ما هو الافضل في المازدا

الاستنادر يشجعك انك تشتريها
اقوى من السوناتا
و فيها 6 ايرباقات

الفل يجي فيها رادار جنط 19 سماعات بوز ومواصفات حلوة صراحة

بس لازم تدري ان السيارة قاسية و ضيقه من الخلف و الاستاندر ما يجي فيه مكيف خلفي

جرب السيارتين واللي ترتاح له خذها تقريبا اسعارها متقاربه والمواصفات متقاربه اهتم بالعزل والوكيل

وعليكم السلام ورحمه الله وبركاته

الافضل انك تستاجر عشان تقتنع نفسياً

مافي شي يشجعك انك تترك السوناتا وتاخذ المازدا الا اذا كان عاجبك تصميمها

المازدا وكيلها سيء قطعها مو كلها متوفره بعضها طلبيه وغاليه نوعا ما

السوناتا حبيبة الكل الوكيل بدال الواحد ثلاثه والقطع كلها موجوده وتبغاها من برا الوكاله موجوده تبغاها تجاري موجوده

اتفق مع الاخ معالم التقنية

بحكم اني امتلك المازدا 2016 اختلف مع معالم التقنية
اسعار القطع في المتناول

^ انا قلت انها غاليه نوعا ما

قارنها باللي مثلها تلقى قطع كثيره بالمازدا اغلى

^^^^
مادري عن قطع غيار الكوري
لكن المازدا قطع غيارها ارخص من كل الشركات اليابانية
اخبر نور الفل للسوناتا جهة وحده ب 4200 ريال بالوكالة !!؟
المازدا 6 نورها يجي LED وارخص
الكمبروسور جديد وكالة ب 1500 ريال كمبرسور السوناتا والأزيرا قيمتها وكالة حول 3000 الف ريال وفوقها رخيصة ؟
اتفق معك بنقطة واحدة فقط وهي انتشار قطع الغيارافضل فقط

اذا تفكر باستاندر المازدا 6 مقابل استاندر السوناتا او نص فل السوناتا
فالمازدا 6 خيار افضل
محرك افضل
صرفية وقود افضل
امان افضل 6 وسائد هوائية للمازدا 6 مقابل وسادتين هوائية للسوناتا
بريك اكتروني مقابل بريك دعاسة للسوناتا
جميع ازرار النوافذ auto بالمازدا 6 اما السوناتا زر نافذة السائق فقط auto والباقي عادية
ما تتفوق به السوناتا
حجم المقصورة الداخلية افضل بالسوناتا
مكيف خلفي للسوناتا سوح المازدا 6 بدون مكيف خلفي
اما التصميم راجع لك وكلن وذوقه

^^^

لاتنسى ان مكينه المازدا بتقنيه السكاي اكنف قليل اللي يعرفها ويشتغل فيهل

اما السوناتا سهله وكلن يعرفها وتقدر تتلافى مشاكل التخبيط المنتشرة بذي المكينه [ سببها سوء الاستخدام وليس عيب مصنعي ] اذا طبقت الشروط اللي كتبتها بموضوعي (( سبب تخبيط مكائن 2400 الكورية )) اضغط على اسمي وتحصله خامس موضوع وان شاء الله يفيدك

سكاي اكنف = سكاي اكتف + فيهل = فيها

بعدين يابعدي سالفه الانوار والكمبروسر والوحده تتعدى 4 الاف ؟؟؟ بالله عمرك شفت راعي سوناتا او ازيرا يغير شمعات كل شهر

اسأل عن قطع الغيار الاستهلاكيه مثل الفحمات والسيور والفلاتر مب قطعه ماتغير بالموتر الا بعد 5 او 10 سنوات الا اذا قدر الله عليك حادث (( وهذي بالغالب بيدفعها التأمين ))

ثاني حاجه بالنسبه لانتشار القطع محد يشتري كمبرسر ازيرا او سوناتا وكاله الحين ؟ فيه بالسوق نوع كوري مطابق للوكاله لكن مصدره الامارات وسعر الكمبروسر 700 ريال !!!

بالنسبه لقطع الغيار ( اصلي وكاله ) عندك منيف النهدي وهو موزع معتمد لقطع غيار هونداي وتويوتا يبيع الشمعه ب 1500 اللي تقول انت انها عند الوكاله ب 4200 قبل الخصم وبعد الخصم 2500 ؟ يعني بالله عليك راعي الهونداي تبيه يروح للوكاله ويشتريها ب 2500 بعد الخصم وهو يلاقي مثلها بنفس الجودة عند النهدي وارخص ب 1000 ريال ونفس عدد ايام الضمان اللي يعطيك الوكيل اذا كان فيه ضمان لبعض القطع .

ايضا انتشار القطع فيه بعض القطع تايواني وتايلندي للهونداي 4 سلندر مثل السوناتا وتحت .. اما الجنسس والازيرا فما لها الا الكوري سواء كان (اصلي وكاله) من الوكلاء الثلاث او موزع معتمد .. او حتى الكوري وارد الامارات .

المقصد من كلامي ان راعي السوناتا يقدر ياخذ قطع على قد فلوسه ..اذا بغى سعر رخيص وجوده متوسطه ياخذ التايواني واذا بغى جوده عاليه لكن غير مضمونه ياخذ الكوري الاماراتي واذا بغى المضمون راح لاصلي الوكاله .. اما راعي المازدا فهو محكور بالوكيل عاد زين اذا لقى القطعه عنده بعد

الله يسعدكم مشكورين كلكم