محتار بين مازدا cx9 أو توروس

بالله عليك كيف تقارن جيب بسيارة سيدان ؟؟؟؟ كانك تقول اشتري سيكل ولا دباب 

كل موتر وله استخدامه واحتياجاته 

عن نفسي اباخذ المازدا وفيه العضو ابو يزيد كان معاه جيب مازدا ويمدح فيه كاستخدام 

عليك بالجيب و ان كان صيني و كروس اوفر و بدون دبل
يا زين الرفع عن الارض ما تشيل هم حك المطبات
كيف عاد الCX9 و هو مجرب و معروف من 2007
بس انه ما يجي فتحات تكييف فقط قدام
على كلام المجربين ان تكييفه قوي يوصل للصف الثاني
اما اللي بيركب بالصف الثالث مدري كيف يوصله التبريد !

المازدا مايعتبر جيب ابد هذا تقدر تعتبره سيدان مرفوع شوي

اشتره وانت مطمئن ويازين ان خذيت استاندر اللي ب 100 الف لانه كرف معي بدون مايطلب لمدة 4 سنين ووصل الحين 193 الف مع ولد عمتي ولو تركبه تقول وكاله ماتغير فيه الا فحمات وبواجي لا اله الا الله عليه موديله 2010

والمكيف قدام 4 فتحات وبالوسط فتحتين وقوي وثلججج الثلججج 

نصحتك بالاستاندر لانه اخف والين وانعم من الفل كامل ويستحمل اكثر لان جنطه صغير

نصيحة خذ cx9حق دلع وكرف وكله ,, كان معي خالي واحد 2009 وباعه في 2013 واشترى يوكن , بس الحين باع اليوكن وبيرجع ياخذ cx9 موديل 2015 لانه بصراحة شيء حلوو واستخدامه مريح ومافيه عيوب تذكر

انصحك cx9 يكفيك انه يابااني 

يعطيكم العافية شباب .. وقطع الغيار هل متوفر والا يحدونا على الوكالة

اغلبها بالوكاله لكن سعرها جدا معقول , رح الوكاله انت فاضي واسال على كيفك , طقم فحمات امامي وخلفي ب 550 ريال والبعض يقول الان رخص سار 515 , تمشيك سنه الى سنتين , اصلي اصلي , غير القطعه وانساها واصلا ما راح تحتاجها ان شاء الله لانها ما راح تطلب منك ابدا شيء غير فحمات وبواجي 

موفق

كنت بكتب موضوع عن المازدا سي اكس 9 بس جزاكم الله خير خلاص نويت اخذ لي واحد