استفسار عن المازدا cx-9

اضف لموصوعك متى بينزل الشكل الجديد 2017

معى الوالد نفسه 2008 موتر ما شاء الله حق مكده ماشي حول 230 يعني استخدام يومي والمكيف بارد اما من ناحية القطع ما غيرنا فيه الا القطع الاستهلاكيه واسعارها مناسبه .. العيوب قساوته وطقطقه بالديكورات ايام الشتاء تطلع

ما شاء الله تبارك الله ، يعطيك العافيه ابو نايف. 

تكييف المازدا معروف ثلاجه

المازدا حلوه لكن مدري ليش مهضوم حقها هي والمستبيشي مع العلم. سيارات حلوه  وجباره لكن احنا تعودنا على كم شركه. وخلاص. 

انصحك الحين لا تفكر
لان الشكل الجديد حينزل في 2017 اتوقع والشكل جبار بصراحه

شوف الصور

http://saudishift.com/wp-content/uploads/2015/11/2017-Mazda-CX-9-011.jpg

http://img1.haraj.com.sa/userfiles30/2015-11-20/564e5d46e1e5d.jpg

http://www.m5zn.com/newuploads/2015/11/20/jpg//625a35f4c2bf63d.jpg

ال ٢٠١٧ شكل جديد واحتمال في عيوب مصنعيه غير المكينه الجديده بتنزل تيربو يعني ال ٢٠١٦ ميزته اخر موديل من الشكل الحالي يعني متحسن عن قبل. 

السيارة ممتازة من ناحية الرساوة والعزم والتكييف

الاعتمادية أعطيها 10/7 بحكم ان المساعدات والمقصات ماااااتتحمل
تخرب باستمرار

قطع الغيار سعرها ممتاز مقارنة بالشركات الاخرى وعندهم خصم ممتاز
2017 أكيد بتكون أفضل وأتوقع فارق السعر مايزيد عن 10آلاف مع فارق المواصفات للشكل الجديد

الله يعطيكم العافيه جميع ،،  الفروقات بين الاستاندر والفل هل فيه فرق يستاهل للفل كامل والارباقات هل هي كامله من الاستاندر . 

الاستاندر سعره وكاله 91 الف و الفل اوبشن بالمعارض على 111 الف ريال

طبعا مواصفات الفل اكيد جباره لكن على حسب ميزانتك

لان الفل كامل فيه رادار و فيه نقطه عمياء ودبل مستمر وجلد وجنط 20 وشنطه كهرب وزينون وليد نهاري و تسخين وتبريد ومراتب كهرب بصمه والكثير

لكن الاستاندر برضوا فيه فتحه سقف وشاشه نفقيشن وهذا شيء جميل

بخصوص انا انصحك بالاستاندر مع انه يفقد مواصفات كثيره ولكن كان معي 2010 و الان مع قريبي كمل 6 سنين وممشى 250 الف وماشاءالله تبارك الله وكاله , عزم رساوه تماسك مكيف ما شاء الله تبارك الله

طبعا انصحك بالاستاندر لان جنط صغير وناعم اكثر من الفل

اعتمادي درجه اولى وخذها من مجرب , سافرت عليه للامارات وقطر والكويت وما شاء الله تبارك فيه رساوه رغم خفت وزنه

ومكيفه ثلاجه

وقطعه والله رخيصه بنظري , وانت اسال بنفسك , قطع بودي مثل الصدام ب 600 و الباب ب 1100 ريال وقطع استهلاكي فحمات طقم امامي وطقم خلفي وكاله 550 ريال وعمرها 100 الف بالراحه ( ركب وانسى )

وللعلم تم فحص بطنه على ممشى 220 الف كيلو مع قريبي , وقالوا مساعداته و مقصاته ما شاء الله نظيفه , ويقول جلد المقصات ممكن تتحتاج تغير بعد 6 شهور ان حبيت , ولا غيرها للان وللعلم مافيها اصوات

عيوبه فقط ( طقطقه بباب الشنطه خفيفه من يوم هو ماشي 60 الف كيلو ) و طقطقه خفيفه بالابواب طلعت على ممشى 150 الف كيلو تقريبا طبعا ما تنلام بسبب الشوارع الجميله واي سياره راح يطلع فيها اصوات ديكورات اتوقع

وعيبه ان شمعاته الاماميه مع الغسيل تبهت , الان الشمعات مبهته , فانت احسن شيء تسويه انك تسوي حمايه على الشمعات اول ماتطلع

موفق عزيزي واختيار سليم

يعطيك العافيه اخوي بو خالد كفيت ووفيت ولاقصور بالشباب الباقين 

ياخوي المازدا ما فيه تبريد مقاعد بس تدفئه