ضاع المفتاح

الحل ابشر فيه
الحديده الصغيره اللي تجي مع المفاتيح اللي فيها كم رقم
عطها مبرمج المفاتيح يطلع لك المفتااح
اخوي مفتاح دددددسن15 قفل عليه و برقم الحديده عطاه مفتاح

@مير الاصيل

المشكلة ما حفظت الرقم!!

الحديده بالمفتاح الضايع
اجل شوف مهندس مفاتيح فاهم برمجه
اسأله

رح الوكالة لاتخلي احد يلعب بالبرمجة سيارتك جديدة
المفروض يعطونك مفتاحين من يوم تشري السيارة
تلاقي المفتاح الثاني عند اللي قسطو عليك عشان يحركون بالسيارة من قدام بيتك اذا ماسددت

الظاهر ماعد فيه شي اسمه سحب سياره من عند البيت
خاصه البنوك
ماتسدد ترفع فيك يوقف خدماتك وياخذ حقه البنك نظاميا
بدون سحب ولحب

في مفتاح ثاني في البنك خذ الرقم منه روح الوكاله طلع مفتاح ثاني

ذكرتني بسالفتي مع مازدا6 
عام 2007
ضاع المفتاح
ورحت للبنك الاهلي وكان موقعهم في خريص
وقالوا ادفع قسطين مقدم 
وقيمة مفتاح بالوكالة ( 700 بالريموت و90 ريال بدون ريموت )
ومدري كم حق البرمجة في الوكالة
وحق ارسال المفتاح من جدة !!!! قلت انا مطلعها من الرياض
وش يودي المفتاح لجدة ؟؟؟
قالوا هذا اللي عندنا تبي ولا توكل

وانا اشد الهمه واقول يخسون ثم يخسون ثم يخسون 

واتصل بواحد من الجماعه عنده محلات مفاتيح في الجنوب 
ودلني على واحد وقال بالحرف هذا الشخص ان مافكها لك ولا بيدلك
قلت تم

طبعا الرجال اللي دلني عليه هو الشايقي 
والان في محله بين مخرج 29 و 28 الرياض الدايري الغربي
ومحله هناك من 2007 حتى يومنا هذا

رحت للشايقي وقالي المازدا والمرسيدس من اصعب السيارات برمجة

وحاليا ما اقدر ابرمجها لكن برسلك على شباب بالملز
ان مابرمجوها لك ولا مايبرمجها الا الوكالة !!

توكلت على الله يم الشباب في الملز
وعطيتهم العلم قالوا هات السيارة 
واجيبها لهم سطحه 
وانزلها ويومين ويدقون علي تعال وجيب معك اشتراك 
واجيهم ومن اول دقه اشتغل الموتر بسم الله ماشاءالله
واخذ علي مدري 150 او 300 

والحمدلله رب العالمين

موقع الشايقي الدايري الغربي بين مخرج 28 و 29 بجوار العضيب

وموقع الشباب في الملز 
شارع جرير شرق تقاطع جرير مع الستين ( صلاح الدين )
اسم محلهم 
الوطن للمفاتيح محل صغير نص فتحه بعد خخخخ

لكن مر الشايقي وان شاءالله يبرمجها لان هالفترة صاير يبرمج سيارات 
كثيرة وبرمجت عنده مفتاح اكورد قبل فترة

نصيحه ياشباب ااي معاه سيارة جديده
ينسخ له مفتاح عادي الي يفتح الباب ويفتح السوتش لكن مايشغل
السياره هذا اذا كانت السياره ماهي بصمه .
هذا المفتاح تستفيد منه اذا ضاع الرموت الي فيه المفتاح الي يشغل السيارة
كل الي عليك تروح تشتري من الوكاله مفتاح جديد برموته
اقرب محل مفاتيح خذه معاك وعلى موترك يفتح السوتش ويبرمج لك المفتاح الجديد بعد مايقصه على المقاس
من المفتاح الاحتياط الي معاك خله في البوك ونت مسافر لاسمح الله ضاع مفتاحك ماتبلش
لكن مفتاح البصمه ماعندي عنه اي خبره اذا ضاع لان السياره مافيها سوتش .