , 


up 2 down 1
منخشق 663
قبل 3 سنه و 6 شهر



الله عليك يامنخشق كلامك سليم ١٠٠٪ .. 




up 0 down 2
fx2y -202
قبل 3 سنه و 6 شهر



صحيح لكني استغرب انها ما زالت تستخدم قطع امريكي
واتوقع انه فيه سيارة امريكية فورد قطعها مثل قطع المازدا
وحتى سمعت ان العكوس تركب على السيارتين
واذكر ان اسمها فورد فوكس


up 0 down 0
moathyaseen 1384
قبل 3 سنه و 6 شهر



بارك الله فيك بس لو تدلنا عالمكان اللي اشتغلت فيه و هل تنصحني فيه ؟


up 1 down 0
alsaleh88 8
قبل 3 سنه و 2 شهر



ابشر 
بس ايش نوع سيارتك 
والمحل بالرياض مخرج 9


up 0 down 0
moathyaseen 1384
قبل 3 سنه و 2 شهر



مازدا 6 السيارة ,, ايش اسم المحل


up 1 down 0
alsaleh88 8
قبل 3 سنه و 2 شهر



هو محل في محطة محروقات
اذا تبي تعرف موقع المحل كلمني خاص


up 0 down 0
moathyaseen 1384
قبل 3 سنه و 2 شهر