اقساط المازدا فل كامل

سعر القصد ماله قيمة ثابته تتحدد بالدفعة الأولى + كم الراتب مالك الا تمر اقرب وكالة لك والموظف يحسبها لك
النقطة الأخرى تعليقك من ناحية ماحد يشكي منها
مازدا 6 قبل 2014 كانت سيارة نادر ماتشوفها بالشوارع ما لقت رواج وانتشرت فعليا الا من عام 2014 من قبلها شبه منقرضة
ف برأي ان من 2014 الى 2016 بدري جداا تحكم على الجودة ...!

تقدر تخش مواقع البنوك اعتقد ويطلب منك معلومات ويعلمك كم
كمثال البنك العربي 
https://www.anb.com.sa/arabic/lc/loan_calculator.asp

ياحبيبي قبل كم يوم رحنا مكه وقالوا الفل للكاش مافيه اقساط عليها طلب
تبي اقساط خذ الاستاندر
طلعنا الطايف ونفس الشي الفل غير متوفره وبتجي بعد العيد وبرضه بتروح لمبيعات الكاش
على العموم خذ الاستاندر سعرها مناسب
او خذ الجيب سي اكس ناين نص فل فتحه شاشه نفس مكينة الفل وب 93 الف ارخص من الزوم 6 الفل كامل واوسع واقوا
يعني خيار ممتاز جدا
انت كذا اخذت السياره المناسبه بالسعر المناسب


لكن الزوم 6 فل كامل اقساط انسى امرها حسب كلام الوكاله الا اذا كاش

كنت منقرضه لان اسهم الشركه لفورد وكانت مخليتها فار تجارب حتى تخلصت من فورد وبنت نفسها 
الcx-9 باقي على نظام فورد المازدا ٦ تصميم كودو مازدا ونظام سكاي اكتف ونصيحه لك انتظر ٢٠١٧ 
تنزل بعد الحج فيه فئات ثانيه ان شاءالله واذا اعجبك cx-9 لا تاخذ الا٢٠١٧ لانه تصميم مازدا فقط افضل لك ونفس السعر م فرق 
وفيه نظام جديد للمازدا ٦ اسمه جي فاكتورينق من مازدا لزيادة الثبات على السرعات العاليه و زياده العزل الصوت مع شكل اجمل للكشافات وجبد نابا للفل مع تحديث الرادار والشاشه والطبلون 

والجوده انا مجرب ٢٠٠١ و٢٠٠٣ من ايامها للحين شغاله م تغيرت ميكنتها الا مره بسبب الزيت م غيرته ونقص وضرب الشمبر علي 
وبعتها قبل سنه وباقي اشوفها في الشارع لا تخاف من هذي الناحيه 

اغلب الي يسئلون عن المازذا او يشبحون لها ( يعززون ) تلاقي ماله مواضيع الا هذا الموضوع
كانه مسجل علشان يسئل هذا السوال او يمدح فقط وبعدها يختفي

واحد من خيارين اما انه يسئل او يمدح ويعزز وبعدين يموت او انه شخص عند عضويات كثيره يدخل بعضويه يسوي دعايه ويدخل بثانيه يعزز لنفسه

عموما اذا كنت تسئل جد ابعد اهل الخبره يسمونها ( المازذا الفاسدا )

,والدليل بيستخدم جميع عضوياته للدسلايك

مسكت عنصريه يعني يسال ولا اجاوبه احلف تبغى اجيب مصحف واحلف له 
وش اللي يعززون انا مجرب السياره وجربت مستاجره السياره م فيها شي الرجال عجبته السياره تجب انت وغيرك وتقول ابعد عنها فاسده معك دليل انها فاسده هات 
انا ابغى انتصح ورني انا مجرب اغلب السيارات بس اكثر وحده عجبتني مازدا ليه استمع لك انت وغيرك بكلمه كل من حقد على الشركه قالها 
ترا شركة سيارات مثلها مثل غيرها وفيها مازدا من عام ٨٣ وقبل بعد تمشي 
الله يشفيكم حتى الواحد م يقدر يرتاح بسيارته