أضف سؤال أو موضوع جديد          

سؤال - ورشات تفهم في المازدا بالرياض

up 2 down 0
i3bdallah87 9
قبل 11 شهر و 3 أسبوع



السلام عليكم يالربع

عجزت ألقى ورشة تفهم بالمازدا بالرياض، تعرفون ورشة مجربة ؟ خصوصاً بمشاكل القير

المشكلة باختصار : مازدا ٣ موديل ٢٠٠٧ فيها مشكلة بالقير (يطلع من أول للثاني للرابع و ينقز الثالث .. والريوس يهز السيارة) و لمبة ال AT مولعة

مشكورين







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


وعليكم السلام
الصراحه ماعندي علم بالمشكله
بس ودي الاعضاء الي دائما يمدحون المازدا ويعززون لها يحلون مشكلتك

للاسف اي موضوع محتار راعيه بين كذا سياره والمازدا ماهي من ضمن اختياراته

يجونك بعض الاعضاء خذ مازدا!! ياباني قطع رخيصه ومدري ايش ومن هالكلام

وليتهم مجربين بس كلام وهو تحصله ماعمره ركبها كم

الرجال ينتظركم وينكم تحلون مشكلته الرجال موضوعه له اكثر من ساعه ونص ولااحد رد عليه

لو قايل محتار بين كم سياره كان يتناقزون بعض الاعضاء واحد وراء الثاني خذ مازدا

ملاحظه انا مااذم المازدا بالعكس احسن من غيرها ويكفيك تصنيع وتجميع ياباني وقطع رخص تراب وكيف فريزر
بس ماتنفع لنا ابدا مافي ورش تفهم فيها والوكاله الله بالخير والرجال حاليا متورط
مااقول الا الله يعينه

ادري موديل سيارته قديم بس مانقدر نحكم الا على الموديلات القديمه الجديد بدري عليه يخرب

اعيد واكرر الله يعينك ياصاحب الموضوع ويوفقك ومن يقرا


up 4 down 10
d7ooom777 458
قبل 11 شهر و 3 أسبوع



مشاكل القير عامة الا اذا نوع خاص مثل CVT او DSG
بشكل عام غير الزيت سو برمجه شيك على كهرباء القير
ممكن حساس او كلتش من كلتشات نمر القير و زي كذا

مهو لازم احد معه مازدا و لازم كشف شامل كامل
مشاكل القير و المكينة و الحرارة و النتعات و الاصوات الغريبه
هذي يبيلها فحص مباشر و دقيق

الله يسهل عليك


up 0 down 2
أبو نجوى 2443
قبل 11 شهر و 3 أسبوع



لمبة at يعني مشكلة في القير
نقلا من عدة منتديات وتجارب اعضاء
هناك من قال انه على التبترونيك ومشيت عليه فترة طويله وولعت
هناك من قال كان الزيت ناقص وزودته وطفت
وهناك من قال ان هناك حساس هو السبب في لخبطة التغييرات وغير الحساس ب 230 ريال عام 2011 يمكن زاد سعره الان الله اعلم
هذا ماحبيت افيد به والله يسهل امرك


up 0 down 0
ali400ali 222
قبل 11 شهر و 3 أسبوع



صارت معي في مازدا3 وغيرت الكمبيوتر وضبطت


up 0 down 0
احمد 170 285
قبل 11 شهر و 3 أسبوع



شكراً يا شباب

مافي ورشات تفهم بالقير سواء مازدا أو غيره ؟ ما تنصحو بورشة معينة مجربة ؟ والله النصابين كثر والله المستعان


up 1 down 0
i3bdallah87 9
قبل 11 شهر و 3 أسبوع



حياك اعرف واحد
خبره بتوظيب القيور
حق فوردات مدري كان يعرف للمازدا او لا
بس انه فنان
ارسلي رقمك هنا او بالخاص عشان ارسلك الوكيشن
لان صعب اوصفلك بالكلام لان الصناعيه حوسه
ماينفع معاها الا برنامج خرائط


up 0 down 1
d7ooom777 458
قبل 11 شهر و 3 أسبوع



ما قصرت يا d7ooom777

الجوال 0569363913


up 2 down 0
i3bdallah87 9
قبل 11 شهر و 3 أسبوع



لا تستعجل ويقولون لك توظيب ولا شيء احتمال تكون حساسات القير ابحث بالنت عن المشكله و افحص كمبيوتر اول

https://m.assayyarat.com/forums/t280311.html


up 0 down 1
ford91 36
قبل 11 شهر و 3 أسبوع



d7ooom777 للمعلوميه القير القديم من عام 2005 والجديد بدا من عام 2010 م فيه هذي المشكله
وهي بسيطه حساس القير يبي له تغيير اذا كملت مشي بيخبط القير وقف وغيره اقرب وقت
https://www.youtube.com/watch?v=7U3gRRJKAIA
هذا مقطع يفهمك مشكلتك والتصليح يكون في الوكاله او في ورشه متخصص للقيور


up 0 down 0
evil3000 69
قبل 11 شهر و 2 أسبوع



هلا بيك يا evil3000

صادق .. غالباً هي نفس المشكلة اللي بالفيديو وهذا شفتو من فترة .. لكن السؤال ما لقيت القطعة إلا بأمريكا و سعرها فوق 2000 ريال + إذا جبتها هل تعرف ورشة تقدر تتبع نفس الخطوات اللي بالفيديو ؟
هل تعرف ورشة متخصصة بالقيور ؟ هل ممكن ألاقي هذي بالتشليح وبتكون أرخص بكثير ؟

مشكور


up 0 down 0
i3bdallah87 9
قبل 11 شهر و 2 أسبوع



بالتشيلح معك من مديل 2005 الى 2016 الستاندر نفس القطع حقت القير والمكينه
انا من ابها مالي خبره بالرياض ي الغالي
وسعر 2000 تقدر تشتري جير كامل بهذا السعر من التشاليح


up 0 down 0
evil3000 69
قبل 11 شهر و 2 أسبوع