أضف سؤال أو موضوع جديد          

المازدا الاستاندر

up 3 down 3
king 191919 -10
قبل سنه و 2 شهر



السلام عليكم 
ابغا رأيكم بكل أمانة في المازدا استاندر 
في اقرب فرصة بأخذها 
وشكرا لكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


المازده حلوه بس فكر في القطع عشان ماتتورط سمعت المرايه في الوكاله 3 الف سلامات لكزس النيسان الصني المرايه ب 100 في سيارات اقتصاديه في كل شي وفي سيارات تجيب لك المرض بعدين اسمع صوت مكينتها عااااالي وهيا جديدة غير كذا كشكل رهيبه وحلوه


up 6 down 11
المتوكل 777 462
قبل سنه و 2 شهر



المازدا ممتازة 
وقطعها رخيصه جدا مقارنة بمثيلاتها
اخوي وولد عمتي وواحد من العيال معهم مازدا 16
واخوي الثاني بيطلع مازدا بعد
قطعها رخيصصصصصه هي والالتيما 
ولكن حط في الاعتبار ان الكهربائيات الخارجية في كل السيارات غالية


up 2 down 4
xpoldx 1430
قبل سنه و 2 شهر



اي سيارة غاليه قطع غيار البودي او بس متوفر بالوكالة
طلعها اقساط على التأمين الشامل و خل الكاش معك لو عندك قيمتها


up 0 down 1
1405-1985 1322
قبل سنه و 2 شهر



188 حصان، 2500Cc
إختيار جميل، ربي يكتب لك خيرها.

مواصفاتها القياسية بالنسبة للاستاندرد تعتبر ممتازة جداً.
سيارة خدومة جدا وعملية، يكفي استهلاك الوقود ١٦ كيلو/لتر. اشوفه ممتاز
تصميم ابداعي، والحلو أنها بدأت تنتشر وتمسك سعر.
مشكلة المازدا عموماً، قلة الأيدي العاملة خارج الوكالة واسعار قطع الغيار، طبعا تعتبر فوق المتوسط.
لكن القطع الاستهلاكية عادية جدا..
طبعا بإمكانك معرفة جدول الصيانة وكم يكلف في كل مرة، من الوكيل.
صراحة اختيار موفق


up 2 down 3
ibh.x976 681
قبل سنه و 2 شهر



والله ماكان لي نيه ارد من زمان اتصفح ولا ارد

لكن شفت ذا اللي يقول مرايتها ب 3 الاف هههههههه

عموما المرايه
سعرها 650 ريال .. كاااامله غطاء بمكينه تحكم وبلدات وقزازه
وايضا تقدر تاخذها مجزاء الغطاء او القزازه كلا على حده
من الوكاله واصليه
ومتأكد 100%
طبعا مرايه الاستاندر .......


رجاء اللي مهو متأكدمن معلومه لايقعد يبربر

انا املك مازدا 6
2016
وماشيه الان 160 الف

تواصل معي خاص اعطيك رقمي واضيفك بكذا قروب
وتلقى فواااتير باسعار القطع الاصليه
ارخص من الاكسنت واليارس كقطع اصليه من الوكاله
ابتداء من المكينه اصفارررررررر ب 10400 على الزيرو
انتهاء بالاكسسورات والخ
كمثال الشمعه ب 650



up 9 down 4
مدرس عاطل 25
قبل سنه و 2 شهر



جميلة المازدا خيار موفق .. استهلاكيات ماراح تكلفك لاهي ولا السيارات اللي في فئتها وما يمنع انك تسأل
لكن اكسسوارات وقطع خارجية بعضها بيكون مكلف وبعضها لأ .. على حسب الفئة طبعاً !
لأن قطع وإكسسوارات الستاندر مثلاً مو مثل قطع الفل ، حالياً معي اوبتيما نص فل 2016 تدري بكم شريت
الكشاف السفلي " بلاكبيري " الواحد طبعاً ؟ بـ 1500 ريال :) وكثير قطع خارجية وميكانيكية لو اقول لك اسعارها
بتمسك راسك زي ما مسكت راسي ( حرفياً ) ! يعني لو إني شاري ألماني أفضل ..
عالأقل اكثر متانة وأرسى وأجود وأسم انه معي ألماني ، لذلك انتا في بر الأمان يا صاح
مبروك مقدماً والله يطعمك من خيرها ويكفيك شرها .


up 2 down 3
alsamer3600 205
قبل سنه و 2 شهر



الشباب ما قصرو 
و انا شخصيا باخذ وحدة الشهر ذا ان شاء الله 
لي 5 شهور ادور سيارة ما خليت وكالة ما رحتها شفت الارخص والاغلى و الافخم و الاردى منها 
من فولكس واجن باسات الى كرايسلر c200 و فورد فيوجن و الماليبو 2017 الى السيارات الصينية حتى 
من 60 الى 80 الف و بختصرها لك ما بتلقى افضل منها من ناحية الاعتمادية و تبريد المكيف و جودة الصناعة و رخص قطع 
و موصفات و تصميم مقابل ذا السعر عيوبها بعد البحث او المميزات اللي شفتها في منافسيها العزل الارضي و الراحة 
و طبعا الميزتين هاذي كانت في الفورد الفيوجن الراحة رح تاخذ بدالها قساوة ممكن تكون متعبة لكن في نفس 
الوقت تستحمل شوارعنا المكسرة يعني هي ميزة و عيب راجعة للمستخدم و سعر الفيوجن له دور المازدا ب 67 
الفيوجن ب 79 اقل نوع طيس ما اشوف العزل الارضي يستاهل فرق 12 الف 


up 1 down 2
shadowz33 1090
قبل سنه و 2 شهر



السيارة ممتازه ماعليها كلام ولكن ماكامل إلا وجه الله تعالى فيها بعض العيوب مثلها مثل غيرها من السيارات وفيها مواصفات للإستاندر ماهي موجوده في باقي السيارات
مواصفات الإستاندر
*جنوط
*تشغيل بالزر
*حساسات خلفية
*اشارات على المرايا
*سفط مرايا
*جلنط إلكتروني
*تنزيل شبابيك أو رفعها بضغطة وحده
*مثبت سرعة
*تحكم كامل في الصوت من الدركسون
ايضاً صرفية البنزين ممتازة جداً كذلك العزم
عيوبها:
*العزل سيء
*المرتبة الخلفية ضيقة شوي مقارنة بالمنافسين
*لايوجد طفاية للمدخنين
*لايوجد زر لفتح الشنطة من داخل السيارة
*زجاج السائق صغير ويضايقك اذا بتسحب من الصراف

بالنسبة لقطع الغيار انا معاي 2017 استاندر سألت عن الزجاج الأمامي في الوكالة بـ 1600 وشوي
صيانتها سويت أول صيانة حقت الـ 10.000 بـ 375 ريال واشوفها غالية لأنها تغيير زيت فقط



up 2 down 1
..original 187
قبل سنه و 2 شهر



خويي مسوي صيانه اكسنت 5 الاف ب500 وشوي حلف م عاد يروح



up 1 down 3
evil3000 69
قبل سنه و 2 شهر