ماهو افضل لون على مازدا 6 استاندر؟

الاحمر او بني محروق

في الوكالة اللون الأحمر والرصاصي المعدني تدفع 2000 ريال زيادة على قيمة السيارة
انا اخذت بني غامق ( موكا ) وتندمت مايتحمل الغبار والأوساخ على طول تبان فيه
أغسلها الليل تتوسخ ثاني يوم العصر لو عاد بي الزمن أخذ أبيض أو رصاصي
بصراحة مع أجوائنا الحاره والمغبره أغلب ايام السنة ماتنفع الألوان الغامقة

الرمادي - الأحمر - البني المحروق

ذوق شخصي والله يكتب لك الخير - ومبروك مقدما الله يعطيك خيرها ويكفيك شرها

نفس الكلام صاحبنا فوق الاوان الغامقه تززززهق تتوسخ بسرعه
انا مجرب هالشي
نصيحه ابيض او لولوي ونتهينا
لو زمن يرجع والله ماخذ لون غامق في بدايه بتستانس بنهايه ببتعب من الغبار

بالنسبة للألوان أحلى لون من وجهة نظري الفيراني

أما بالنسبة الغبار مو معقول اترك لون عاجبني عشان الغبار

خل حارس عمارة أو ذولي اللي يغسلوا سيارات ب 50 ريال بالشهر

ويمسح لك السيارة يوم بعد يوم وانتهينا

حارس العماره اضمن لك غسلتين منه يشل لمعة البوية ويخدشها لأنه على طول يفرك التراب والغبار على بودي السيار

الالوان الغامقه جميله خصوصا على بعض السيارات
لكن مع اجوائنا ما تصلح الا الالوان الفاتحه خصوصا الابيض
لان الجو عندنا اغلب السنه حار
والالوان الغامقه تزيد الحراره
واغلب الايام الجو ماهو صافي غبره
يعني يبي لك كل يومين تغسل السياره !
عليك باللون الابيض هو سيد الالوان
وهو المناسب لأجوائنا وانت ورايك

نصيحة ياخوك

خذ لون فاتح الغامق يطفش في الغسيل 

فيه لون اخضر او تركواز مو عارف بالضبط بس اشوفة من اجمل الأوان بعد الأحمر للمازدا

خذ رصاصي معدني 

طررررب 

والله ياخوي كل واحد وله ذوق وفي الاخير انت بتشتري السيارة مو انا

فأنت خذ اللون اللي تحبه خليك مختلف عن الناس مو تروح يلا مع الخيل يا شقرا

انت وذوقك

انا معاي سياره كبيره لونها اسود واخذته اسود لانه السياره الكبيره يليق بها هاللون

لكن مره مره تعبتني

كل شي يبان فيها غبار زش مطر أي شي

لازم أي مشوار غسيل


والله نصحتي حذ أي لون الا الالون الغامقه

اما بالنسبه للي يقول حارس العماره او العمال أبو 50

ترى اعرف ناس لقيوا سياراتهم معدومه من هالعماله لانه ما يبغى يخسر مويه يرشها خفيف مويه ويفرك الغبار ع البودي



ومبروك مقدما الله يعطيك خيرها ويكفيك شرها

اشوف انك تجرب السيارة قبل ماتشتري لاني كنت مثلك شهدنا من التطبيل لهذه السيارة مالم نشاهدة في الواقع والحمد لله اني ماتوهقت وصرفت النظر

في نظري
الافضل بالترتيب
الفيراني
الفضي
الاسود
الابيض

الولوي او الفضي

السياره انت بتشتريها فلا تسألنا عن اللون لان بنقول الي يعجبنا وكل شخص وله ذوقه روح الوكاله وشف المستودع بتلقى اللوان كثيره وشف الي يعجبك منهم والله يطعمك خير الموتر ويكفيك شره

المازدا ما  يليق  لها إلا الالوان الغامقه  والله يعينك تغسل اهم شى تستانس