أضف سؤال أو موضوع جديد          

اقوى طقطقه في قسم مازدا 6 موصوع للترفيه

up 19 down 5
أبوتـركي 753
قبل 3 سنه و 5 شهر



اسعد الله صباحكم كل خير ومحبه 

طبعا  بحكم الشقف في التردد على قسم مازدا 6  ،، ملاحظ هناك 
اغلبهم يشتري سياره ويمشيها  كم الف ويبي يبيعها ب فوق سعر الوكاله 
ب 6 الف ريال  ف صارت فعلا هناك موضه يمشيها كم الف ويبي يبيعها بمكسب ،، وهالعرف مستحيل 
تلاقيها الا عندنا بالسعوديه  عموما ماعلينا انا عجبني الشباب الفاهمه وقامت ترد ع صاحب الاعلان بسخريه مضحكه بنسبه لي اشوفها سخريه فعاله حتي ينتهي 
المرض الي اسمه ( امشيها وبيعها باكثر من الوكاله ) 
اغلبهم يشتريها ب 68 ولجا مشها 2 الف كيلو ولا 3 او قريب الخمسه قالك حد بيع غير قابل للتفاوض ب 73 سلامات !! 

لاحد يقول حلاله ولو يبيعه ب 100 ! 
اذ هذا منطقك اجل حلال يبيع لك عبدالطيف جميل كامري كانت في 2003 الفل ب 62 والان يبيعها بب 107 حلاله وحر فيه 

وحلال تلاقي وكاله الجميح تبيع لك يوكن الي كان ب 130 والحين فوق 190 الف ولو تزود هي حره 

لا تحلل شي في شي يخدمك وتصيح لو رفعو اسعار السيارات وكالائنا 

ثانيا هل اذ شريت سياره ومشيتها وتبيعها بسعر الوكاله ،، هل انت بكامل قواك العقليه !! ماضن في عاقل لا مشتري ولا بايع يسويها لكن قسم مازدا  مشالله هناك ياكثر الي تارك عقله 

عموما اتركم مع الردود 

وهذا رقم الاعلان
119570470

وعذرا اكتب بالجوال اذ لقيتو بعض الكلمات الشاطحه بسبب الكيبورد 
سبحان الله وبحمده سبحان الله العظيم 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


مجرد استغلال لوضع الوكالة بانتظار التسليم
شهر و شهرين و ثلاثه ....
مثل اللي يستقدم شغاله مهو بحاجتها ب15 الف
و يبيعها ب25 الى 30 الف
تشبيه اليم ههههههه
و المستعجل يدفع اكثر لانه محتاج


up 12 down 2
أبو نجوى 2449
قبل 3 سنه و 5 شهر



ههههههههههههههههههه

لو مآكلة حادث كنت زدتك ولكن سيارتك لسة بودي بلد ههههههههههه


up 8 down 2
rashidy 439
قبل 3 سنه و 5 شهر



يطقطقون


up 6 down 1
soso15 43
قبل 3 سنه و 5 شهر



هذا رابط الاعلان للكسلانين وللي ماضبط معه الرقم :


http://haraj.com.sa/119570470/%D9%85%D8%A7%D8%B2%D8%AF%D8%A7_6_%D8%AC%D8%AF%D9%8A%D8%AF%D8%A9/


up 3 down 1
كابرس1993 524
قبل 3 سنه و 5 شهر



ههههههههههههههههههههههههههه مايغبني الا الي اذا قلت سعرك مبالغ حطك شريطي وحسود حاسده في رزقه


up 3 down 1
عبدالاله125 104
قبل 3 سنه و 5 شهر




^^^ ماعليك منه بتطيح في كبده المازدا فاسدا حتى في قطر والامارات وحتى في امريكا مالها شعبيه ابدا

