تركيب شاشة مازدا 6 موديل 2014

شاشه الفل ما تركب ع الاستاندر بسبب اختلاف الظفيرة

أنا ركبت قبل سنتين تقريباً
ولا زالت راكبه عندي
طبعاً شريتها من محلات الزينة في كيلو 2 بجدة
نفس الظفيرة ما تحتاج قص أسلاك أو توليف

أسعارها حالياً تقريباً ما بين 1300 إلى 1700 مع كاميرا خلفية

الله يجزاكم الخير بس اعرف انو الشاشة تركب ع الاستاندرد لان شركة مازدا موفرة الافياش جاهزة بس تركب زي ما قال أخوي ابو العنود...
بغيت اسألك أخوي ابو العنود ايش اسم ماركة الشاشة و هل يجي معها خرائط جي بي اس و كاميرا خلفية.
و كيف ادائها بارك الله فيك 

عذراً على التأخير

الشاشة اللي انا اخذتها نوعها s100 صينية
كشكل وإعدادات جميلة جداً
صوتها جميل جداً تحس كأنه مركب فيها تضخيم صوتي ماشاء الله
وضوحها في النهار جيد
الخرائط تعمل بشكل جيد
تدعم أزرار الدركسون والـ USB والـ AUX اللي بالسيارة

فيها عيبين قاتلة رافعة ضغطي
الأول مشغل السيدي - إذا كنت مشغل سيدي وجيت تنتقل بين المقاطع الصوتية تاخذ وقت أطول من اللازم
يعني ما تنتقل من مقطع لمقطع بسهولة وتحس كأنها تهنق. لكن في البلوتوث والـ AUX والـ USB ممتازة جداً
الثاني: لما تشغل السيارة تاخذ لها وقت حتى تشتغل - يعني ممكن 10 ثواني حتى تشتغل
أحيان إذا شغلت السيارة وجيت برجع ريوس أنتظر حضرتها لين تشتغل عشان أقدر اشوف الكاميرا.


عموماً الآن نزلت شاشات بنظام أندرويد
وكثير يمدحونها فالأفضل إنك تشوفها