اكره الاجار المنتهي بالتمليك لاكن مجبر عليه نصائحكم وشوركم

السلام عليكم
مابي انصحك بشي حرام وقلك طلع قرض
لكن شوف مشاكل الايجار وشروط العقد الي حنا لا نقراها اصلا
الا بعد الايجار وبعد ما نطيح بمشاكل اذا قدرة تدبر روحك بملغ
وتاخذ سيارة تمشيك مثل صني توكل على الله
اذا لازم ايجار اقرا العقد كامل وجيدا

الاجار المنتهي بالتمليك مافيه بركه ، واللي ياخذون السيارات سبحان الله يطفشون منها (نفسياً) وهي ماتمت معهم الا ثلاثة شهور او اربعة ثم يعرضونها للتنازل، مع ان بعضها سيارات حلوة وعملية لكن البركة غير موجودة
فيه قروض مباحه بالبنوك (يعطونك قيمة القرض اسهم لشركة تختارها انت) بعدها انت حر تبيع مباشرة اوتنتظر يمكن يرتفع سعر السهم ويمكن ينزل (انت وحظك)
وبالنهاية الله يبارك لك في حلالك وكل مسلم

مهما يكون الايجار لا تقربه شوف لك سياره مستعمله تكفي حاجتك 
وعلى حسب البعد خذ 
تسلف من احد حاول تجمع 

الله يعطيكم العافية والله اني اتفق معكم لاكن المشكلة في السيولة , الله يزين الحال ويارب تتيسر

نصيحتي لك خذ قرض بسيط سنه او سنتين



مبلغ 20 او 30 الف وخذ سياره مستعمله 

شور اخي التاجر الكبير سليم اتفق معك

اذا معي كامري 2017 ماخذها من عبداللطيف جميل
ماخذين ربح سنوي 12% تقريباً وقسط عالي شوي
وتوها راحت تالف قبل كم يوم لكن الحمد لله بيعوضوني بسيارة ثانية
مع ان الغلط علي 100% هنا يعتبر ميزة صراحة
اذا سيارتك راحت تالف لاسمح الله بيعوضونك سيارة ثانية
-حسب شروط البنك او الشركة اللي بتقاسط عندهم-
اذا انت منحد اذا تاخذ اقساط شف كم بيطلع عليك اقساط وارباحهم السنوية
وتوكل على الله...او اذا تقدر تطلع قرض شخصي على قد مبلغ السيارة يكون افضل
منها تكون باسمك ومنها اذا محتاج تبيع السيارة تقدر تبيعها
وهذا مالدي..والله يرزقك ويعطيك خيرها ويكفيك شرها

انا معي **
تصحيح غلط مطبعي

للاسف بعض الشباب يقول مشاكل التأجير والعقد.  ومانقرا الخ
انت تتفق معهم بسعر معين واقساط معينه. ودفعه اخيره معينه.  والمبلغ كاملاً تكون عارفه
هذا رقم واحد
٢/.  في حال التأمين والحوادث كفاكم الله شرها.   تسألهم تعرف كم نسبة التحمل
ومهما كان.   احيانا دقيشه خفيفه. تكلفك ٣٠٠ لاتروح لهم.  لأنهم بيعطلونك وبياخذون ٢٠٠٠.  الاقساط. تمشي عليها.   لكن لو اظطريت شهر
فإنهم يسمحون بشهر وليس شهرين.  يعني مايقدرون يسوون لك شي.   فقط يزعجونك اتصالات
اهم شي تعرف المبلغ.  القسط. الاجمالي.        وتلتزم بالسداد.  كلها قسط. ارميه عليهم كل شهر
وافتك.   انا خليتها ٣ سنوات.  عشان يخف علي. التأمين والفايده.  ف وفرت ١٨٠٠٠ او ٢٠ علما باني فقط زدت ٢٤٠ ريال كل قسط فقط

انا مثلك انحديت على الايجار المنتهي بالتمليك. واخذت اكسنت قسطها 800 ومافكرت. باي قسط فوق الف

مافيه اسرار ولاشي
هو.  فعلا في حال الحوادث. وانعدام السياره كليا.    يكتبون تالف 
اللي بياخذها لسواق او صغير سن.  هنا فعلا يفصفص العقد.  فصفصه.  يسألهم عن كل صغيره وكبيره

على فكرة...لابد تقرأ العقد كامل
يعني ابوي طلع السيارة ولا قرأ شي من العقد
وصدمني واحد قبل ماتروح تالف والحمد لله الغلط على الطرف الثاني 100%
سألت حق الصيانة عن مبلغ التحمل وكذا قال اللي شاري السيارة يدفع 2000
وكذلك اللي فوض السيارة لهم...مو مفوض للسيارة تزيد 500 اعتقد ويدفع من 20 الين 50% حسب الصدمة والتسعيرات
اذا احد صدم سيارتك وهرب كذلك يدفع مبلغ تحمل 2000
واشياء اخرى

شوف دامك متوظف جديد فالله يبارك لك بالوظيفه انت اذا ما قدرت تتسلف مثلا من اخوانك او ابوك او على الاقل شوف لك مكتب تقسيط بطايق سواء عشان تاخذ سياره مستعمله
خذ سياره اجار منتهي بالتمليك لكن ما يتعداء قسطها الف ريال لانك راح تتوهق فيه انت لا تفكر براتبك خلال شهر او شهرين
انت متخيل ان راح ينخصم من راتبك مبلغ وقدره كل شهر ولمدة 6 سنوات القادمة ومهما كانت ظروفك راح تكون
مجبور انك تسددهم او يطلعون عينك بسمه ويبهذلونك شفني انا اخذت اكسنت 2015 ومبتلش فيها اوقات تصير لي ظروف
واضغط على نفسي واهلي عشان اسددهم ولو يرجع فيني الزمن ياشيخ ابقى على الفورد 99 ولا انكب بالاجار

دور لك تنازل اخو الجديد 

نصيحة حاول بطريقة ما تاخذ نسخة من العقد وتراجعها بيوم كدة على رواق مع كاسة شاهي واذا لقيت محامي صديق لك اعرضها عليه واذا الامور تمام توكل على الله لان اذا مسكك القلم وقلك وقع رح توقع وانت منت داري على شي ورح يلعب عليك المندوب صدقني صارت معايا مرتين وتندمت راجع العقد زين وشوف فيه بند التاخر عن السداد كم يسمحولك فيه وهل يحق السحب بالمختصر اقراء العقد لمدة يوم كامل وليس نصف ساعة

تاكد عزيزي ان عقد الاجار المنتهي بالتمليك كل بنوده في صالح الشركة المؤجره او (البنك)

ولكن اذا انحديت خذ لك سياره قسطها اقل من 1000 ريال

واذا عملك يخولك انك تقدر تطلع قرض من البنك خذ في حدود السبعين الف

واشتري لك النترا في حدود 53 الف مكينه 2000 سيسي نص فل

او التيما استاندر تشغيل عن بعد وبصمه ومكينه 2500 في حدود 62 الف

نصيحة محب ياخوي

خذ لك قرض عادي واشتر لك سياره كاش افضل لك لو قدر الله واحتجت تبيعها تكون ملكك انت

كمحب لك

تصحيح بخصوص السيارة الجديدة
طلع ان اتلفوا السيارة وقالوا طلع لك واحد جديد وتقاسط من جديد
حبيت اصحح علشان ما اورطك :)