أضف سؤال أو موضوع جديد          

تجربتي للمازدا 3 صور مواصفات اسعار ايجابيات سلبيات

up 23 down 5
خيال الامس 2007
قبل 3 سنه و شهر



بسم الله الرحمن الرحيم
السلام عليكم ورحمة الله تعالى و بركاته

والله اشتقت لكم لكن اعتذر لكم عن هالغياب

ابشركم الحمد لله كسرنا روتين العائله الحبيبه
تويوتا نيسان جمس جمس تويوتا نيسان 
نيسان تويوتا جمس الى متى خلاااااص ههههههههههه

دخلت بيتنا المحبوبه اللي حبيت ابداع تصميمها 
و ادائها و مميزاتها و قوتها

الا و هي مازدا 2016
بالضبط صغرنا المقاس و جبنا مازدا فئه 3

طبعا الفئه استاندر لكن مميزاتها حلوه
بذكرها لكم:
1/ مكينه 1.6 .. 4 سلندر
2/قير تيبترونيك
3/ زر تشغيل و ليس مفتاح
4/ مخمل اسود
5/ جنط حديد 16 وليس كروم
6/دركسون كهربائي وليس هواء عادي
7/حمولة 5 اشخاص
و ما الى ذلك

مبدئيا نتكلم عن الايجابيات
اولا/ سعرها في الوكيل 47الف ريال
و السعر هذا ممتاز مقارنه ب سعر الكوريلا
السيء 61الف ريال استاندر طبعا بس الميزه 
الوحيده انه قير تيبترونيك
طبعا 47 الف ريال غير شامل رسوم اللوحه او التامين
الفل كامل زياده 10000 ريال 

ثانيا/ راسيه بشكل جيد جدا مقارنه ب كوريلا و اكسنت و النترا 
و الفئات الاخرى اللي حجم مكينتها نفس حجم مكينة المازدا 3

ثالثا / عدسات هالوجين

رابعا/زي ما ذكرت الدركسيون كهربائي وما ادري 
هل هذا الشي ايجابي او سلبي لكن تعتبر ميزه جديده

خامسا / سلسه بالتعشيق و القومه و وزنها ثقيل 
بالخط و التيبترونيك سريع بالاستجايه

سادسا/ اقتصادها بالوقود ممتاز
سابعا / بلوتوث .. AUX .. USB .. و تحكم بالمسجل من الدركسيون
 من المقود و مدخلين ولاعه في التكايه الوسطى
ثامنا / الفورمايكا مطعم بالكاربون فايبر شكل 
جميل و ملفت للنظر
تاسعا و اخيرا / مساحة السياره من الداخل ممتااااازه جدا جدا مقارنه بمقاس السياره
و راحه و ايضا مساحة التحميل في الشنطه

هذا اللي شفته لان السياره لاخوي ماهي لي
 لكن تجربتي لها امس و اليوم خلتني اقيمها تقيم مبدئي

والحين نتكلم عن السلبيات:
مثل ما ذكرت لكم ما عرفت السياره زين 
لكن اللي لاحظته كذا حاجه و بذكرها لكم
1/موقع شاشة المعلومات الخاصه بالمسجل سيء 
كانه تابلت معلق بالطبلون
2/ عدم وجود تكايه بالخلف
3/عدم وجود ستاره للقزاز الخلفي لا كهربائيه ولا يدويه
4/عدم وجود عداد RBM
5/موقع انوار الفلشر الاماميه بالاسفل و ليس بنفس الشمعه
6/ عدم وجود فتحات مكيف في الخلف 
7/ عدم وجود حساسات خلفيه ولا اماميه
هذا اللي زي ما قلت لكم اعرفها

لكن تقيمي لها
ثبات بالطريق : ممتاز
رساوه : جيد جدا
عزل : جيد جدا 
اداء : على حجم المكينه 1.6 صدقوني ممتاز

اخيرا بكرر لكم السعر 47 الف ريال غير شامل 
اللوحات ولا التامين 

في الختام اللهم اعط اخوي خيرها و اكفيه
 و اصرف عنه شرها

تحياتي لكم

سبحانك اللهم و بحمد اشهد ان لا اله الا انت 
استغفرك و اتوب اليك












إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وصيانة نصابيين 


up 0 down 0
strmix
قبل 2 سنه و 7 شهر



يا ساتر يعني الموتر ما يحمس


up 0 down 0
الهيثم911 41
قبل 9 شهر و 2 أسبوع