سؤال للي مجرب المازدا 6

انتظر مدرس عاطل كل ردوده للمازدا

امس واحد نزل موضوع استلم السيارة طلع ريحتها ههههه
يا كثر المواضيع عنها
اكتب بالبحث فوق مازدا 6 و شف وش يطلع لك

افضل سياره بفئتها من ناحية الرساوه و الثبات و التكييف و العززم 

الي مجرب بيعرف كلامي 

الوكيل خدمته بالضمان موب ممتازه مره اغلب الاحيان بتحتاج وزارة التجاره 

قطع الغيار متوفره بأسعار ممتازه ، فلتر زيت ب ٢١ ريال ، فلتر مكيف ب ٩٠ و هواء ب ٧٥ صدام امامي ٦٨٠ و خلفي ٧٩٠ و رفرف امامي ٢٩٠ 

العيوب الي اشوفها بالموتر : المساحه الخلفيه مقبوله و اقل من جميع منافسينها كذالك الشنطه 

بعض الاحيان اصوات خفيف بالديكور ، العزل بالنسبه لي مافرق فالافضل تجرب و تسمعه بنفسك 

عدا ذالك الموتر عملي جدا جدا و اسأل مجرب 

و بالتوفيق 

هههههههههههههه يالتركي 
اجل الرساوه والثبات تختلف عليها من شخص لشخص 

اذا الشبح اللي معك فيه ناس يقولون ان بعض القرابع 
افضل منه عزل ورساوه ههههههههه
وتحديدا موضوع قديم اللي هو الجينسس 
المهم ماعلينا 






بحكم تجربتي للمازدا ولها معي تقريبا 8 شهوى 
وعدادها الان حوالي 65 الف كيلو متر اهم مايميز الموتر 
عن السيارات اللي بفئته السعريه من 60 الى 70 الف ريال 

اهم مايميز الموتر التالي طبعا الاستاندر : 
1\مواصفات امان كامله من والى ..

2\ اداء المكينه والمحرك افضل مكينه بفئتها من ناحيه عزم وتسارع 
وصرفيه وقود بفرررق كبير وشاسع 
وتجيب ال 250 كم بكل اريحيه ...

3\ الثبات ثباتها ممتازه وجيده وواضح وفرق كبير عن الكامري 
2012 

4\ لايوجد اصوات وقربعه بالديكورات نهائيا والداخليه متماسكه

5\ التكييف وانا حاليا مركب عازل وبالقصيم 
مع هالاجواء المكيف على رقم 2 و 3 من 7 
وبعض الاوقات اتضايق من تبريده ..

6 \ قطع الغيار من ارخص السيارات بقطع الغيار بالوكاله 
وشيخا ماقصر اعطى نبذه 

ومكينتها بكبرها بالوكاله جديده ب 11500 
والقير بحدود 10 الاف ...
والمكيف ب1500
هذي كاساسيات 

7 \ الاظافات فيها بصمه وبريك الكتروني وزر تراكشن 
وزر لاحساسات ووضعيه سبورت تفتح rpm ومثبت سرعه
يثبت الى حدد 200 كم وكامل القزاز اوتو + تحكم وصفط مرايات 
وتحكم بالطاره ...
8\ من ناحيه مقاعد وراحه 
السياره فيها ميزه وهي ماتنطط وتخضخض مثل الكامري 
والاكورد 
لكن ممكن تكون المرتبه قاسيه 

من ابرز العيوب اللي لاحظتها ....

1\ عدم توفر القطع بالصناعيه فقط بالوكاله لبعض المناطق
لكن عموما متوفره بالوكاله 

2\ عدم وجود فتحات خلفيه للتكييف واذا ركب احد مشكله 
واذا رفعت بالتكييف راح يتعبون اللي قدام منه لأن تبريده 
ثلاجه ههههههه

3\ العزل الهوائي ممكن من تصميم المرايات 

لكن الارضي سيم سيم الكامري ولا فبه فرق 
والطريق له دور هام 
............









