ما هو نوع بنزين مازدا 2018 ستاندر

شيك على الكتالوج بتشوف البنزين المناسب للسيارة
مع العلم ان السيارات مثل هالفئة بنزينه 91

الكتالوج مكتوب ٩١ بس الموظف قالي ٩٥ أحسن للمكينة 

مافيه أي اشكال لو بدلت من 95 إلى 91 ..
استخدم بنزين 91 اوفر لك .. ومناسب لسيارتك ..

وما أدري أستمر أعبي ٩٥ والا أغير 

ناس تدور التوفير تعبي جيوب ٩١
و انت مطلع مازدا اربع سلندر و المكينة موفرة
و تعبي ٩٥ !!!!!

هرمنا من هذي الاسئلة والجواب استيكر على بابك الخلفي 

عجييييب
عبي اخظر يالطيب
وش لووة الخساير

شوف ياعزيزي

الملصق اللي على القزاز ايش يقول وطبقه

وبالنسبه للتغير خلي التانكي الييين مايكح وتولع اللمبه حقته وبعدها عبي اخضرر فل الفل


والف مبروك الموتر والله يطعمك من خيره ويكفيك شره

مكاين السكاي اكتف للمازدا الجديدة الافضل لها احمر
لان ضغط المكينه قوي والبنزين الاحمر يساعد على الاحتراق
بشكل اقوى ..

عبي 95 افضل 
انا معك ان بنزين 91 مناسب لها على كلام الوكالة 
لكن ارقام الاوكتين اللي عندنا غلط
يعني ال 95 وقت الاختبار يطلع 89 تقريبا و ال 91 اقل 85 او 84 تقريبا 
تقدر تشوف مقطع حسن كتبي على اليوتيوب ماخذ عينات من محطات مشهورة و مسوى عليها تجربة بجهاز قياس الاوكتين 

اول شي
الف مبروك على السياره يعطيك خيرها ويكفيك شرها ان شاء الله

ثاني شي بخصوص سؤالك
غالبا سيارات السيدان بشكل عام
الافضل لها بنزين 91

ولا مانع من استخدام 95

ميزة 95
انظف وانقى ويطول عمر المكينة
+
يعطي السياره عزم افضل

لكن من الناحية المادية يعتبر مكلف اكثر

وعلى حسب ميزانيتك في الاول والاخير

والافضل لك وللسياره
تعتمد على البنزين الموصى بيه ( 91 )
لان سيارتك جديده
ولاقدر الله لو حدث اي شي
الشركه ماراح تعتمد الا على البنزين المكتوب في الورقه + في كتيب السياره
ماراح تعترف بكلام الموظف ابدا


لكن لاتنسى مثل ماذكرو الاخوان الي قبلي

اذا نويت ترجع لبنزين 91

فضي التانكي تماما
حاول تستهلك كل الكمية الموجوده عندك في التانكي لين تقرب تطفي
بعد كدا عبي 91

+
انصحك وبشدة وبحكم تجربة شخصيه
حاول ماتعبي الا من محطات بنزين معتمدة ( ساسكو - بترومين ) والي مثلهم شركات معتمده

لان بعض المحطات ممكن تلعب بالبنزين وتغريك بعلبة منديل
والناتج ضرر على سيارتك
وهذا الشي سارلي من قبل للاسف

اتمنى اني افدتك

الله يعطيكم العافية جميعا

مدري مين ضاحك عليكم وقايلكم ان٩١ وسخ وماهو نظيف
و٩٥نظيف ونقي ههههههه
كلهم من نفس المصنع والنظافه وحده مافي فرق بينهم الا بالاوكتين فقط

والي يقول حسن كتبي اول شيء ابو كتبي ماهو مرجع عشان نحكم عليه تقدر تقول عنه اجتهاد شخصي منه عشان يدور كم ريال ولا هو اساسا مايعرف راسه من كوعه عشان نخليه مرجع لنا في البنزين

ارجع للكتيب ولا تسمع فتوى من احد

السلام عليكم
اول شي الف مبرووك على سيارة والله يعطيك خيرها ويكفيك شرها
من ناحية رقم الاوكتان المناسب كلهم مايضرون دامها تقبل ٩١
مايضرها لو عبيت ٩٥ بس راح تضر جيبك بدون فائدة
الكلام العلمي عن فرق الاوكتان ان الرقم كل مايزيد يمشيك عدد كيلوات اكثر
واذا تبي تجربه عملية عشان تعرف الفرق بينهم عب فل
وصفر عداد الرحلات A او B وشف كم يمشيك ٩٥ ثم حول ٩١
ماراح تلاحظ فرق كبير او مستاهل والعزم نفس بعض الفرق شي واحد فلوسك

^ الكلام ماهو موجه لك تصدق ولا ما تصدق بكيفك
و انا ما قلت مرجع ولا قلت فتوى قلت الرجال اختبر عينات البنزين بجهاز تحديد مستوى الاوكتين و منزل التجربة كاملة
و يوم انك تعيب فيه و تقول ما يدري طيب ورنا شطارتك و رح اختبر البنزين و ورنا النتائج ماهو كلام منتديات 

 

لاإستكر ولا غيره شيك على الكتيب المرفق

انا صراحه مادري ليه الديسلايكات ههههههههه
ما عطيته كلام عندي ولا شي
قله يشيك على الكتالوج ويلقى الجواب
او على غطاء البنزين...واللي اعرفه ان السيارات الفخمة او الرياضية يستعمل بنزين 95
والسيارات الاقتصادية او السيدان يستعمل 91 الا استثناءات

الكتالوج في دول الخليج يقولك 90 فأعلى
الا الامارات 95 فأعلى