مازدا 6 مزايا و عيوب حياكم ي المجربين

والله ياخي انا ما املكها لكن انصحك فيها ولعدة اسباب
1- ياباني 2- سعرها طيب - مواصفاتها مقارنه بالياباني الاخرى من تويوتا والكوري 3- توفير بنزين قوي جدا وهذي اهم نقطه لاننا مقبلين على ارتفاع عالي جدا
4 - تصميمها جميل
عيوبها مثل ما ذكرت لكن اشوف مميزاتها تغطي على عيوبها

اذا تبي افضل مواصفات لكن بقير CVT
شوف الالتيما ب٧٠ بالمعارض
او جيب اكستريل ٢٠١٦ ب٦٨ عند العيسى
و بالنسبة للتكييف الخلفي لسيارات السيدان ترا دفعه ضعيفه مهما كان
يعني لازم ترفع دفع الهواء من قدام حتى يوصل للمقاعد الخلفيه

يعطيكم العافية .. بانتظار الافادة بخصوص المشاكل و العيوب لاصحاب الموديلات السابقه 14 الى 16
هل واجهوا مشاكل او عدم توفر القطع ؟؟

ابو محارب شوف الرابط


https://haraj.com.sa/1120782004/

معي ٢٠١٦ ماشية ٥٠الف البنزين ماتصرف اعبي احمر المكيف قليلة فية بارد المساحة الداخلية ضيقة الرساوة طيبة الصيانة جيتهم ماشية ٤٠ الف قاىي ٨٠٠ نغير زيت وسيفون وفلتر مكيف ومكينة وسحبت عليهم عندي صوت بالمساعد الايسر من يوم اخذتها والاسويتة مو هذاك الصوت اللون اللي معاؤ فضي وداخلية بيج قطع الغيار ماسعرتها العزل ابو كلب صوت الهوى على سرعة ٨٠ يفجر راسك كل شوية احسب القزاز نازل اذا انت بالمدينة كلمني تجرب الموتر

عليكم السلام 
حياك اخوي انا جربت السياره موديل ٢٠١٥ و ٢٠١٧ 
طبعاً حسّيت بفرق كبير في العزل لان في ٢٠١٧ حطو حوالي ٢٤ كيلو مواد
خاصه للعزل وما شاء الله اتحسن بشكل ملحوظ العزل والسيارة ما يحتاج 
ممتازه جداً ومعروف نظامها سكاي أكتف لتوفير الوقود ،،
انصحك فيها وبقوه وقطعها مهب غاليه مقارنة بفئاتها .. 

موفق والله يكتبلك اللي فيه الخير 

افضل سيارة في هذي الفئة بنظري في الفترة الحاليه التيما 17 رغم بعض الملاحظات ولكن السعر مقارنة بالمواصفات
يعتبر جيد الماليبو جيدة بعد المازدا حلوه ويعجبني شكلها للامانه لكن البعض يشتكي من صيانتها وان وكيلها ما يوفر قطع
وضيقة

الفل كامل روعه بصراحة الاستاندر ينقصها اشياء كثيرة ركبت السيارة يعيبها من وجهه نظري السعه الداخلية والارتفاع نازله في الارض اكثر من الازم العزل حسنوه في 017 في البيع زبونها صعب وفي المشترى محتكرها الوكيل والراي لك قطع الغيار ماضنيت به قطع اغلى من التويوتا

- هل تنصح بالسياره ؟ وليه ؟
انصحك فيها وبشدة لانها عملية والافضل في فئتها تقريبا وخصوصا انها ياباني ومعروف الياباني
(( عندك الاوبتيما ممتازة ولو بتنتظر السوناتا الشكل الجديد نازل بعد سنة ))

- هل صيانتها متوفره في مناطق المملكة ؟
اتوقع في المدن الكبيرة والله اعلم

- هل قطع االغيار غاليه مثل ما اسمع ؟
قطعها ارخص من الالنترا في الوكالة :) بس البعض يمكن يعتبرو عيب وهو ان القطع متوفرة عند الوكيل فقط

- في حال قررت اشتري ودفعت الفلوس , كم تاخذ وقت علشان استلمها ؟
اذا اقساط على حسب البنك لكن غالبا من اسبوعين الى شهر
اما اذا كاش برضو على حسب توفر السيارة واللون عندهم لكن غالبا 3 ايام الى اسبوع بالكثير

- هل الموتر مرغوب في حال قررت ابيع ؟
ما اعتقد مرغوب مثل تويوتا

- هل السياره هاديه و راسية في الخطوط ؟
للامانة الرساوة ممتازة على فئتها لكن يعيبها العزل سيء بصراحه لكن يقولو اخر موديل حسنو العزل واضافو طبقتين من القزاز وحسنو العزل الارضي لكن ما جربتها ( جربت 2016 وكان سيء للامانة )
افضل شي انك تجربها

- ختاما .. افضل لون لهذي الفئة ؟
اللون الفضي ( جنب الاحمر في الصورة )

حاب اضيف ان السيارة اقتصادية جدا ما شاء الله وعزمها ممتاز
فقط عيوبها بنظري الداخلية ضيقه نوعا ما والشنطة صغيره جدا والعزل سيء
اسعار الصيانة رخيصه بصراحه اغلى صيانة تكلف حوالي 850 ريال اذا مني غلطان ( عندي الالنترا وصلت صيانة 60 الف كيلو بـ 3000 ريال -_- )
والف مبروك مقدما

زد فلوسك شوي وطق لك بتورس ستاندر طالما رغبتك فيها.
صراحه موتر ممتاز جدا وعزل وراحه ورساوه .
لكن يكون بالحسبان ان شكله بتغير في 2018
وبالتوفيق

- الله يسعدكم على الردود ي شباب

- مالي رغبة في الشفر و النيسان

- اللي مخوفني من مازدا اني ما اشوف موديلاتها القديمة 2011 مثلا ف هذا يدل على ان القطع غير متوفره و الصيانه صعبه
واذا وجدت اسعارها غاليه

- متردد كثير والله ):

صحيح غير موجوده بكثره موديلات 2009 و2010 لحد 2014 

كانت قطعها غاليه شوي ومهب اي احد يعرف يصلحها لكن من 2014 لحد الان 

مليانه في الشوارع وقطعها رخيصه جداً وتقنية سكاي أكتف رفعت سمعت المازدا وصارت 

منتشرة بشكل كبير في السعوديه ...

انصحك بالقيادة التجريبية سواء المازدا 6 او غيرها واستخر وتوكل على الله لما تميل نفسك له

المازدا ممتازة وجودتها عاليه معي وحده 2007 ممتازه جدا ورساوه في الخطوط السريعه وقطعها اسعارها متوسطه وارخص من الكامري لكن المازدا الجديده قطعها ارخص من القديم