طبعا اللي مهو مقتنع باداء الزوم 
يراسلني خاص ويبشر 
انا حاليا بالطايف 


السياره على سعرها واللي فيها 
فرصه مناسبه للمستخدمين بغض النظر عن التعصب 
والتسليك 

ياشويخ ههههههه

الان بيستلمونك ديسلايك بعض المتعصبين 

سيارة حلوة 
الملاحظة الوحيدة صوت الهواء من الابواب بعد سرعة 100

التركي هههههههه الله يصلحك 

ارجع لمواضيعي 

انا مرسدساوي لللنخاع 
هههههههههه



اضحكتني تراك فهمتني غلط 

اقول فيه ناس مهبل يقارنون قرابع 

بالشبح والبنز 560 من حيث رساوه وعزل 

اليوم بنزلكم تقرير عنها ماحد استخدها في الموقع كثري 
التقرير الي اشوفها غير محايده  للاسف 

اسعار القطع الي تم ذكرها .. اذا كانت كذلك في اعتقادي انها معقوله

امس مغير فلتر مكيف بحدود 400 ريال وفي المازدا 90 ريال



بعض السيارات مرغوبة لكن الي يردك عنها الوكيل وقطع الغيار

والله المازدا اشوفها انتشرت وكثير تحصلها ب الشوارع 

والله سعرها يغريك وبقوه انك تشتريها تعتبر رخيصه جدا مقارنه بفئاتها ##

افدتني والله يالمدرس بس انا حاليا اسوق فورد و ما قد حصلت فرصة اسوق المازدا فهذا
 الي يخليني ادور سيارة شوي حولها او احسن منها 

الي يشبح للمازدا مجموعه وردودهم نفسها ( نسخ ولصق ) ويستغل اي موضوع علشان ينصح باستخدام السياره الخارقه الخاليه من العيوب تماما ( وهذا غير معقول )

ولو سئلت اصحاب الخبره لقالو هاذي اسمها ( المازدا الفاسدا )
ولا يمكن تقارنها بكيا او هواندي او تويوتا او حتى بالسيارات الصينيه
ومشاكلها معروفه واغلب القطع تلفيق من شركه كيا كلارس او ترهيم

السياره الوحيده الي تجمع بين سوء تصنيع وسوء وكيل هي فقط المازدا الفاسدا
انها فاسدا بحق

ولوكان مشكلتها الوحيده الوكيل فلماذا لا تنتشر في دول الخليج ( قطر الامارات الكويت ) او الدول العربيه

ولماذا لم تنتشر في امريكا مع انهم ياخذون من المصننع مباشره وليس وكيل

فالشركه سيئه وعلى وشك تقفل مثل شركه الدايو و الديهاتسو وبعض الشركات الاخرى

والوكيل يعلم ذالك فما يتعب نفسه بالتطوير والشركه بتقفل لذالك يحاول تصريف الموجود ولا يجيب سياره الا بالطلب لانه لا يضمن مشتري
طبعا المشبحيين يقولون ( السياره بالحجز من كثر الطلب ) وين ما نشوفها بالشارع
ولا تنسى عمره الافتراضي قصير جدا ( سنتين الى 3 سنوات كحد اقصى )

والمازدا الفاسدا هي السياره الوحيده التي تجمع بين وكيل سيئ وشركه سيئه

هذا والله اعلم

الشرقية = انت اخر امالي

عضوو تم حشره ودعسه بكذا موضوع 

وحتى هالرد ناسخه من موضوع ثاني  .....

الشرقيه1
 ودي اقابلك بالاوبتيما حقتك هههههههه
ابي اطقطق عليك بالززوم 

موافق ؟؟؟؟

المازدا كويسه لاكن الوكيل ماخدم السياره اقترح تغيير الوكيل

مواصفات مقابل السعر فهي الافضل بفئتها واقلهم مساحة داخلية

عندي مشكله مازدا 6 2016 اذا طفيت السياره المراوح تبقى شغاله و تطفئ بعد خمس دقايق