+1 لايك للجميع معا ضد الاستغلال


up 3 down 11
الشرقية1 265
قبل 3 سنه و 5 شهر



احنا ما نعيب في الموتر
نعيب باللي يشتريه وكالة و يبيعه بعد استعمال مهما كان خفيف بأغلى من سعره جديد
على الاقل المعارض ياخذون من الوكيل اصفار و يوقفه بالمعرض و يبيعه بزود مستغلين حاجة الزباين المستعجلين ما يبون ينتظرون 


up 5 down 3
أبو نجوى 2449
قبل 3 سنه و 5 شهر



ماشاء الله عليك سبقتني كان هالموضووع بباللي انزله ونا ماضحكني الا واحد ماشيه سيارته فوق ال 5000 ونسساامت بي 69 ويبي من الله الزوود ع كلالامه


up 2 down 1
أبونواف00 801
قبل 3 سنه و 5 شهر



يارجال انتظر ثلاث شهور ولا اخذها من شخص استغلالي حتى لو ماشيه 200 كيلو حتى ال200 كيلو ماتدري اش سوا فيها لو اكل مطب راحت السياره


up 4 down 0
camaro28 768
قبل 3 سنه و 5 شهر



انتم ماشفتم الي انا شفته في قسم المرسدس سعودي باين انه فلوسه من رزق الهبل على المجانين عارض حجزين لمرسدس يبيع الحجز بـ100 الف بدون فلوس الدفعه للوكاله ماتقل عن150 حسيت انه زي التمور له مواسم ياتشتري ياتنسى تركب


up 4 down 0
ibo3276 442
قبل 3 سنه و 5 شهر



ناس تفكر وتعرف تصطاد المحتاجين ههههههههه
الله لايبلانا
يرفع من قيمة السيارة لانه عارف الوكالة ماتجيب السيارات الا بالحجز
وتقعد بالشهر والشهرين 
ويقول اخدمك وتزيد فلوس 
حالة والله


up 2 down 1
ابو عبدالله احمد 3388
قبل 3 سنه و 5 شهر



يعطيكم الف عافيه ،،ع ردودكم ،،ياريت تسدحنا لنا سالفة المرسدس 

الي حاجز ب 100 ريال 


up 0 down 1
أبوتـركي 753
قبل 3 سنه و 5 شهر



انت جوالك HTC صح ههههههههههه كيف الحرارة معك 

والله جوال بس يحتر ههههههههههههه


up 0 down 2
i6rb_ 163
قبل 3 سنه و 5 شهر



جوالي htc one m8   ,اول ماحذته اول دفعه الذهبي ماغير متنقع بالصيانه المس 
ربع الشاشه ماتشتغل  رايح جاي عند الحداد واروح موقع htc وكلمتهم شات واشتكيتهم عند وكيلنا وماخذت 
3 ايام الا دقين علي الحداد بجوال جديد والحمدالله زبطت اموري لحد الان سالكه وتوه مخلص ضمانه وخايف ودي يجمل معاي ع الاقل سنه زياده  بدون خربات 

لان قطعه غير متوفره بس صراحه جوال جبار والحراره مافيه يعني تصير معي نادر مرتاح معه ولله الحمد


up 1 down 0
أبوتـركي 753
قبل 3 سنه و 5 شهر



للتصحيح 
الكامري 2003 استاندر كانت قيمتها 65 الف والفل ب85 

والاسعار مستمره الى 2015 ...



ماعدا فئة ال  se هذي  صدقت سعرها فوق ال100 بس مواصفاتها حلوة 


up 1 down 3
راااضي 2529
قبل 3 سنه و 5 شهر



راضي الله يسعدك ،، ممكن معلومتي مبنيه اذكر احد الاصحاب 
كان يملك كامري 2003 وكاله  سالته بكم كانت فتحه قال ب 65   عموما يمكن اختلطت علي بعض الامور 
او ماكان عنده معلومه صحيحه بالسعر  وقال لي السعر من جيبه وهذا الكلام كان تقريبا بعام 2003 بنهايته 
بس غريبه الفل كامري 2008 ب 82 هذي متاكد منها فتحه وجناح  و 2003 ب 85 ماضن هذي علوم عبدااطيف جميل ياريت تاكد لنا المعلومه 

واشكرك اخ راضي لتصحيح المعلومه 


up 0 down 1
أبوتـركي 753
قبل 3 سنه و 5 شهر



كلامك صحيح اخوي كلن يحط سعر من راسه ولو ينزل سيارته الحراج على المكرفون ماجابت نص اللى يطلبه بموقع حراج
لكن اللى اشوفه بموقع حراج كله بيع نجش يزاود على السلعه بدون نيه الشراء


up 1 down 2
ksa-car -1
قبل 3 سنه و 5 شهر