تغيير زيت المكينة مازدا 6 2016

لاتوسوس ولاشيء
فيه زيوت تمشي عليها 10 الف كم طبيعي
وكل السيارات اللي أستخدمها اغير لها زيوت كل 10 الف

وبكيفك اما تغيرها في الوكالة أو بترومين كل 10 الف
لكن لاتروح تغير في الوكالة كل 10 الف وفي بترومين كل 5 الف وتخسر نفسك بلا فائدة

غير في اي مكان اهم شيء احتفظ بفاتورة تثبت انك مغير الزيت عشان الضمان ،،

هذا الكلام من وزارة التجاره والزيت مثل ماقالوا الاخوان كل ١٠ الاف ،،

انا توني مدخل السياره الاسبوع الماضي صيانه 10 الاف

سعرها ب 391 ريال

جده م11

جبت سيارتي الساعه 9 ونص واسلمتها 12 الظهر

بدون موعد اذا ما عندك مشاكل ... وفتره استقبال الصيانه من 8 الى 11 هذا دوام قبل رمضان


الحمد لله ما واجهتني مشكله... وكل من اخذها مشى الا صيانه 10 الاف وغير زيتها


حتى الكاتالوج مكتوب في تشيك بعد 1000 كيلو بدون تغير الزيت ومكتوب ماهو كل الوكلاء ع مستوى العالم يسوها

391 ريال على تغير زيت اربع علب
يعني العلبة ب 95 ريال
هذا زيت طياره مهو حق سياره
معي مازدا 6 2015 وتغيير الزيت عند البيت والعلبه ب 10 ريال ونص ويا بلاش
اعذروني ما ادخل سيارتي الوكاله الراتب مايكفي الحاجه هههههههههههه

لاتشغل بالك حبيبي الله يحفظك غير الزيت كل 10 الف مع سيفون اصلي وماجاك مني
..بترومين غالي حيل العلبة ب60 تركتهم ورحت ل ون ستوب اسعارهم معقولة اغير عندهم زيت لكامري اخوي 2016 من الصفر لحد الان 40 الف مشالله تبارك الله والامور تمام واجيب السيفون معي اصلي من الوكالة .. الموتر له سنة مع اخوي..

الزيت ماجناتك بروفيشنال العلبة في الوكالة 33 + الفلتر 21 لو حسبتها تطلع عليك في حدود 200 ريال يعني ياخذون عليك شغل يد تقريبا 200 ريال صراحة مبلغ مو هين وبعدين الصيانه السريعه في البساتين شغلهم مرة عادي يقدر اي بنشر يسويه بس الصمان انا افكر الصيانه الي فيها تغيير زيت وفلتر اسويها عند ون استوب والصيانة الي فيها شغل اكثر اسويها في الشركة

الشباب كفو ووفو في موضوع الزيت 
الظمان لاتشغل باللك ياموسوس هههههه 
غير في مركز معتمد واحتفظ اهم شي بالفواتير وابعد من بترومين اشوف الشباب يسبونه 
بالنسبه لي ماجربته

استفسار ...
بالنسبة للمازدا 2016 كم علبه زيت 

نصيحة مجرب عندي مازدا 6 ٢٠١٦ ماشية ٦٠٠٠٠كم طبعآ السيارة تحت الضمان المهم غيار الزيت دائم في مايز وكيل معتمد لدى الحاج محسن وحصل عندي مشكلة في المكينة انفك مسمار من داخل المكينةوكسر السلندر وطلع خارج المكينة المهم مالكم بالطويله رحت للشركة واخذت فواتيري وارسلوا للشركة صور الفواتير ورجع الرد خايس من عندهم ان السيارة مايشملها الضمان لان وحده من الفواتير غيار الزيت على 16000كم مسكوها حجه الله لا يسامحهم رحت شريت مكينة على حسابي الخاص

انتبهوا من غيار ال 10000 كم تراه منكح وكذب غير على 5000 كم ازين لك واضمن