أضف سؤال أو موضوع جديد          

اعادة موضوعي السابق بخصوص تجربتي مع المازدا

up 28 down 29
جون سيلفر -187
قبل 6 سنه و 7 شهر



السلام عليكم ورحمة الله وبركاته

صباح الخير على الجميع
وكل عام وانتو بخير واعانكم الله على صيام وقيام رمضان
الموضوع هذا سبق ونزلته وبعد مده قصيره حذفته وبعض الاخوان على الخاص طلبو مني انزل الموضوع وهذالموضوع مره اخرى بصيغه وصور جديده عشان تعم الفائده ان شاءالله

موضوعي تجربتي مع المازدا 6 2014 لمدة سنه و8شهور ماشيه للان مشاءالله لاقوة الابالله 80الف كيلو طلعت عيونها
هههههه

راح اتكلم عن مميزات واجابيات السياره واتكلم عن بعض النقاط واقيمها من 10 مثل مافعلت في موضوعي السابق عن الكلايزلر
بسم الله نبداء
كلكم عارفين مواصفات الاستندر تقريبا (بصمه - 6ايرباجات جنووط 17 )

راح اتكلم بالاول عن قوة السياره
وراح اعطيها 7.5 / 10
السياره محركها اربعه سليندر 2000cc يولد قوه 158حصان مع ناقل حركه 6سرعات
عزم السياره ليس سيئ لهذالحد قوتها معقوله وقد تكون غير مرضيه للبعض مع انو حبيت لورفعو قوة الاحصنه شوي كان افضل ولكن تبقى مرضيه لحد ما . قد لاتناسب شخص كان معاه قبلها سياره 6سليندر او8سليندر
الي متعود على 4سليندر راح تكون كافيه بالنسبه له
مميزات هذالمحرك اقتصادي جدا في الوقود مشاءالله الفل 33ريال احمر يمشيك 600كيلو داخل البلد بالراحه
ولكن ملاحظه عليه صوته مرتفع مثل سيارات الديزل ! هذي ملاحظه بسيطه انوه عليها رغم انه لاتعتبر عيب
الراحه 8/10
السياره جنووطه 17 ومريحه بشكل معقول واشوفها اكثر ليونه من الكلايزلر الي معي لان جنووطه كبيره ومقاس الكفر منخفض
اماالمازدا جنط 17 ارتفاع 55 يعطيك راحه وليونه بالخط
الامان 8.5/ 10
السياره مشاءالله ثابته في الطريق وشخصيا اول سياره يابانيه اسوقها تعجبني فيها رساوتها بشكل مقنع في الملفات
وفي الفرمله المفاجئه ممتازه القير يسوي معاك داون شفت حتى تفرمل السياره بسرعه حتى انه لدرجة فراملها تعجبني اكثر من الكلايزلر بشكل عام انامااثق في فرامل الامريكي كثير يعني لك عليه شوي
العزل والهدواء هذي مشكله صراحه وانااشوفها نسبيا تختلف من شخص الى شخص
وراح اعطيها 7/ 10
يعني شخص معاه مثلا بي ام ولامرسيدس بشوف عزلها سيئ وشخص قبلها كان معاه جيب شراع ههههههههههه اكيد بيشوف انوعزلها رهيب بالنسبه له
العزل مثله مثل السيارات الاخرى لايوجد هذاك الفرق مع الافضليه للعزل الارضي عن الكوري بكثير صراحه عندنا النترا صوت الكفرات تحسه عندك عزل المازدا الارضي جيد جدا وانعم من بعض سيارات وبالطريق في صوت هواء
لكن محبب ومعقول غير مزعج
التكييف مشاءالله حدث ولاحرج اسكريم الظهر
اماالسلبيات الي اشوفها
لايوجد حساسات بالخلف
لايوجد زرار من الداخل لفتح الشنطه يعني تفتحها بالريموت اومن الخلف
لايوجد بصمه من الخارج فقط تشغيل المحرك بالزرار
المحرك المفروض يكون 2400سي سي بدل 2000سي سي
الايجابيات بشكل سريع
راسيه مريحه سياره متماسكه للحين ماشاءالله ماشي80الف لايوجد اصوات في الديكور رغم انوشوارعنا مكسره ولااصوات بالاسفل السياره تشعر انو جودتها مرتفعه وفي مقارنات بينها وبين المنافسين في مواقع اجنبيه المازدا حصلت نفس النقاط هي والهوندا مع فارق بسيط للهوندا في تفوقها في التشطيبات الداخليه وباقي المنافسين سوناتا كامري فيوجن...الخ اخذت المراتب الي من بعدها
وسائل امان لاتوجد الافي الفئات الفل كامل 6ايرباجات وabsوجميع انظمة المانع للانغلاق والانزلاق موجوده كامله
اقتصاديه في الوقود
هذي المميزات والسلبيات في وجهت نظري مع مدة استخدام طويله وان شاءالله كافيه لاستخراج جميع العيوب
حقيقه الحمدلله لم تواجهني مشاكل فنيه الحمدلله رب العالمين كل شي على مايرام الى الان
وفي الاخير اشهد رب العالمين اني ان شاءالله اني مازودة في حق السياره بشي ولانقصة منها شي هذا كل راي وبكل حياديه والرائي الاخير هو للمقبل على الشراء
وبالختام نختم كلامنا بالحمدلله رب العالمين واصلي واسلم على اشرف الانبياء والمرسلين
نراكم في موضوع اخر ان شاءالله ولاتنسونا من الدعم بالاليكات عشان اجبلكم سياره اخرى ان شاءالله راح تكون كامري 2016 انتظرونا








