يا اخوان من لديه خلفيه عن ايجارة الراجحي للسيارات

يارجل انحش عن الراجحي يغنيك الله..صار لي حادث والنسبه خمسين خمسين
مرمطوني وطلعوا عيني اقسم بالله عكروا نفسيتي وضيعوا وقتي
كل شوي ورقه ناقصه.. وبعدين المعامله مادخلت النظام وبعدها يقولون جيب تسعيرات جديده
يارجل مايقارب الاربعين يوم وانا وراهم اترجاهم تكفون صلحوا السياره....اخر شي بعد قله حيا
جابوا التعميد اوديها لورشه فاشله لو عندك ددسن 80 ماتسويه فيها وقالولي لازم تصلح بهالورشه
ولا بكيفك مانعطيك ولا ريال  انجبرت اسوي فيها اخر شي قالولي ادفع 3300 نسبة تحمل ..قلت حسيي الله ونعم الوكيل
واروح اسوي جمعيه واديرها..باختصار نصيحه انحش عن الراجحي المشكله انه ياخذ اقل قصد عشان يطيح الناس في التامين حقه ويلهطك لهط
واتا الحين انتظر الموتر يطلع واقبله مجانا...ولو يبي اللي يتقبلها اعطيه فلوس والله لاعطيه بس يفكني من هالتامين الفاشل وبعدين غصب عنك تامن في الراجحي اقولهم ابي التعاونيه يقولون لا

المهم بامكانك تقبل السياره تروح لصالة التمويل ويعطونك ورقه طلبات اهم شي يكون عميل بالراجحي ومعه رخصه

اذا قدرت تقبل موترك  قبله وانحش ... ويازين موتر بعشرين الف باسمك

سو تنازل عنها 

ومعروف ان تكافل الراجحي اسوأ تامين من ناحيه الخدمه والتعويض

ابتعد عن الراجحي نصابين حرامية وهم بنك يحسسونك انهم يتصدقون عليك موب قروشك 

اتوقع ماعندهم ارجاع او استبدال لكن اعرضها للتنازل في موقع حراج 

شكراً يا اخوان على الافاده  والله يعطيكم العافيه 

مافي شي عندهم استرجاع .. عندهم فسخ عقد
وفسخ العقد بمبلغ وقدره 
والله انهم يطلعون قيمة السياره من ظهرك وهي بالاساس بترجع لهم

طلعت منهم قبل 3 سنوات كامري
وجلست معي سنه ورحت بشوف وش نظامهم عشان ماعاد لي 
رغبه في السياره
وانا بالاساس دفعت لهم 15 الف دفعه اولى
قلت يمكن يبقالي شي عندهم وياخذوا سيارتهم
قالولي نفسخ العقد ب 28 الف ونشوف حسبة الكيلوات
ونحسبها بعد
.. قلنا لابارك الله فيكم وطلعت من عندهم

الموتر اخذه اخوي وصار يقسط فيه حتى الان

لا حول ولا قوة الا بالله  شكلنا ورطنا 
 شكري لكل الاخوان

من تجربه مع بنك الراجحي العن بنك على وجه الارض بنك وسخ في التعامل