أضف سؤال أو موضوع جديد          

اشتريت مازدا 6 وش اشيك عليه عند استلام السيارة؟؟

up 4 down 5
أبو بسام22 78
قبل 6 سنه و 4 شهر



السلام عليكم ورحمة الله

سؤال للاخوان اللي عنده خلفية لا يبخل علينا...

اشتريت مازدا 6 2016 ستاندرد وانا الان انتظر اجراءات حجز السيارة واستخراج اللوحات وخلافه

سؤالي هو هل يجي مع السيارة اكسسوارات اضافيه اشيك عليها عند استلام السيارة ؟؟

لأني مالي خبرة وأول مرة أشتري سيارة من الوكالة








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


حياك
اول شئ مبروك السياره والله يعطيك خيرها
ثاني شئ شيك على الكفر الاحتياطي ويا العده حقته

ثالث شئ شيك على طفاية الحريق

رابع شئ شيك على شنطة الاسعافات الاوليه

خامس شئ شيك على كتلوجات السياره

سادس شئ شيك على دفتر الضمان/////مادري كان يجي بكل السيارات او لا تاكد من الاخوان
وشف الكتلوج يمكن يجي مدمج معاه لو مالقيت الدفتر////

سابع شئ شيك على الدعسات حقت الارجل

ثامن شئ شيك على السياره من الصدام الى الصدام يمكن فيها حكات ولاشئ

تاسع شئ استلم السياره بالنهار عشان تشوفها اوضح

عاشر شئ تاكد ان اكياس الوكاله موجوده على المراتب والديكورات عشان تضمن انها ماكانت معروضه

11/ لاتوقع على ورقة الاسسسسسستلالالالالالالالالالالامممممممم الا بعد ماتشيك على الاشياء الي فوق
حتى لو قالك وقع قله لا ماني موقع حتى اشوف السياره لانك لو وقعت واكتشفت مشكله مايمديك تقولهم شئ لانك وقعت

/////الاشياء الي ذكرتهم تخص السيارات بصوره عامه الي تشتريها من الوكالات وليس المعارض لان المعارض يجيبونها
ناقصه يمكن في اشياء اضافيه تجي للمازدا غير ذي يفيدونك الاخوان/////


up 18 down 2
d7ooom777 391
قبل 6 سنه و 4 شهر



الله يجزاك خير أشكرك ومانستغني عن اي إضافة من الأخوان اصحاب التجربة


up 2 down 1
أبو بسام22 78
قبل 6 سنه و 4 شهر



شيك على كل شي اهم شي بطن الموتر والمكينه لايكون فيها صدا ركز والباقي سهلات


up 2 down 1
مهراس الزهراني 1338
قبل 6 سنه و 4 شهر



إضافة على كلام الأخوة فوق إكبس جميع الأزارير في السيارة لا يكون شي مو شغال مثل المسجل أو اللمبات وغيره  


up 1 down 0
business to consumer 1163
قبل 6 سنه و 4 شهر



الله يعطيك من خيرها ويكفيك شرها نصيحتي قبل التوقيع زي ماقالوا الاخوان اكشف على السيارة مت تحت لا يكون فيها صدأ
ترى من تجربة اشتريت قبل سنوات سيارة وما كشفت عليها وقعت ونقزت في الغمارة تعرف سيارة جديدة وما توقعت فيها شيء وبعد ماسويت لها صيانة الف كم ورفعوها على البستم اكتشفت وجود صدا وحاولوا يغطون الموضوع لكن حسبي الله عليهم



up 0 down 0
راجي المثوبة 65
قبل 6 سنه و 4 شهر



استلمها بالنهار في عز الظهر لو كان في شئ في البدي راح يبين
ومبارك عليك ان شاء الله


up 0 down 0
honda 2014 528
قبل 6 سنه و 4 شهر



يعطيك خيرها ويكفيك شرها وعلى البركة أن شاء الله 


up 0 down 1
emzoom3 11
قبل 6 سنه و 4 شهر



مبروكك واردى ماتركب
وانت طالع مررها ع حفره بنشر وشوف بطنها
وشيك ع ضغط الكفرات لانهم يعبونها زياده 
يخلي المطب قوي وتناقز 
خلها ع 32او30
والله يباركلكك