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


موضوع مميز ياغالي وياليت كتبت لنا نبذه عن قطع الغيار واسعارها

معقوله مافيها زر داخلي للشنطه سلامات الاكسنت فيها ههه


up 4 down 6
منخشق 674
قبل 6 سنه و 7 شهر



م شاء الله حلوة المازدا يعطيك خيرها ويكفيك شرها بس عيبها من وجهة نظري وعدلوه ب16 حجم الماكينة .والتكييف الخلفي 
الغبنة الي طلع 15 وبعد شهر نزلت 16 مع التطويرات هههههه


up 1 down 1
صهيب أحمد 31
قبل 6 سنه و 7 شهر



يعطيك العافيه بطرحك الجميل

تعجبني الحياديه وتجاربك بين صناع السيارات العالميه،،،

ننتظر جديدك اخوي،،


up 1 down 2
panamira 1906
قبل 6 سنه و 7 شهر



ماشاء الله لا قوة الا بالله

بالفعل انا مثلك شريت جيب مازدا مع ان الكثير نصحني بالابتعاد عنه

لكن كانت تجربتي معه من افضل التجارب , سياره جباره لكن مظلومه , لكن الحمد لله خلاص الحين راجت

عيوب الجيب اللي معي كانت مفصلات الباب ترتخي بعد مامشيت عليها 120 الف كيلو , سار لا فتحت الباب يرجع عليك 

البودي خفيف نوعا ما بالذات بالجوانب , تقدر تعفط الباب برجلك , لا يوجد صاجه قويه بالداخل على شكل اكس مع الاسف

لكن راسيه جدا و في البر ممتازه جدا وخفيفه , ريشه , دركسونها ثقيل وحلو في الرساوه , ماطلب مني الا فحمات وبواجي وزيت قير في مده 4 سنين 

تقرير ممتاز وتستاهل احلى تقيم 


up 5 down 2
ابو يزيد 000 8712
قبل 6 سنه و 7 شهر



يعطيك العافية
الله يطعمك من خيرها
                   ويكفيك شرها


up 3 down 2
t o m a h a w k 761
قبل 6 سنه و 7 شهر



تقرير مميز والله يعطيك خيرها ويكفيك شرها
وخذلك لايك مميز 


up 1 down 1
ابوخلوودي1 5070
قبل 6 سنه و 7 شهر



سيارة ممتازة يا طيب 
الله يعطيك خيرها و يحميك من شرها


up 1 down 1
ayham73 659
قبل 6 سنه و 7 شهر



هلا والله يبو سلفر
تقرير رائع تشكر عليه
وراك وراك باللايكات هههههه


up 3 down 3
أأبو نوااف 1641
قبل 6 سنه و 7 شهر



ولاتنسى تعطينا تقرير مفصل عن الكلايزر بعد التجربة
شفت تقريرك الاول عن الكلايزر وبصراحة كان رائع
لكن لامانع من تقرير ثاني بعد التجربة المطولة


up 1 down 2
أأبو نوااف 1641
قبل 6 سنه و 7 شهر



شرح وتوضيح ممتاز


up 0 down 0
hazemnabil 69
قبل 6 سنه و 7 شهر



غريبه مازدا 2016 جيت الوكاله اللي بالرياض ابيها اسال عن سعر مواصفاتهاقال ما تجي الا بعد 3 شهور وعقبها هونت ما ابي اشتريها


up 0 down 0
سلطان 2009 315
قبل 6 سنه و 7 شهر



يا شيخ ياليتك مجرب كل السيارات عشان نشتري واحنا مرتاحين 
والله شرحك 100% 
والكلايسلر نزل عنها مرة ثانية اذا مشيت فيها واجد .. 


up 1 down 0
كلاسيكي1 -46
قبل 6 سنه و 7 شهر



ابشر من عيوني حبيبي خلني امخمخ على السياره واسافر عليها كم سفره واطلع للك عين امها واكتب تقرير مفصل عنها ان شاءالله

وكرا على المرور وتم تقييمكم جميعا +1


up 2 down 1
جون سيلفر -187
قبل 6 سنه و 7 شهر