استفسار عن زيت و عزل الهواء مازدا6 2015

بالنسبة لتغيير الزيت
خذلك فلتر من الوكالة سعره 25 ريال
وغير الزيت لموبيل 1 0w40

او زيت هيلكس شل 5w30
هذي افضل الزيوت
اما بالنسبة لعزل الهواء ، السيارة جديدة وما لحقت الجلود تنشف
يمكن انت متعود عسيارات ثانية عزلها ممتاز
ولا انصحك تسوي شي فيها

9000 !!! واخر شي الحقوني شوفو الوكالة النصابين ماصلحو لي الموتر زيت الوكالة كله برادة حديد من التصنيع ماينفع ابد تمشي عليه ذي المسافة الله يهديك 

بالنسبة للعزل موب معدومة الجلد ولا شي هي عزلها مو مرة ولكن افضل من غيره بالنهاية ماهي الماني 

يا بنز انا عندي بيجو 2015 ماشيه الى الان 8600 ورحت الوكاله حقت الحاج حسين على رضا 
قالوا لي تغير الزيت على 10 الالف اول صيانه لها كيف تقول ليش تمشي عليها كل هل المسافه 
هم بلفونا بهذا الامر 

السلام عليكم اخوي كيف استعمال السياره؟لأني ناوي  اطلع وحده بأذن الله

اتحداك اذا وكالة تقول غير اول تغيرره على 10000 بس عشانك جبت العيد ولا غيرت بخلونك تنتظم على 10000 عشان الكسور تجبر 

يا بنز 
هذا نظام الحاج خذ العلم مني 
الحاج في السعودية ما عدى الشرقية 
اول صيانة كل عشر الاف 
الشرقية بس الف كم ويغيرون الزيت بس 


يا صاحب الموضوع 
الزيت بترومين a1 او كاسترول مجناتيك ٥-٣٠ 
والفلتر عند الحاج ٢١ ريال 
وبالنسبة للعزل فيه صوت هواء وهذا تودي السيارة لهم ويصلحونه على الضمان ولا راح تدفع ولا ريال 
وفيه عندك بعد التكاية تبغى تربيط 
وعندك بعد صوت في كراسي المساعدات قلهم عليها خلهم يربطونها 
وعندك بعد الكمبروسر بعض السيارات فيها خوشنه بالصوت بس ويغيرون الكمبروسر على الضمان 


وفيه قروب مازدا ٦ 
اذا حاب تدخل فيه ارسلي رقمك بالخاص 

برا الفلسفة الشخصية 

افتح الكتالوج و شف االلزوجة المناسبة له و خذ بترومين او شل هيليكس او موبيل 1 
و غير السيفون باصلي من الوكيل 

اللزوجة في الغالب للسيارات ما تكون اثقل من 5/30 

بالنسبة للزيت مثل ماقال الأخ خالد 
أما العزل أعتقد الأمر طبيعي قرأت عن شكاوي مماثلة في النت
بالنسبة للأخ بنز أغلب الوكالات مايغيرون زيت على ألف كيلو ولا عاد فيه شي اسمه صيانة ألف كيلو 

موب ١٠٠٠ ياحبيبي ٥٠٠٠ ال ١٠٠٠ مايكون غيار زيت اساسا تشييك عادي مجاني فقط

وعليكم السلام ورحمة الله وبركاته

بالنسبة لفتر الهواء لاتغيره قبل 50 الف اواكثر وبالتوفيق

ياشباب من وين تجيبون اسعار الفلاتر انا ماخذة بـ17 ريال من محل قطع غيار تبع الوكيل الحاج علي. اما العزل ياراعي الموضوع لاتلعب بالسيارة توها جديدة.

الجميح صيانة 1000 موجودة
التوكيلات صيانة 1000 موجودة
هوندا صيانة 1000 موجودة
تويوتا صيانة 1000 موجودة
جيلي صيانة 1000 موجودة
فورد صيانة 1000 موجودة
العيسى صيانة 1000 موجودة


هذي انا واثق منها وسألت بنفسي

المكينة تصمم بمكينة CNC ما فيها براده ولا شيء و افضل زيوت السيارات اللي تجي من المصنع سواء فرامل مكينة قير دبل دفرنس ... 

و صيانة الالف ما اشوف لها داعي 

انا اشتريت مكسيما 2011 من يومها مادخلت الوكاله   ماشاء الله ماتوقعت نيسان كذا طلع كلام الناس كله خرطي