زيت قير مازدا 6

بنقالي يلعب عليك

وش دخل تويوتا بزيت المازدا

زيت المازدا الكتروني كهرباء وزيت التويوتا مختلف تماما

ما حصلت الزيت كان رحت الوكالة ولا تضحي بقيمة قير بمبلغ كبير

وش يضرك تاكسي 20 ريال رايح ومثلها جاي من الوكالة وتجيب الزيت

الحق غير الزيت بالوكاله و خذ منهم الاصلي لو تدفع اكثر
القير في خطر انتبه لا يروح عليك

وش حدي يا اخوان عندي مقابلة في الخرج رحت الرياض لقيت المحلات مقفله يوم خميس وبعده جمعه مقفلين

والله ما يضرك ترجع الخرج من مواقف البطحاء اعتقد 15 ريال تروح

او تاكسي يوديك مباشرة 100 ريال ترجع لبيتكم و يوم السبت ترجع للسيارة

المقابل تضمن القير لانه سعره ما يقل عن 10 الاف تشليح 

تخسر 100 ريال ولا تضحي بقير بقيمة 10 الاف وتشليح بعد

الزيت لازم يكون مناسب لنوه القير مثلا لا تشتري زيت مازدا لكن ما تعرف هو مخصص ل6 او 3 او cx9 اشتر زيت مازدا 6 المكتوب في الكتالوج 


اذا افترضنا ان زيت مازدا 6 اسمه IV دور نفس الاسم في مازدا ما حصلته دور اي زيت من شركة ممتازة بنفس الاسم هذا مو شرط يكون مصنع مازدا .


مثلا زيت قير الاكسنت فيه من هيونداي و دايموند و ميتسوبيشي و شل . 

الحق نفسك و لازم تسوي غسيل للقير . 
و الطريقة : تفرغ الزيت و تعبي من جديد ثم تمشي ربع ساعة ثم تفرغ و تعبي جديد لما يكتمل التغيير 

كيف تعرف انه اكتمل ؟
اذا كانت الكمية الاجمااية 12 لتر و فك الكرتير في الغالب النص يعني 6 لتر فا انت راح تغير الزيت في المرة الاولی غيرت النص و باقي نص من تويوتا ثم المرة الثانية و كذا صار الاغلب زيت مازدا ثم المرة الثالثة و كذا صار الزيت كامل مناسب للقير في كل مرة لازم تمشي ربع ساعه عشان يختلف كامل بالتمام 

اخ ابراهيم التركي حتى زيت قير تويوتا الجديد الكتروني العلبة الفضية 
لكن على العموم ياصاحب الاعلان روح للوكالة وقولهم ابغا زيت قير لسيارتي وعطهم نوعها و الموديل