استفسار عن صيانة بترومين

بترومين بنشر مثل باقي البناشر اللهم انه فخم شوي وفيه اماكن انتظار 
خدماتهم 
تغير زيت المكينه والقير واضافة السوائل الاخرى ويخب عليهم 
ماهم مركز صيانة !!

يابترومين ذا الي مزعجينا ام العالم  فيه  انا ساحب عليه من زمان مشتري لي كرتون زيت من الجمله واغير من بنشري 15 ريال بعدين  بترومين بنشري يغير زيت المكينه  وعنده مواد يحطها لك في التانكي 250 ريال لعب على فاضي يقاله انها تنظف البخاخات وهي خساره فلوس على فاضي كانك رامي 250 ريال بهواء ماتسوي بسياره شي 

 علبه من  موتر كرفت 15 ريال افضل منها وتنظف وسعرها رخيص  بعدين زيت القير مايغيره لك يفضيه ويسحب من العيار بمكينه سحب يعني وش تستفيد الافضل تروح للورشه يفك لك الكرتير وينظف الكرتير ببنزين وينظف المغناطيس من الرايش

  لايضحك عليكم  بترومين  ترا  زيه زي بنشري   اذا تبي تظف وتغير وتزبط مالك الى وكاله ولا الورش  معروف اي واحد يبي ينظف حساسات او يغير زيت قير او يسوي صيانه غير زيت المكينه يروح للورش هي متخصصه او كهربائي متخصص في تنظيف الحساسات 

البخاخات و الكويلات و الثروتل و حساساته تقظر تسويها بنفسم اما حساسات القير تحتاج لمكيانيكي يفك مخ القير و ينظفه كامل 

بترومين بديل عن الوكالة بالنسبة للصيانة الدورية

الشي الطيب إن معلومات سيارتك موثقة عندهم
رقم الهيكل - رقم اللوحة - ممشى السيارة
ولاقدر الله خلال 48 ساعة أي شي يصير في السيارة بسبب شغلهم هم يتحملون الأضرار كاملة

الشي الثاني
أسعارهم مقاربة لأسعار البناشر
بالنسبة لي اشتري فلتر الزيت من الوكالة وأغير عندهم ما يكلفني الشغل كله 130 ريال
في الوكالة لازم حجز موعد وتسلم السيارة الصباح وتجيهم قبل العصر وفوق كذا السعر قريب 300

أما بالنسبة لباقي الشغلات مثل تغيير زيت القير أو فك أي جزء حساس في السيارة للصيانة
فإذا كانت السيارة تحت الضمان ودها للوكالة
أما إذا كانت خارج الضمان فالأفضل إنك توديها مراكز صيانة معتمدة غير الوكالة أو بترومين