up 0 down 1
ابونايف... 212
قبل 6 سنه و 4 شهر



نصيحتي شيل معاك واحد او اثنين من اخوانك او خويانك لانهم حينتبهو اكثر منك لانك حتكون فرحان وما حتركز على المشاكل
لكن اخويا استلم سيارتو من مازدا وما كان فيها مشكله غير المموري حق الجي بي اس كان مكسور وغيروه له على طول




up 0 down 0
loody_23 364
قبل 6 سنه و 4 شهر



وعليكم السلام ورحمة الله وبركاته

الله يعطيك خيرها ويكفيك شرها

اللي اعرفه 

في الشنطة في الاستبنة وتجي بجنط عادي مو المنيوم
عدة ومفكات للاستبنة 
شنطة وفيها طفاية حريق وادوات أخرى 
قطعة بلاستيك ( اعتقد تستخدم لتركيب اللوحة الملكية الطويلة )
دعاسات 

وفي أشياء أخرى ما أذكرها 

في الدرج الأمامي يكون في كتالوج عربي وكتالوج ثاني انجليزي .


up 0 down 0
حراج السعودية1 3
قبل 6 سنه و 4 شهر



وانت عندهم قبل تستلم الموتر

حاول تستلم الموتر في النهار عشان تشوف البدي سليم ومافيه مشوخ او سمكره

افتح الابواب والكبوت والشنطه وتاكد من سلاستها الي جايه صدمه او ضربه بتحس انه ثقيل

افتح الدرايش وسكرها

افتح الانوار والفليشر والعالي والواطي

افتح المكيف نمره وحده تاكد من برودته وانه يشتغل والي يقولك لاتشغل المكيف اول الف كيلو ماعليك منه

انا مطلع موترين جدد وكلها في الصيف ومشغل المكيف ومافيه مشاكل ولله الحمد

بعض شحنات السيارت تجيها مشاكل في النقل من بلد الي بلد وممكن يجي الموتر صدمه ويسمكرونه ويبيعونه علي انه جديد

حاول بعد ماتاخذ الموتر تروح اقرب ورشه لكشف الصدمات طبعا اذا جيتهم بعد اسبوع او شهر بيجحدونك ويقولون انت الي صادم

واعرف اشخاص صارت لهم مع ابو جميل ومع التعيس الجبر الله لايوفقهم اثنينهم تدفع قيمة الجديد علي موتر مصدوم

شيك علي الاستبنه والاسعافات الاوليه والعفريته والكتلوج والطفايه

اول 500 كيلو لاتتعدي 100 كيلو في الساعه وضغط المكينه لايتعدي 2 يعني خل رجلك خفيفه جدا وبشكل مبالغ فيه

بعد ال 500 كيلو لا تتعدي 120 كيلو في الساعه وضغط المكينه لا يتعدي 2 ونص الي 1600 كيلو وبعدها زد السرعه بشكل تدريجي

حاول ماتدعس علي الموتر فجاه وقت التمرين وحاول ماتوقف فجاءه

شيك علي وزن الكفرات ولا تتعدي 32 وغالبية الوكالات عشان ماتحبل الكفرات يخلونها 40 و 45

واخيرا الله يعطيك خيرها ويكفيك شرها




up 0 down 0
abojpl 372
قبل 6 سنه و 4 شهر



الله يجزاكم خير جميعا اشكر كل اللي تفاعلو وشاركو انا اشهد انكم كفيتو ووفيتو


up 0 down 1
أبو بسام22 78
قبل 6 سنه و 4 شهر



شيك على البودي و أفضل شي تستلم السيارة بالنهار و شف الاستبنة موجودة و كتيب السيارة و الف مبروك 


up 0 down 1
الفارس المتألق 219
قبل 6 سنه و 4 شهر