أضف سؤال أو موضوع جديد          

بعد استخدام 10 شهور و 73 الف كيلو متر مازدا 6 2016

up 58 down 42
مدرس عاطل 25
قبل سنه و 6 شهر



السلام عليكم

اسعد الله اوقاتكم بكل خير


بعد الدعم ورفع السالب

اشكر على من قيم وعلى راسهم ابراهيم التركي



نرجع للموضوع وبحكم امتلاكي للزوم ومع ندره مواضيعها
حبيت اطرح تجربتي وبحاول افصلها قدر المستطاع

السياره مازدا 6 2016 ستاندر

المواصفات بشكل سريع
بصمه \ جلنط الكتروني \ مثبت سرعه \ تحكم بالصوت من الطاره
حساسات هواء للكفرات \ زر مانع الانزلاق \ زر وضعيه السبورت
تحكم بالمرايات مع الطي \ القزاز كامل اوتو مع خاصيه عدم الاغلاق على الاجسام
مدخل شاحن بالطبلون + اظافي بالدرج + مدخل aux و USB
بالاظافه لايرباقات كامله الطبلون والمقاعد والاحزمه
وايضا abs مانع انغلاق للفرامل







المواصفات الميكانيكيه
مكينه 2500
قير 6 نمر تبترونيك







ايجيابيات السياره بشكل مختصر

1\ اداء المكينه بشكل عام ممتاز على 4 سلندر
وهي الافضل بلا منازع وبحكم عملي خطوط
وقد وصلت عليها سرعات 250+

وافضل من مثيلاتها ال 4 سلندر الاخرى

من ناحيه تسارع واداء وصرفيه البنزين

التانكي يمشي 700+ على سرعات متوسطه


2\ الشي المميز ايضا المكيف

اقل مايقال عنه ثلاجات العثيم حقت المثلجات والدحاج
ههههههههه فريز و7 درجات للتكيف وماعمري وصلت لرقم 7


3 \ من ناحيه الرساوه والثبات الموتر يعطي الشعور بالثبات
وواضح لكن الى حد سرعات معينه

اهم مايميز الموتر لايوجد فيه قساوه وتنقيز ونطنطه
وخضخضه


4\ من ناحيه الوسع والمساحه اشوفها مناسبه
على احتياجي لها ..

5\ الصيانه والوكيل
شرهتكم على اللي يتعامل معهم
اشتري القطع المطلوبه وصيانتي برى

بخصوص عشاق القطع من الوكيل
اسعارها مناسبه واقل سياره بالسوق هي حاليا




السلبيات \ شي وحيد فقط عدم توفر القطع خارج الوكاله
لكن بشكل عام متوفره بالوكاله واسعار ممتازه


البعض يشتكي من العزل واساسا المشكله
من صوت الهواء يضرب بالمرايه


الخلاصه \ تقريري خاص بالفئه السعريه
70 الف ريال واقل

تعتبر هي الافضل حاليا بلامنازع
بهذي الفئه السعريه



البعض يتهياء له اني مندوب
انا مجرد مستهلك وسيارتي السابقه تويوتا
وطبيعه استخدام اقششر
وسنويا امشي 100 الف وكل ثلاث سنوات اجدد سياره


التقرير تم بكل حياديه ....









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


والله إحترت ناس تمدح وناس تذم الزووم
... بس عندي سؤالين الله يسلمك وتهمني جدا في السيارة
أول شي ثبات السيارة

في
الخطوط على سرعات
120-150

والشي الثاني التسارع والقومةوالعفشة تعيش ولا نفس الموديلات القديمة


up 3 down 1
بكوري 2
قبل سنه و 6 شهر



يعطيك الف عافيه كفيت ووفيت



up 1 down 2
lonely person 54
قبل سنه و 3 شهر