أضف سؤال أو موضوع جديد          

صيانة مازدا 6 من2014الى 2017او صيانة ال 100

up 7 down 1
my3bod 19
قبل 5 سنه و 8 شهر



سلام عليكم حبيت انوهه بخصوص صيانة مازدا 6 عند وكيلها الحاج سعر غيار الزيت او الصيانه الدوريه ب ٣٩٤ ولا راح تستفيد شي من روحتك له الا اذا كانت فيه مشكله حقيقه بالسياره لانهم يغيرون لك زيت وسيفون فقط وكل مره تروح تدفع ٣٩٤ مره والصيانة القادمه ٥٩٤ طبعا الزياده مالها مبرر فقط لاسمح الله يقولك لو ضرب عليك مساعد نغير لك على الضمان يعني يمص دمك وهو عباره عن تأمين مضحوك علينا المهم انهم ولا يسوون لك شي في موترك فقط يغيرون زيت وسيفون سعر تغيريهم برا ب ١٩٠ ريال خذ لك من عندهم سيفون وفلاتر ماكينه ومكيف خذ كميه خلها بالشنطه عندك وروح مركز غيار زيوت مضمون وغير عندهم ترا انا تمقلبت فيهم وفوق كذا صيانة ال ١٠٠ الف اللي سعرها ١٠٣٤ ريال مفروض يغيرون لك فيها زيت الجربوكس وبواجي وسيور وزيت ماكينه وفلاتر تخيل على هذي الاشياء التافهه يوصل قيمة صيانة السياره الى ٣٠٠٠ ريال يعني صيانة ال ١٠٠ ماتشمل تغير زيت الجربوكس والسيور والتربيط فقط زيت مكينه وفلتر وفلاتر هوا ب ١٠٣٤ ريال عند هذا المجرم مو كفايه أن مراكز الصيانه قليله وشغلهم بطئ فوق البيعه اسعار مدبله وانا بصراحه غيرت عندهم زيت الجربوكس ب ٩٠٠ ريال !!! ورفضت استمر في صيانة ال ١٠٠ الف مع العلم أن غيار زيت الجربوكس سهل جدا فك صوفه فقط وفصلت عليهم وماراح اجيهم بأذن الله بس بعدها اكتشفت أن اخوي غير زيت الجربوكس للأكورد ب ٣٦٠ في الوكاله ويقولون أن الاكورد صيانها غاليه !!! وفي بيترومين سعر غيار زيت الجربوكس ب ٤٠٠ ريال حسبي الله والله حرام احنا مستغلين من كل جهه والسبب الناس اللي تعطي الوكاله اكبر من حجمها ولي صديق كان يضحك علي يوم اروح للوكاله ويقولي تراهم يضحكون عليك ماصدقت طلع كلامه صحيح مع العلم أنه شرا السياره ولا طبت الوكاله والحين ماشيه ماشاء الله ١٦٠ الف خلال ٣ سنوات اسف على الاطاله حبيت اوضح لكم عشان ماتوقعون في نفس الاستغلال وشكرا







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


جزاك الله خير

وانا استغرب من بعض الناس يشتري الموتر تأجير تمليك راح ثلث الراتب وغير كذا ميزانية شهرية صيانات

ولو انه شاري موديل 2014 ولا 2015 مهب على يده وكالة كان ما سوى كذا بس جديد على يده لازم وكالة حتى لو تزرفني


ياحبيبي انت كذا صرت تصرف اكثر من اللي معه 2008 و2007 بس الفرق انك راكب جديد وهو موديل اقدم ، يعني قصد لايمكن ينزل عن 1300 بالميت وهذا اذا كانت دفعتك كويسة بعد والباقي حول 2000 ريال اقصادهم


وصيانات بمبلغ وقدره وتكتشف انك في 5 سنين دفعت عليها مبالغ خيالية وجاء الوقت اللي هي فعلن تبدا تطلب القطع الاستهلاكية هذي


تحياتي للجميع


up 2 down 0
a.ibrahem 3169
قبل 5 سنه و 8 شهر



اخوي ابي رقمك بالخاص ضروري الله يعافيك


up 0 down 0
تــركي عبدالله 92
قبل 5 سنه و 8 شهر



صادق بكلامك
الوكالات بعضها تلقاهم تحت التدريب ومايفهمون وش تقلهم
المفروض ناخذها قاعدة
الاشياء الاستهلاكية دايم الافضل برة الوكالة
الاساسية لك حق تروح فيها الوكالة


up 1 down 0
ابو عبدالله احمد 3530
قبل 5 سنه و 8 شهر



جميع صياناتهم مايغيرو الاشياء المهمه الا اذا طلبت ومنها زيت الجربوكس اسعار غالية ع الفاضي

الافضل تغيير الزيت عند بترومين واحتفظ بالفاتورة للحفاظ على الضمان


up 0 down 0
أبو محمد 111 5
قبل 5 سنه و 8 شهر



وعليكم السلام ورحمة الله وبركاته

اخوي صيانة 100الف فيها تغيير بواجي مع الزيت و الفلتر والتشييك
سويتها برى مع شراء القطع من الوكالة وزيت بترومين A1 ومنظف بخاخات وكالة ما كلفتني 570 ريال


up 0 down 0
ماك عزوز 63
قبل 5 سنه و 7 شهر



انا معي مازدا 6 2015 ما قد دخلتها صيانة ,اسعار مبالغ فيها ,
وفي الاخير تطلع من عندهم مغير زيت وسيفون وزودلك زيت فرامل!
كنت اشتري فلاتر وسيفون واغيرزيت عند بترومين ب 120 ريال تقريبا ,
وحاليا اشتري زيت موتركرافت من توكيلات الجزيرة واغيرعند اقرب بنشري بحدود 30 ريال



up 0 down 0
hassan.h.h 9
قبل 5 سنه و 7 شهر



السير متى يتغير؟


up 0 down 0
قاصدكريم2008 -1
قبل 5 سنه و 6 شهر